2. Rajengro liil 4:38 - O Debleskro Lab 2024 (Sinte-Manouche)

³⁸ Har o Elisa pale an Gilgal vas, his i menshen či te rhal an ko them. Oun har kol Debleskre rakepangre glan leste beshdo his, penas yob ap peskro boudepaskro: “Le i bari piri oun kere lenge i soummi rhapaske.”

O Debleskro Drom 2021 (Sinte)

³⁸ Har o Elisa pale an Gilgal was, his i menshen tchi te chal an ko them. Un har kol Debleskre rakepangre glan leste beshdo his, penas job ap peskro budepaskro: “Le i bari piri un kere lenge i summi chapaske.”

2. Rajengro liil 4:38 ပူးပေါင်းရင်းမြစ်များ

1. Mose 25:29

His i dives, kay keras o Yakob i rhapen. Har o Esau dran o veesh khere vas, his yob khino oun les his i bari bok.

2. Samuel 21:1

An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

2. Rajengro liil 2:1

O dives vas, kay kamas o baro Devel o Eliyas an i zorelo phourdepen an o bolepen te lell. O Eliya oun o Elisa djan dran Gilgal krik.

2. Rajengro liil 2:3

djan o Debleskre rakepangre, kay kote djivan, vin pash o Elisa, oun penan ap leste: “Djineh tou ninna, kay o baro Devel kava dives tiro rayes toutar krik lella?” Koy penas yob: “Kova djinau me. Ačenn!”

2. Rajengro liil 4:1

Kote his i djouvel, kolakro rom his i Debleskro rakepaskro. Koya das pal o Elisa gole oun penas: “Tiro boudepaskro, miro rom, meras. Oun tou djineh, kay lo ap o baro Debleskro drom djas. Oun kanna vell ko morsh, kay miro romes siyaan hi pash leste, oun kamell mire douy čaven te lell, te venn le leskre ginle boudepangre.”

2. Rajengro liil 4:39

Koy djas yek vin ap o them, te rodell lo zenlepen, oun hatsas divye pesse drake, las len tele oun hidjras len an peskri plaashka, činas kolla an kotya oun čivas kova an i piri. Kek djinas, hoy kova his.

2. Rajengro liil 8:1

O Elisa rakras kol djouvyah, kay kras lo lakro čaves djido, oun penas: “Dja krik tire menshentsa an i vavar them, te djivess koy! O baro Devel moukell i tsiro te vell an kava them, kay bokenn i menshe efta bersha.”

Hiob 30:4

Kote rodan le pen o londo zenlepen khetne mashkral i bourra, oun rhan ninna i draba kol bourrendar, hoy kharenn Ginster.

Gosewe laba 8:34

Barhtelo hi ko mensho, kay shounell ap mande, kay hi tardo pash miro voudar hako dives, oun dell yak ap miro kheer.

Ezekiel 11:3

Yon penenn: “Hi gar o tsiro koy, te kras menge khera? O foro hi har i piri, oun mer ham har o mass, hoy dren hi. Menge djal či.”

Ezekiel 11:7

Doleske penau me, o baro Devel, t'maro ray: Kolen, kay t'mer an o foro moulo dan, kolla hi o mass, oun o foro hi i piri. T'men vitsrenn le dran leste vin.

Ezekiel 14:13

Tou, mensho, djiness, te phagenn i menshe an yek them mantsa, oun rikrenn bouder gar ap mande, dau me len i phagi. Oun krau, te hi len bouder gar doha maro. Oun bičrau i bok an o them, te merenn i menshe oun i firhe i bokatar.

Ezekiel 24:3

Pen mire menshenge, kay moukenn pen či mandar te penell, save laba, hoy sikrenn lenge, har kova lenge vella! Pen lenge: Kava penell o baro Devel, maro ray: Čip i piri pral i yag, oun čip ninna pani dren!

3. Mose 26:26

T'men vell bouder gar doha djob, te pekenn maro. Deesh djouvya nay pekenn pengro maro an yek bob. O maro vell ap i vaga čiddo, oun hakeno lell i kotar. Oun t'mer rhan oun venn gar čalo.

Amos 7:14

O Amos penas: “Me hom kek Debleskro rakepaskro, koles siklo vas, har te rakrell lo o Debleskro lab, oun kova koleske playsedo vell. I bakrengro hom me, oun faygetikre rouka hi man. Kolestar djivau.

Markus 6:37

Koy penas lo ap lende: “Denn t'mer len te rhal!” Penan le: “Kameh, te las douy-sheel roupene beme, te ginas maro oun das len te rhal?”

Louka 10:39

Oun kolat his i pheen. Koya kharas Maria. Yoy beshas pes glan leskre pire, oun shounas, hoy yob penas.

Louka 2:46

Pal triin divessa hatsan le les an o Debleskro baro kheer. Oun yob his beshdo mashkral i sikepangre. Oun yob shounas, hoy yon rakran, oun yob poučas boud lendar.

Louka 4:25

Čačepah, me penau t'menge: Ap ko tsiro, kay o Debleskro rakepaskro Eliya djivas, djivan boud djouvya, kolengre morsha moulo hi, an o them Israel. Ap ko tsiro das triin-te-paash bersha kek brishin. Oun i bari bok vas an o tselo them.

Louka 8:35

Oun kol menshe kaman te dikell, hoy kote djas, oun van pash o Yezouseste. Oun yon dikan ko morshes, dran koleste i benga vin djan. Yob his pash o Yezouseste beshdo, his an-rido, oun bouder gar divyo. Koy van yon dareno.

Louka 8:38

Ko morsh, kay sasto vas, mangas lestar, te ačell lo nay pash leste. O Yezous penas ap leste:

Louka 9:13

O Yezous penas ap lende: “Denn t'mer len čomone te rhal!” Penan le leske: “Men hi gar boudeder har panč mare oun douy mače. Kameh tou, te ginas kolenge lauterenge te rhal?”

Johanni 21:5

Oun o Yezous poučas lendar: “Tapran t'mer či?” “Na-a,” penan le.

Johanni 21:9

Har yon dran o bero djan, dikan le i yag. Koy his pekle mače pre. Maro his ninna koy.

Bičepangre 10:38

T'mer djinenn, har das o Devel o Yezouseste dran Nazaret peskro Dourho oun peskri zoor. Oun yob djas trouyel oun kras lačo koova, oun kras lauteren sasto, kay o beng pandas. O Devel his pash leste.

Bičepangre 15:36

Pal yek tsiro penas o Paulo ap o Barnabeste: “Djas pale pale an kol tsele forya, kay mer o Debleskro lab i menshenge penam! Dikas pal mare phralende an i vavar themma, har lenge djala!”

Bičepangre 22:3

Me hom i biboldo, oun vom boldo an o foro Tarsus, an ko them Cilicia. Baro vom an o foro Yerusalem. Miro sikepaskro his o Gamaliel. Kova sikras mande, te djivap yaake, har mare phoure djivan. Yaake har t'mer pal o Moseskre laba djivenna, djivom me ninna o tselo djiyestar.

1. Samuel 19:20

Kote bičras o Saul lourden, te anenn le o Davides. Har dikan kolla kol tsele Debleskre rakepangren oun lengro pralstounes, o Samueles, oun shounan, har kolla o Debleskro rakepen vin rakran, koy vas o Debleskro dourho pral kol bičepangren. Oun yon rakran ninna o Debleskro rakepen vin.