2. Rajengro liil 24:17 - O Debleskro Lab 2024 (Sinte-Manouche)

¹⁷ Oun o baro ray pral o them Babilonia las o Yoyakineskro kak, – leskro lab his Mattanya – oun kras, te vell lo o baro ray pal o Yoyakin pral o them Youda, oun das les i vavar lab, oun kharas les Sedekya.

O Debleskro Drom 2021 (Sinte)

¹⁷ Un o baro rai pral o them Babilonia las o Jojachineskro kak, – leskro lab his Mattanja – un kras, te well lo o baro rai pal o Jojachin pral o them Juda, un das les i wawar lab, un kharas les Zedekja.

2. Rajengro liil 24:17 ပူးပေါင်းရင်းမြစ်များ

2. Rajengro liil 23:34

Oun o Farao Neko kras, te vell o Yosiyeskro čavo, o Elyakim, baro ray pal leskro dadeste Yosia. Oun das les i vavar lab oun kharas les Yoyakim. Leskro phrales, o Yoakaz, las lo peha oun anas les an o them Egiptia; kote meras lo.

2. Familjakro liil 36:4

Oun o baro ray pral o them Egiptia kras, te vell o Yosiyeskro čavo, o Elyakim, baro ray pral Youda oun Yerusalem. Oun das les i vavar lab oun kharas les Yoyakim. Leskro phrales, o Yoakaz, las o Neko peha, oun anas les an o them Egiptia.

Jeremia 1:3

An ko tsiro pal kova, har koleskro čavo, o Yoyakim, o baro ray his, rakras o baro Devel pale ap o Yeremia bis ko tsiro vas, kay i menshe dran Youda pandles an i vavar them anlo van. Kova his an o pančto čon an ko deesh-te-yekto bersh, har o Sedekya, koleskro dad o Yosia his, o baro ray pral Youda his.

Jeremia 21:1

O baro ray Sedekya bičras douy morshen pash o Yeremia. Ko yek his o Pashour, koleskro dad o Malkiya his, oun ko vavar his o rashay Sefanya, koleskro dad o Maasseya his. Oun o Sedekya moukas leske te penell:

Jeremia 37:1

O Sedekya, koleskro dad o Yosia his, vas o baro ray pral o them Youda. Koles čivas o baro ray dran Babilonia, o Neboukadnezar, dren, te vell lo baro ray pal o Konya. Kova his o čavo o Yoyakimestar.

Jeremia 49:34

Kava hi ko lab, hoy penas o baro Devel ap peskro rakepaskro, o Yeremia, pral o them Elam. Kova his i tikno tsiro palla, kay vas o Sedekya o baro ray pral o them Youda.

Jeremia 52:1

Biish-te-yek bersh his o Sedekya, har lo baro ray vas; oun deesh-te-yek bersha his lo baro ray an o foro Yerusalem. Leskri day kharas Hamoutal. Lakro dad his o Yirmeya dran Libna.

Ezekiel 17:13

Oun yob las o rayeskre čavendar yekes, oun kras leha vin, te vell yob o ray pral o them Youda, oun moukas les i sovel te dell, te perell lo gar lestar tele. I pralstunen dran ko them las lo pandles an Babilonia,

Ezekiel 17:16

Me dau man sovel pash miro djipen, penell o baro Devel, maro ray: Ko ray pral Youda phagas peskri sovel, oun rikras gar dren, hoy lo o baro rayeha dran o them Babilonia vin kras, koleha, kay les ray kras. Doleske merell lo an koleskro foro – mashkral an Babilon.

Ezekiel 23:17

Oun i Babilonarya van pash late, te sovenn le lah. Oun yaake kran le lat pale-čiddo. Oun har kras li pes pale-čiddo lentsa, his lat doha lendar.

Daniel 1:7

Oun o pralstouno pral o rayeskro kheer das hakenes lendar i vavar lab. O Daniel kharas kanna Beltsazar, oun o Hananya Shadrak, oun o Mishael Meshak, oun o Asarya Abed-Nego.