2. Rajengro liil 3:23 - O Debleskro Lab 2024 (Sinte-Manouche)

²³ Oun yon penan: “Kova hi rat. Kol bare raya maran pen o rhareha, oun yek maras kol vavares. Kanna, Moab dja koy oun le touke, hoy kameh!”

O Debleskro Drom 2021 (Sinte)

²³ Un jon penan: “Kowa hi rat. Kol bare raja maran pen o chareha, un jek maras kol wawares. Kanna, Moab dja koi un le tuke, hoi kameh!”

2. Rajengro liil 3:23 ပူးပေါင်းရင်းမြစ်များ

2. Rajengro liil 3:22

Oun har yon taysarlakro pre stan, oun o kham pre djas pral o pani, dikas kova i lourdenge dran Moab doural yaake vin, har te vell ko pani lolo har rat.

2. Rajengro liil 3:24

Oun har yon pash koy platsa van, kay i Israelitarya his, van kolla vin, oun dan kol Moabaryen. Oun yon nashan krik lendar. Oun i Israelitarya lan len palla oun dan len.

2. Rajengro liil 7:6

O baro Devel kras, te shounenn kol Syrarya i bari gole, har te venn boud lourde grayentsa oun kourepangre vourdyentsa. Oun yon rakran yek ap o vavareste: “Shounenn, ko baro ray pral Israel čivas pes khetne kol bare rayentsa pral kol Hetarya oun pral kol Egiptarya, te perenn le khetne pral mende.”

2. Familjakro liil 20:25

Kote djan o Yosafat oun leskre lourde, te lenn le kova, hoy i moule lourden pash pende his, oun hatsan boud firhen, bravlepen, ripya oun kouč koova. Yaake boud his, te nay hidjran le les gar halauter. Triin divessa his le koy, te lenn le o tselo koova, yaake boud his kova.

2. Mose 15:9

I Egiptarya penan: Las len palla, las len dren! Las menge, hoy lengro hi! Hakenes hi doha koy! Las mare rhare, das len temerl!

Jesaja 10:14

Yaake har yek peskro vast ap i čirklengro kheer čivell oun i yare vin lell, yaake tapras miro vast o bravlepen an kol themma oun las les peha. Oun yaake har lell yek i čirklengre yare peha, hoy mouklo van, yaake lom me i tsele themma mange. Kote his kek, kay peskre moussyentsa pal mande dals, oun kek, kay peskro mouy pre krals, te vell i gole vin.

Čačepangre 5:30

Čačepah hatsan le boud, hoy yon peha lenn, shoukar bravlepen hakeneske: Yek rakli, douy raklia hako morsheske, oun kouč shoukar ripya o Sisereske, ninna menyakre dikle, kay shoukar koova dren sido hi.