2. Rajengro liil 5:5 - O Debleskro Lab 2024 (Sinte-Manouche)

⁵ “Dja koy”, penas o baro ray pral Syria. “Me kamau o baro rayeske pral Israel i liil te činell.” O Naaman djas koy oun las peha efta centnarya roup oun shob zerya sonakangre love oun deesh rayle ripya.

O Debleskro Drom 2021 (Sinte)

⁵ “Dja koi”, penas o baro rai pral Syria. “Me kamau o baro rajeske pral Israel i liil te tchinell.” O Naaman djas koi un las peha efta zentnarja rup un shob serja sonakangre lowe un deesh raile ripja.

2. Rajengro liil 5:5 ပူးပေါင်းရင်းမြစ်များ

1. Mose 11:3

Oun yon penan yek ap o vavareste: “Avenn, las čik, te kras barra dran lende, oun rhačras len, te venn le zoreles.” Oun yon lan čik oun kran barra dran. Oun lan teera te čivenn le lat mank i barra, te ačenn kol barra khetne.

1. Mose 11:7

Avenn, djas tele pash lende oun das hakenes i vavar rakepen, yaake, kay yek i vavares bouder gar hayvella.”

1. Mose 45:22

Hakenes das yob yek shoukar ripen. O Benyamin las triin-sheel roupene kotya love oun panč shoukar ripya.

1. Rajengro liil 13:7

Palle penas o baro ray ap o Debleskro morsheste: “Ab mantsa an miro kheer! Rha oun pi čomone! Oun me kamau te dap tout čomone shoukar.”

1. Rajengro liil 22:3

Oun o baro ray pral o them Israel penas ap leskre boudepangre: “Djinenn t'mer gar, kay o foro Ramot an o them Gilead maro hi? Hoske rikrah men pale, oun lah les gar dran o vast o baro rayestar pral Syria?”

2. Rajengro liil 4:42

Koy vas i morsh dran o them Baal-Shalisha oun anas ko Debleskro morsheske maro dran nevo djob: biish mare, oun ninna nevo djob an i gono. Oun o Elisa penas ap peskro boudepaskro: “De kova i menshende rhapaske!”

2. Rajengro liil 5:4

Koy djas o Naaman pash peskro rayeste dren oun penas leske, hoy koy terni čay dran Israel rakras.

2. Rajengro liil 5:6

Oun anas ko liil pash o baro rayeste pral Israel. Koy his dren činlo: Te vell ko liil pash toute, hounte djiness tou, kay me miro boudepaskres Naaman pash toute bičrom, te less ko nasslepen ap leskro mass lestar krik.

Gosewe laba 18:16

I mensho, kay i vavaren shoukar koova dell, krell peske i voudya pre pash i pralstunende.

Sikepaskro 2:1

Me penom mange: Mishto palle, me kamau lačes te djivell oun moukau les mange mishto te djal! Kote hayvom, kay kova ninna čičeske hi.

Jesaja 5:5

Yaake kamau t'menge kanna penell, hoy kamau te krell ko drakengro themeha, hoy mange hi. Me kamau kol bourra krik te lell, hoy troul leste hi, yaake te vell lo tele rhalo, oun leskri massouri moukau tele te phagell, yaake te vell lo khetne stakedo.

4. Mose 22:7

Oun i phoureder kol menshendar Moab oun Midian djan khetne pash o Bileam. Oun love his an lengre vasta o dourkepaske. Oun yon van pash leste, oun penan leske kol laba, hoy o Balak penas.

Jakobo 4:13

Mashkral t'mende hi kolla, kay penenna: “Kava dives kamah mer an ko foro te djal, oun kamah yek bersh koy te ačell, te ginas oun te bikras, oun te anas boud love khetne.”

Čačepangre 14:12

Oun o Simson penas ap lende: “Me kamau t'men čomone phares te poučell oun dikell, koon kova djinella. Oun te hatsenn kova an kal efta divessa vin, kay rhah oun piyah khetne, palle dau me t'men triyanda layntikre gada, oun triyanda shoukar ripya.