2. Rajengro liil 5:16 - O Debleskro Lab 2024 (Sinte-Manouche)

¹⁶ O Elisa penas: “Me dau man sovel pash o djido Debleste, koleske boudrau, me lau kova gar.” Oun ninna har mangas lo lestar o tselo djiyestar, te lell yob kova an, kamas o Elisa gar.

O Debleskro Drom 2021 (Sinte)

¹⁶ O Elisa penas: “Me dau man sowel pash o djido Debleste, koleske budrau, me lau kowa gar.” Un ninna har mangas lo lestar o tselo djijestar, te lell job kowa an, kamas o Elisa gar.

2. Rajengro liil 5:16 ပူးပေါင်းရင်းမြစ်များ

1. Rajengro liil 13:8

“Na-a”, penas o Debleskro morsh, “ninna te deh man o paash tiro bravlepastar, vau me gar touha, oun rhau kek maro oun piyau kek pani kate.

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

1. Rajengro liil 18:15

O Eliya penas: “Me dau man sovel pash o baro Debleste, ko rayeste pral o bolepen oun i phoub, glan koleste me tardo hom: Kava dives sikrau man me glan o Ahabeste.”

2. Rajengro liil 3:14

O Elisa penas: “Me dau man sovel pash o baro Debleste, ko rayeste pral o bolepen oun i phoub, koleske boudrau, kova hi čačo, te sharoms me gar o baro rayes pral Youda, o Yosafates, dikoms gar ap toute pre.

2. Rajengro liil 5:20

O Debleskro morsh, o Elisa, les his i boudepaskro. Leskro lab his Gehasi. Kova penas ap peste: “Miro ray moukas o Naaman te djal oun las lestar či, hoy kova leske anas. Kava Syrari hounte playsrals čomone. Pash o djido Debleste, me nashau leske pal, te dell yob man čomone.”

2. Rajengro liil 5:26

O Elisa penas ap leste: “Me homs an miro dourho koy pashel, har ko morsh dran peskro vourdin djas oun pash toute vas. Kanna hi gar ko tsiro, te less roup oun rayle ripya, te giness touke bakre oun groumya, oun them, kay djeteskre rouka oun drakengre rouka baro venn, oun boudepangre: morsha oun djouvya.

Daniel 5:17

Kote penas o Daniel ap o baro rayeste: “Kova hoy kameh man te dell, nay rikreh touke. Oun tiro kouč koova de i vavareste! Ninna yaake kamau touke kal laba te draverell, oun touke te penell, hoy kolla kamenn te penell.

Mateo 10:8

Krenn i nasselen sasto, oun krenn i moulen djido! Oun kolla, kay i djoungelo nasslepen ap o mass hi, kolen krenn ninna sasto! Tradenn i bengen dran i menshende vin! Kay zoor dom t'men čičeske. Doleske krenn kova ninna čičeske, oun lenn kek love lendar!

1. Korintarja 6:12

T'mer penenn: “Mer nay krah halauter.” Me penau: Gar lauter, hoy t'mer krenna, hi t'menge mishto. Ninna te nay krau lauter, hounte vap me gar pandlo ap kova, hoy krau.

2. Korintarja 12:14

Me vau kanna o triinto kopo pash t'mende. Ninna kava kopo kamau či t'mendar te lell. Me kamau t'men oun gar t'mare love. O dad oun i day denn pengre čaven te rhal, oun gar i čave pengro dades oun pengri dat.