2. Rajengro liil 3:25 - O Debleskro Lab 2024 (Sinte-Manouche)

²⁵ Lengre forya kran le paash, oun yon vitsran barra ap haki lači harhetikri phoub, yaake kay koy phoub i barrendar čakedo vas. Oun kol brounna kran le pherdo čik, oun hako lačo rouk dan le trouyel. Kokres i pre-čidde barra troul o foro Kir-Heres ačan tardo. Troul o tselo foro his vitsepangre tardo oun vitsran barra ap leste.

O Debleskro Drom 2021 (Sinte)

²⁵ Lengre forja kran le paash, un jon witsran barra ap haki latchi hachetikri phub, jaake kai koi phub i barrendar tchakedo was. Un kol brunna kran le pherdo tchik, un hako latcho ruk dan le trujel. Kokres i pre-tchidde barra trul o foro Kir-Heres atchan tardo. Trul o tselo foro his witsepangre tardo un witsran barra ap leste.

2. Rajengro liil 3:25 ပူးပေါင်းရင်းမြစ်များ

1. Mose 26:15

Oun i tsele brounne, kay leskro dadeskre boudepangre kran an o Abrahameskro tsiro, vitsran le pherdo čik, te nay lenn yon kek pani bouder.

1. Mose 26:18

Oun moukas kol brounne pale neves te krell, hoy yon kran an ko tsiro, kay leskro dad Abraham djivas, oun kolen i Filistarya pherdo čik vitsran pal leskro merepen. Oun o Isaak das kol brounne ko lab, har leskro dad len das.

2. Samuel 8:2

Yob das ninna kol Moabarya oun penas, te čivenn le pen ap i phoub. Oun douy i trinendar kras lo moulo, oun yek i trinendar moukas lo djido. Yaake vas o Davides penepaske pral kol Moabende. Oun yon hounte dan les roup oun sonakay.

2. Rajengro liil 3:19

Lengre tsele zorele oun kouč forya lenn t'mer dren. Oun kol tsele lače rouka denn t'mer trouyel, oun krenn pandlo i tsele brounne, kay nashell pani vin, oun čivenn barra ap lengri harhetikri phoub, yaake kay nay vell či bares pre.”

2. Rajengro liil 3:24

Oun har yon pash koy platsa van, kay i Israelitarya his, van kolla vin, oun dan kol Moabaryen. Oun yon nashan krik lendar. Oun i Israelitarya lan len palla oun dan len.

2. Rajengro liil 3:26

Har ko baro ray pral kol Moabarya dikas, kay nashrell lo o kourepen, las yob 700 (efta-sheel) lourden peha, kay kourenn pen nay o rhareha, oun kamas lentsa te nashell kote, kay o baro ray pral Edom peskre lourdentsa tardo hi. Kova djas lenge gar.

2. Familjakro liil 32:4

Oun yaake van boud menshe khetne oun čakran kol tsele tikne panya oun ninna ko lengsto pani, hoy nashas tel i phoub. Yon penan penge: “Te venn kol bare raya dran o them Assour, nay hatsenn le kek pani kate pash mende.”

Jesaja 15:1

Kate sikrell o Devel, hoy pral o them Moab vella. An yek rat vell o foro Ar an o them Moab khetne stakedo. Oun ko foro hi bouder gar koy. An yek rat vell o foro Kir an o them Moab khetne stakedo. Oun o foro hi bouder gar koy.

Jesaja 16:11

Doleske rovell miro dji pral i menshende an o them Moab. Lauter an mande trissell o foreske Kir-Heres.

Jesaja 16:7

O dives vell, kay rovenn le an o them Moab. Halauter rovenna. Lenge hi phares an o dji, te hi len bouder kek drakengre merklia, hoy van kerdo an o foro Kir-Heres. Dino an o dji denn yon gole i doukatar.

Jeremia 48:31

Doleske hounte rovap pral i Moabarya, oun dau gole pral o tselo them. Mange hi ropaske pral kol menshende an o foro Kir-Heres.

Jeremia 48:36

Doleske givau miri ropaskri gili pral o them Moab, pral i menshende an o foro Kir-Heres. Miri gili hi har ko bashepen ap i tikne phourdepangre, hoy bashrenn le, te meras yek. Ko tselo bravlepen, hoy le penge khetne anan, hi bouder gar koy.

5. Mose 2:9

Oun o baro Devel penas ap mande: “Kre i menshenge an o them Moab kek čilačepen, oun ma mouk tout an i čingepen lentsa dren! Ma bistrenn, yon hi i menshe, kay venna pal o Lot. Lenge dom o foro Ar oun ko them trouyel, te djivenn le kote. Me kamau tout či lengro themestar te dell.”

Čačepangre 9:45

Oun o tselo dives kouras pes o Abimelek i morshentsa dran o foro, oun las o foro dren. Oun i menshen, kay an o foro hi, das lo temerl. Oun i khera kras lo paash, oun vitsras loon ap lende.