2. Rajengro liil 5:14 - O Debleskro Lab 2024 (Sinte-Manouche)

¹⁴ Koy djas yob tele pash o pani Yordan oun čivas pes tel o pani efta kope yaake har o Debleskro morsh kova penas. Oun leskro mass vas pale sasto har ko mass i tikno čavestar. Oun yob vas sasto ap peskro tselo mass.

O Debleskro Drom 2021 (Sinte)

¹⁴ Koi djas job tele pash o pani Jordan un tchiwas pes tel o pani efta kope jaake har o Debleskro mursh kowa penas. Un leskro mass was pale sasto har ko mass i tikno tchawestar. Un job was sasto ap peskro tselo mass.

2. Rajengro liil 5:14 ပူးပေါင်းရင်းမြစ်များ

1. Rajengro liil 17:16

Ko yarro an i piri djas gar vin, oun an o khoro his doha djet, yaake har o baro Devel ap o Eliya penas, oun yob i djouvyake penas.

2. Rajengro liil 4:35

Palle stas yob pre, djas an o kheer kate te kote, oun čivas pes pale ap leste. Koy nisevas ko ternepen efta kope. Koy pal kras yob i yaka pre.

2. Rajengro liil 5:10

Koy bičras o Elisa yekes pash leste, te penell kova leske: “Dja koy oun thob tout efta kope an o Yordan! Palle djal o nasslepen toutar oun tiro mass vell pale sasto.”

2. Familjakro liil 20:20

Oun yon stan sik taysarlake pre, oun djan vin an o moulo them Tekoa. Har yon vin djan, djas o Yosafat glan lende, oun penas: Morshale dran Youda oun Yerusalem, shounenn, hoy t'menge penau: Patsenn o baro Debleske, kay t'maro Devel hi, oun t'mer ačenn zorelo, patsenn, hoy leskre rakepangre t'menge penan, palle vell lauter mishto t'menge.

Hiob 31:13

Te doms miro boudepaskres – nay vell i morsh, nay vell i djouvel – gar čačes an i čingepen, kay les čačes his,

Hiob 33:25

Pale lell lo pale nevi zoor, vell sasto oun zorelo, har an ko tsiro, kay lo terno his.

2. Mose 4:7

Oun o baro Devel penas ap leste: “Čip tiro vast pale tel i plaashka!” Oun yob čivas peskro vast pale tel i plaashka! Oun har las lo les pale vin, his o vast pale sasto.

Gosewe laba 9:9

Pen i goseveske kova, hoy yob gar mishto kras! Palle vell lo gomme gosveder. An koleske čomone pashel, kay an o čačepen tardo hi! Palle djinell lo gomme boudeder.

3. Mose 13:58

Te hi ko djounglepen bouder gar koy pal o thopen, hounte vell kava koova thodo i douyto kopo. Pal kova hi lo gar pale-čiddo.

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

Zakarie 14:8

An ko tsiro nashenn djide panya dran o foro Yerusalem vin. Ko yek paash nashell an o baro pani, hoy kote hi, kay o kham pre djal. Ko vavar paash nashell an o baro pani, hoy kote hi, kay o kham tele djal. Ko pani nashell an i niyal har an o vend.

Louka 4:27

Dikenn ninna ap ko tsiro, kay o Debleskro rakepaskro, o Elisa, djivas. An ko tsiro his boud menshen an o them Israel i djoungelo nasslepen ap pengro mass. Kekes lendar kras o Elisa sasto. Kokres o Naaman dran o them Syria kras yob sasto.”

Louka 5:13

Oun o Yezous čivas peskro vast ap leste, oun penas: “Me kamau, te vess sasto.” Oun ap yek kopo djas o nasslepen lestar.

Johanni 2:5

Leskri day penas ap i boudepangre: “Krenn kova, hoy yob t'menge penella!”

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Josua 6:4

Oun efta rashaya hounte hidjrenn efta phourdepangre oun djan glan o morhton, kay o Debleskre deesh laba dren hi. Ap o eftato dives djan t'mer efta kope troul o foro trouyel. Oun i rashaya phourdenn koy pashel an pengre phourdepangre.