2. Rajengro liil 5:12 - O Debleskro Lab 2024 (Sinte-Manouche)

¹² Kol panya an Damaskus, Abana oun Parpar, hi feteder har kol tsele panya an Israel. Me nay thovoms man ninna an kol panya oun voms sasto.” Oun yob rissras pes oun djas krik rhoyedo.

O Debleskro Drom 2021 (Sinte)

¹² Kol panja an Damaskus, Abana un Parpar, hi feteder har kol tsele panja an Israel. Me nai thowoms man ninna an kol panja un woms sasto.” Un job rissras pes un djas krik chojedo.

2. Rajengro liil 5:12 ပူးပေါင်းရင်းမြစ်များ

2. Rajengro liil 2:14

oun las koy plaashka, das ap o pani oun penas: “Kay hi kanna o baro Devel, ko Devel, koleske o Eliya boudras?” Oun das ap o pani. Koy djas o pani ap douy rigya, oun o Elisa djas ap i vavar rig.

2. Rajengro liil 2:8

Koy las o Eliya peskri plaashka, čivas lat khetne oun das koy peha ap o pani. Koy djas o pani ap douy rigya, yaake kay kol douy ap trouk phoub vergel djan.

2. Rajengro liil 5:11

Koy vas o Naaman rhoyedo, djas krik oun penas: “Me penom mange: Yob vell vin glan mande oun dell peskro baro Debles an-gole, oun hadell peskro vast pral miro nasselo mass. Oun yaake lell lo o nasslepen mandar krik.

2. Rajengro liil 5:17

Koy penas o Naaman: “Te leh tou gar, hoy kamom tout te dell, palle mouk man yaake boud čik mantsa te lell, har douy maultikre bourike hidjrenna. Me, tiro boudepaskro, kamau bouder gar vavar deblenge čomone te anell oun lenge firhen te rhačrell, har kokres o baro Debleske.

Gosewe laba 14:17

Koon sik an i rholi vell, krell yek dinelo koova pal o vavar. Oun koon lell pes čilačepen glan, pral koleste hi le rhoyedo.

Gosewe laba 16:32

Yek, kay gar sik rhoyedo vella, hi feteder har i čačo kourepaskro. Oun koon o ray pral peste hi, hi boudeder moldo har yek, kay i tselo foro dren lell.

Gosewe laba 19:11

Koles čačo gosvepen hi an o dji, kova vell gar sik rhoyedo, oun dikell gar ap i doosh i vavarendar. Doleske dikenn le pre ap leste.

Kamlepaskri gili 4:8

Ab mantsa, miri pirni! Mouk o Libanon, ab mantsa! Ab tele i berge, kay hi yaake dour mandar, – kol berge Amana, Senir oun Hermon! Naash krik kotar, kay i leve djivenn, oun i bare divye margodje pen khatrenn!

Jeremia 49:23

Laba pral o foro Damaskus. I menshe an i forya Hamat oun Arpad shounan čilačo koova. Yon lan bari daar oun djinenn gar, hoy te krenn. I traash vell pral lende har o baro pani, hoy gar tardo ačell.

Zakarie 13:1

“An ko tsiro nashell i pani an o foro Yerusalem, hoy nashell i menshenge dran o kheer David oun i vavar menshenge an Yerusalem, te thovell lo lengri doosh oun kova krik, hoy kras len pale-čiddo glan mire yaka”, penell o baro Devel.

Zakarie 14:8

An ko tsiro nashenn djide panya dran o foro Yerusalem vin. Ko yek paash nashell an o baro pani, hoy kote hi, kay o kham pre djal. Ko vavar paash nashell an o baro pani, hoy kote hi, kay o kham tele djal. Ko pani nashell an i niyal har an o vend.

Markus 1:9

His an kol divessa, kay vas o Yezous dran o foro Nazaret, hoy an o them Galilea čiddo hi, oun moukas pes o Yohannestar an o pani Yordan te taufrell.