2. Rajengro liil 5:20 - O Debleskro Lab 2024 (Sinte-Manouche)

²⁰ O Debleskro morsh, o Elisa, les his i boudepaskro. Leskro lab his Gehasi. Kova penas ap peste: “Miro ray moukas o Naaman te djal oun las lestar či, hoy kova leske anas. Kava Syrari hounte playsrals čomone. Pash o djido Debleste, me nashau leske pal, te dell yob man čomone.”

O Debleskro Drom 2021 (Sinte)

²⁰ O Debleskro mursh, o Elisa, les his i budepaskro. Leskro lab his Gehasi. Kowa penas ap peste: “Miro rai mukas o Naaman te djal un las lestar tchi, hoi kowa leske anas. Kau Syrari hunte plaissrals tchomone. Pash o djido Debleste, me nashau leske pal, te dell job man tchomone.”

2. Rajengro liil 5:20 ပူးပေါင်းရင်းမြစ်များ

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

2. Rajengro liil 13:19

Kote vas o Debleskro morsh rhoyedo ap leste oun penas: “Dals panč, shob kope ap i phoub, dals i Syrarya yaake, te vans le lauter moulo. Kanna nay deh len gar boudeder har triin kope.”

2. Rajengro liil 4:12

Pal kova penas yob ap peskro boudepaskro, o Gehasi: “De koy djouvel gole!” Oun har vas li glan i isema,

2. Rajengro liil 4:25

Yaake djas yoy pash ko Debleskro morsheste ap koy berga Karmel. Har ko Debleskro morsh dikas, kay yoy vas, penas yob ap peskro boudepaskro, o Gehasi: “Dik, koy djouvel dran Shounem hi koy.

2. Rajengro liil 4:31

O Gehasi djas glan vin, oun čivas ko lengsto kasht ap ko čaveskro mouy. Oun či djas: kek gole oun kek dourho. Koy djas yob pale pash o Elisa oun penas leske: “Ko čavo djangras gar pre.”

2. Rajengro liil 4:36

Oun o Elisa das pal o Gehasi gole oun penas: “De o čaveskri day gole!” Har yob lat gole das, vas yoy dren pash o Elisa. Koy penas yob: “Ake, le tiro čaves!”

2. Rajengro liil 5:16

O Elisa penas: “Me dau man sovel pash o djido Debleste, koleske boudrau, me lau kova gar.” Oun ninna har mangas lo lestar o tselo djiyestar, te lell yob kova an, kamas o Elisa gar.

2. Rajengro liil 5:21

Oun o Gehasi nashas pal leste yaake sik har djala. Har o Naaman dikas, kay vas yob pal leste, stas yob o vourdin tele, djas pash leste oun penas: “Djal touke mishto?”

2. Rajengro liil 6:31

Oun yob penas: “O Debleskri rholi mou vell pral mande, te dau me kay dives gar ko shero o Elisestar tele, koleskro dad o Shafat hi.”

2. Rajengro liil 8:4

Ap ko tsiro rakras o baro ray ap o Gehasi, ko Debleskro morsheskro boudepaskro, oun penas: “Pen mange ko tselo baro koova, hoy o Elisa kras!”

2. Rajengro liil 8:7

O Elisa vas an Damaskus. Koy his o ray pral Syria, o Ben-Hadad, nasselo čiddo. Oun leske vas penlo: “Ko Debleskro morsh vas kate.”

Debleskri gili 10:3

Yob sharell pes pral kova, hoy lo kamell te krell. Oun kova, kay i meen gar pherdo lell, praasella o baro Debles oun sal pral leste.

2. Mose 20:17

Ma rode, har nay less tou kova touke, hoy i vavares hi: leskro kheer, leskri romni, boudepaskro, boudepaskretsa, groumni, bourika, či, hoy i vavares hi.

2. Mose 20:7

Ma le miro lab baro Devel čičeske an tiro mouy! Me, o baro Devel, hom tiro Devel oun dau i phagi hakenes, koon kova krella.

Gosewe laba 26:16

I či-moldo, kay kamell gar te boudrell, hi an peskre yaka gosveder har efta, kay djinenn, hoy mishto oun čačo hi.

Jesaja 48:1

Shounenn, t'mer dran o kheer Yakob, t'mer, kay venn o labeha Israel gole dino, oun venn dran o kheer Youda. T'mer denn t'men sovel pash o baro Debleste, oun penenn, te mangenn o Israeleskro Debles an. An o čačepen oun i djoudjo djiyeha krenn t'mer kova gar.

Jeremia 22:17

Yoyakim, tire yaka oun tiro dji dikenn ap či vavares, har te vess bravleder tiro rhorhepah. Tou mareh kolen, kay kek čilačepen kran, oun rikreh i menshen zoryah oun daventsa tele.

Habakuk 2:9

Djungeles djal touke, kay tou rhorhepah tiro bravlepen khetne aneh! Ap tiro kheer vell bibarht. Pral ap i berga kral tou tiro kheer, te nay vell kek bibarht pral toute!

Mateo 10:4

oun o Simon, kay his kol menshendar, kay kharenna Zelotarya oun o Youdas Iskariot, ko phoukepaskro.

Mateo 26:9

Te bikrams ko djet, lams boud love. Oun kol love nay dams mer i čorvelende.”

Louka 12:15

Palle penas o Yezous ap kolende, kay troul leste tardo hi: “Denn garda! Ma nashenn boud bravlepen palla! O tselo bravlepen, hoy i mensho khetne anas, krell o mensheskro djipen gar braveles.”

Louka 16:8

Oun ko ray sharas ko rhorheno boudepaskres doleske, kay his lo gosevo.” “Oun kova hi čačo”, penas o Yezous, “kol menshe, kay prindjrenn o Debles gar, djan gosveder trouyel i vavar menshentsa har kolla, kay djan ap o Debleskro drom.

Johanni 13:2

Ap koy rati, har yon rhan, das o beng o Youdases an o dji, te phoukrell lo ap leste. O Youdaseskro dad his o Simon Iskariot.

Johanni 6:70

O Yezous penas lenge: “Me rodom t'men deesh-te-douyen vin. Oun an yekeste t'mendar hi o beng.”

Bičepangre 5:2

Oun yob rikras love peske pale. Leskri romni djinas kova. Oun yon anan gar i tsele love glan o Yezouseskre bičepangre.

2. Timoteo 4:10

O Demas moukas man, oun djas an o foro Tessalonika. Yob kamell o djipen ap kay phoub. O Kreskens djas an o them Galatia, oun o Tito an o them Dalmatia.

Tito 1:7

I pralstouno pral o Debleskro kheer hounte djivell yaake, te dikell kek i čilačo koova ap leste. Yob djal gar pal peskro shero, oun vell gar sik rhoyemen! Yob vell kek pipaskro oun kek čingepaskro! Yob nashell gar pal i love!

1. Petro 5:2

Denn garda ap i patslende, kay o Devel peske khetne anas! T'mer han har i bakrengre. Oun o Debleskre čave hi har bakre, hoy o Devel an t'mare vasta das. Denn len kova, hoy len hounte vella, te ačell lengro patsepen djido! Krenn kova o tselo djiyestar! Yaake kamell les o Devel. Krenn kova gar, har te vals i phari boudi, hoy hounte krenn! Krenn koy boudi dran o kamlepen oun gar, te venn t'mer playsedo!

1. Samuel 14:39

Ninna te vals kova miro čavo Yonatan, hounte merals lo. Kova dau me man sovel pash o djido Debleste, kay ap o Israeleskri rig hi.” Oun kek i tsele lourdendar penas čomone.