2. Rajengro liil 23:36 - O Debleskro Lab 2024 (Sinte-Manouche)

³⁶ Biish-te-panč bersh phouro his o Yoyakim, har lo baro ray vas; oun yob his deesh-te-yek bersh baro ray an o foro Yerusalem. Leskri day kharas Sebouda. Lakro dad his o Pedaya dran Ruma.

O Debleskro Drom 2021 (Sinte)

³⁶ Biish-te-pantch bersh phuro his o Jojakim, har lo baro rai was; un job his deesh-te-jek bersh baro rai an o foro Jerusalem. Leskri dai kharas Sebuda. Lakro dad his o Pedaja dran Ruma.

2. Rajengro liil 23:36 ပူးပေါင်းရင်းမြစ်များ

1. Familjakro liil 3:15

Oun i čave o morshestar Yosia his: o phoureder his o Yohanan, o douyto his o Yoyakim, o triinto his o Sedekya, o starto his o Shalloum.

2. Familjakro liil 36:5

Har vas o Yoyakim baro ray, his lo 25 (biish-te-panč) bersh phouro. Oun yob his 11 (deesh-te-yek) bersh baro ray an o foro Yerusalem. Oun yob kras, hoy čilačo his glan i yaka o baro Deblestar, kay leskro Devel his.

Jeremia 1:3

An ko tsiro pal kova, har koleskro čavo, o Yoyakim, o baro ray his, rakras o baro Devel pale ap o Yeremia bis ko tsiro vas, kay i menshe dran Youda pandles an i vavar them anlo van. Kova his an o pančto čon an ko deesh-te-yekto bersh, har o Sedekya, koleskro dad o Yosia his, o baro ray pral Youda his.

Jeremia 22:18

Doleske penell o baro Devel pral o Yoyakim, ko baro rayeste pral o them Youda, koleskro dad o Yosia his: Te merell yob, rovenn le gar pral leste. Kek penell: Mo phraal, mo pheen, hoske hounte meras lo? Vitar gar penenn le: Maro ray, i pralstouno, hounte meras!

Jeremia 22:19

Yob vell gar paskedo, yob vell krik tserdedo har i mouli bourika, oun vin vitsedo glan i voudya o forestar Yerusalem.

Jeremia 26:1

Kava hi ko lab, hoy penas o baro Devel ap mande. Kova his i tikno tsiro palla, kay vas o Yoyakim, koleskro dad o Yosia his, o baro ray pral o them Youda:

Daniel 1:1

An ko tsiro, har o Yoyakim an o triinto bersh o baro ray pral o them Youda his, vas o baro ray pral o them Babilonia – leskro lab his Neboukadnezar – glan o foro Yerusalem, oun čivas pes peskre lourdentsa troul o foro.