2. Rajengro liil 4:35 - O Debleskro Lab 2024 (Sinte-Manouche)

³⁵ Palle stas yob pre, djas an o kheer kate te kote, oun čivas pes pale ap leste. Koy nisevas ko ternepen efta kope. Koy pal kras yob i yaka pre.

O Debleskro Drom 2021 (Sinte)

³⁵ Palle stas job pre, djas an o kheer kate te kote, un tchiwas pes pale ap leste. Koi nisewas ko ternepen efta kope. Koi pal kras job i jaka pre.

2. Rajengro liil 4:35 ပူးပေါင်းရင်းမြစ်များ

1. Rajengro liil 17:21

Oun yob čivas pes triin kope pral o čaveste, oun das pashel gole: “Miro baro Devel, mouk te vell o djipen kava čavestar pale an leste!”

1. Rajengro liil 17:22

Oun o baro Devel shounas ap o Eliya, oun ko djipen vas pale an o čaveste, oun yob vas pale djido.

1. Rajengro liil 18:43

oun penas ap peskro boudepaskro: “Dja pre oun dik koy, kay hi o baro pani!” Yob djas, dikas oun penas: “Kote hi či!” Oun o Eliya penas: “Dja pale!” Oun o boudepaskro djas oun vas pale, efta kope.

2. Rajengro liil 13:21

Oun i dives vas, kay paskran i Israelitarya i morshes, kote dikan le kourepangre dran o them Moab. Sik lan le ko morshes oun vitsran les an o moulengro kheer pash o Elisa, oun nashan penge. Oun har ko moulo morsh ap i kokale o Elisestar peras, vas lo djido oun stas pre.

2. Rajengro liil 4:36

Oun o Elisa das pal o Gehasi gole oun penas: “De o čaveskri day gole!” Har yob lat gole das, vas yoy dren pash o Elisa. Koy penas yob: “Ake, le tiro čaves!”

2. Rajengro liil 5:10

Koy bičras o Elisa yekes pash leste, te penell kova leske: “Dja koy oun thob tout efta kope an o Yordan! Palle djal o nasslepen toutar oun tiro mass vell pale sasto.”

2. Rajengro liil 5:14

Koy djas yob tele pash o pani Yordan oun čivas pes tel o pani efta kope yaake har o Debleskro morsh kova penas. Oun leskro mass vas pale sasto har ko mass i tikno čavestar. Oun yob vas sasto ap peskro tselo mass.

2. Rajengro liil 8:1

O Elisa rakras kol djouvyah, kay kras lo lakro čaves djido, oun penas: “Dja krik tire menshentsa an i vavar them, te djivess koy! O baro Devel moukell i tsiro te vell an kava them, kay bokenn i menshe efta bersha.”

2. Rajengro liil 8:5

Oun har o Gehasi o baro rayeske penas, kay o Elisa yekes djido kras, kay moulo his, koy vas koy djouvel, kay kras yob lakro čaves djido, te rakrell li o baro rayeha pral lakro kheer oun kotar them. Koy penas o Gehasi: “Miro baro ray, kaya hi koy djouvel, oun kava hi ko čavo, koles o Elisa djido kras.”

Louka 8:55

Koy vas pale djipen an late, oun yoy stas pre. Oun yob penas, te anenn le lake čomone te rhal.

Bičepangre 9:40

Oun o Petro tradas len vin, djas ap i čanga glan o Debleste, mangas o Debles, oun djas pash koy mouli djouvyate oun penas: “Tabita, ste pre!” Koy kras yoy peskre yaka pre. Har yoy o Petres dikas, beshas pes li pre.