2. Rajengro liil 23:5 - O Debleskro Lab 2024 (Sinte-Manouche)

⁵ Oun yob bičras i rashayen krik, kay i moule deblenge boudrenn, oun kolen i bare raya pral o them Youda moukan te vell, te rhačrenn le soungepaskro koova ap i moulne platse an i forya an o them Youda oun troul o foro Yerusalem. Kol moule debla, kolenge rhačran le soungepaskro koova, his: o Baal, o kham oun o čon, oun i tsele bolepangre momlia.

O Debleskro Drom 2021 (Sinte)

⁵ Un job bitchras i rashajen krik, kai i mule deblenge budrenn, un kolen i bare raja pral o them Juda mukan te well, te chatchrenn le sungepaskro koowa ap i mulne platse an i forja an o them Juda un trul o foro Jerusalem. Kol mule debla, kolenge chatchran le sungepaskro koowa, his: o Baal, o kham un o tchon, un i tsele bolepangre momlia.

2. Rajengro liil 23:5 ပူးပေါင်းရင်းမြစ်များ

2. Rajengro liil 21:5

Oun i tsele bolepangre momelenge čivas lo rhačepangre pre an kol douy glanstoune platse glan o baro Debleskro kheer.

2. Familjakro liil 33:3

Yob čivas kol moulne platse pale pre, kay i moule deblenge firhe rhačedo van. Kol platse das leskro dad, o Hiskiya, khetne. Oun o Manasse moukas rhačepangre te krell, kay firhe rhačedo venn o debleske Baal, kay i rhorheno devel hi. Oun yob kras figure, hoy sikran i debletsa Ashera. Oun yob mangas i bolepangre momlia an oun vitsras pes glan lende tele.

2. Familjakro liil 34:4

Oun glan leskre yaka moukas lo i rhačepangre tele te phagell, kay firhen ko debleske rhačedo van, kay kharell Baal. Oun kol boba, hoy koy pral tardo his, oun kay soungepaskro koova rhačedo vas, moukas lo trouyel te dell. Oun i figure, hoy sikrenn i debletsa Ashera, oun kol vavar figure, hoy le pengre vastentsa kran, kolen phagas lo an kotya, oun das len yaake khetne, te ačas či har čik pral. Kay čik vitsras lo pral ko handako, kay kolla paskedo his, kay rhačran firhen oun vavar koova kol rhorhene deblenge.

Hiob 38:32

Nay moukeh tou i bolepangre momlia vin te vell, te hi lengro tsiro? Nay sikreh tou kolende, hoy kharenn Baro Vourdoun oun Tikno Vourdoun pengro drom, hoy le hounte djan?

Ezekiel 8:6

Oun o baro Devel penas ap mande: Tou, mensho, dikeh tou, hoy le krenn? Baro djoungelo koova hi, hoy o kheer Israel kate krell, te djap mange dran miro kheer vin. Oun tou dikess gomme bareder djounglepen.

Hosea 10:5

I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Zefanja 1:4

Me hadau miro vast pral o them Youda, oun pral halauterende, kay an o foro Yerusalem djivenn, te dap len lengri phagi. Oun krau lauter paash, hoy kote o rhorheno deblestar Baal pral ačas. Ninna leskre rashaya venn bistedo, oun kol vavar rashaya, kay moukan o baro Debles.