2. Rajengro liil 5:10 - O Debleskro Lab 2024 (Sinte-Manouche)

¹⁰ Koy bičras o Elisa yekes pash leste, te penell kova leske: “Dja koy oun thob tout efta kope an o Yordan! Palle djal o nasslepen toutar oun tiro mass vell pale sasto.”

O Debleskro Drom 2021 (Sinte)

¹⁰ Koi bitchras o Elisa jekes pash leste, te penell kowa leske: “Dja koi un thob tut efta kope an o Jordan! Palle djal o nasslepen tutar un tiro mass well pale sasto.”

2. Rajengro liil 5:10 ပူးပေါင်းရင်းမြစ်များ

2. Rajengro liil 2:21

Koy djas yob vin pash ko pani, čivas ko loon dren oun penas: “Yaake penell o baro Devel: Me krom ko pani djoudjo, oun kek merell bouder koy pre oun kek čave venn bouder moules bolde.”

2. Rajengro liil 3:16

oun yob penas: “Kova penell o baro Devel: Hadenn phoub vin kate oun kote an kay tala!

2. Rajengro liil 4:35

Palle stas yob pre, djas an o kheer kate te kote, oun čivas pes pale ap leste. Koy nisevas ko ternepen efta kope. Koy pal kras yob i yaka pre.

2. Rajengro liil 4:41

Yob penas: “Anenn yarro!” Oun yob čivas yarro an i piri oun penas: “Anenn kova i morshende rhapaske!” Koy nay rhan yon kova. Koy his o tselo rhapen lačo.

2. Rajengro liil 5:11

Koy vas o Naaman rhoyedo, djas krik oun penas: “Me penom mange: Yob vell vin glan mande oun dell peskro baro Debles an-gole, oun hadell peskro vast pral miro nasselo mass. Oun yaake lell lo o nasslepen mandar krik.

2. Rajengro liil 5:14

Koy djas yob tele pash o pani Yordan oun čivas pes tel o pani efta kope yaake har o Debleskro morsh kova penas. Oun leskro mass vas pale sasto har ko mass i tikno čavestar. Oun yob vas sasto ap peskro tselo mass.

2. Rajengro liil 5:9

Koy vas o Naaman peskre grayentsa oun peskro vourdin oun ačas glan o voudar pash o Eliseskro kheer.

2. Mose 4:18

Oun palle djas o Mose pash peskro romyakro dadeste, o Yetro, pale, oun penas leske: “Me kamau pale an o them Egiptia pash mire menshende te djal, te dikap, te hi le djido!” Oun o Yetro penas ap o Moseste: “Dja o Debleha!”

3. Mose 13:58

Te hi ko djounglepen bouder gar koy pal o thopen, hounte vell kava koova thodo i douyto kopo. Pal kova hi lo gar pale-čiddo.

3. Mose 14:16

Palle čivell lo peskro čačo goushto an ko djet, hoy an leskro servo vast hi, oun vitsrell ko djetestar efta kope ap o Debleskri rhačepaskri.

3. Mose 14:51

Palle čivell lo o djido čirkles an ko čaro, kay pani oun o rat o maredo čirklestar dren hi. Khetne leha čivell lo ko cedertikro kasht, kol lole thaba oun kol patria Hysop koy dren, an ko čaro, oun vitsrell ko ratlo panyestar efta kope ap ko kheer,

3. Mose 14:7

oun vitsrell ko ratlo panyestar efta kope ap koleste, kay pale-čiddo his, te vell lo erligo. Oun moukell ko djido čirkles krik te djal.

3. Mose 16:14

Oun yob lell ko ratestar ko gouroumestar, oun vitsrell kova peskro goushteha glan ap o pralstouno kotar. Oun ap koy platsa glan o morhton vitsrell lo peskro goushteha efta kope čomone ko ratestar.

3. Mose 16:19

Oun yob čivell peskro goushto an o rat, oun vitsrell čomone ko ratestar ap i rhačepaskri. Kova krell lo efta kope, te vell i Israelengri doosh oun lengro pale-čiddo koova krik lino, hoy ap i rhačepaskri hi. Oun i rhačepaskri vell pale djoudjo glan o baro Debleskre yaka.

4. Mose 19:19

Yek, kay gar pale-čiddo hi, hounte vitsrell ko pani ap koleste, kay pale-čiddo hi ap o triinto dives oun ap o eftato dives. Oun ko pale-čiddo hounte thovell pes an ko pani oun peskre koola. Palle vell yob ap i rati djoudjo oun erligo.

4. Mose 19:4

Oun ko rashay Elazar hounte lell lakro ratestar peskro goushteha, oun vitsrell kova efta kope kote ap koy rig, kay o Debleskro plarhteno kheer tardo hi.

Johanni 9:7

Oun yob penas ap leste: “Dja pash ko pani Siloam, oun thob tout koy!” Siloam kharella: O Devel bičras man. Koy djas yob oun thovas pes kote. Har yob pale vas, dikas lo nay.

1. Korintarja 6:11

Hi menshe mank t'mende, kay kran savo koova. Kanna vas t'mari doosh tele thodo. Oun t'mer van erligo kerdo glan o Debleste, oun han čačo glan leskre yaka. Kova lauter kras maro ray, o Yezous Kristo, oun o Debleskro Dourho t'menge.

Josua 6:4

Oun efta rashaya hounte hidjrenn efta phourdepangre oun djan glan o morhton, kay o Debleskre deesh laba dren hi. Ap o eftato dives djan t'mer efta kope troul o foro trouyel. Oun i rashaya phourdenn koy pashel an pengre phourdepangre.