2. Rajengro liil 23:3 - O Debleskro Lab 2024 (Sinte-Manouche)

³ Oun o baro ray his ap ko pralstouno kotar tardo glan o Debleskro kheer oun das o baro Debleste peskro lab, te djan le ap o Debleskro drom, oun rikrenn leskre laba, oun djivenn yaake, har yob len sikras oun pal leskro čačepen. Pengro tselo djiyeha oun pengri tseli zoryah kaman le pal kal laba te djivenn, hoy o Devel len das, oun hoy an kava liil činlo hi. Oun i tsele menshe pandan pen an pengro lab, te rikrenn le kova, hoy an o liil činlo hi.

O Debleskro Drom 2021 (Sinte)

³ Un o baro rai his ap ko pralstuno kotar tardo glan o Debleskro kheer un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi. Un i tsele menshe pandan pen an pengro lab, te rikrenn le kowa, hoi an o liil tchinlo hi.

2. Rajengro liil 23:3 ပူးပေါင်းရင်းမြစ်များ

2. Rajengro liil 11:14

Oun dikas o nevo baro rayes kote tardo, kay i platsa o baro rayeske his: pash i bari lengsto bar. Oun troul leste his i pralstoune lourde oun i phourdepangre tarde. Oun i tsele menshe ko themestar his barhtelo oun phourdan an pengre bashepangre. I Atalya tserdas peskre ripya an kotya oun das gole: “Phoukepen, Phoukepen!”

2. Rajengro liil 11:17

Oun o Yoyada moukas o baro rayes oun i menshen dran Youda i sovel te dell o baro Debleske, te djivenn le yaake, har o baro Devel peskre menshendar kamella. Ninna moukas lo len i sovel te dell, te rikrenn le hako tsiro pash pengro baro rayes, oun yob pash lende.

2. Familjakro liil 15:15

Oun i tsele menshe dran Youda his barhtelo pral koy sovel, hoy dan le pengro tselo djiyeha. Oun yon rodan o Debles pengri tseli zoryah. Oun yob moukas pes lendar te hatsell. Oun o baro Devel moukas len an o lačepen te djivell i thementsa troul lende.

2. Familjakro liil 23:13

Oun dikas o nevo baro rayes ap peskri platsa an o voudar tardo. Oun troul leste his i pralstoune lourde oun i phourdepangre tarde. Oun i tsele menshe ko themestar his barhtelo, oun i phourdepangre phourdan an pengre bashepangre. Ninna i gipangre his koy, oun o bashepah ap pengre doryengre bashepangre givan le glan, oun i menshe givan lentsa. I Atalya tserdas peskre ripya an kotya oun das gole: “Phoukepen, Phoukepen!”

2. Familjakro liil 23:16

Oun o Yoyada moukas o baro rayes oun i menshen dran Youda i sovel te dell o baro Debleske, te djivenn le yaake, har o baro Devel peskre menshendar kamella.

2. Familjakro liil 29:10

Kanna hi man an o shero, te pandap man ap o baro Debleste, ko Devel pral o Israel, te djal peske leskri rholi mendar, hoy yaake zorelo ap mende čiddo hi.

Esra 10:3

Mer kras maro Debleha vin, te bičras mer kol tsele djouvyen oun lengre čaven mendar krik, yaake har penan t'mer – tou, miro ray, oun kolla, kay rikrenn maro Debleskre laba. Mer kamah les yaake te krell, har an o Moseskre lila činlo hi.

Nehemia 10:1

Oun doleske rakrah men kanna tele oun činah kova pre, te rikrah men ap lauter, hoy mer kate penam. Oun mare pralstoune, mare Levitarya, oun mare rashaya čivenn pengre laba tel kava liil oun pandenn palle o liil khetne.

Nehemia 5:13

Ninna trisslom miri baya vin, oun penom: “Yaake trissell o Devel hakenes t'mendar, kay rikrell gar peskro lab. O Devel lell lestar leskro kheer oun lauter, hoy les hi.” Oun lauter, kay kote khetne van, penan: “Amen!” Oun yon sharan o baro Debles. Oun i menshe kran pal kol laba, har yon penan.

2. Mose 24:3

Oun o Mose vas pash i menshende oun penas lenge hako lab, hoy o baro Devel penas, kol tsele laba, hoy penenn, hoy yob lendar kamella. Oun i tsele Israelitarya penan har dran yek mouy: “Lauter, hoy o baro Devel penas, kamah mer te krell.”

Sikepaskro 8:2

Te dan t'men sovel glan o baro Debleste, te shounenn ap kova, hoy o baro ray t'menge penell, palle rikrenn t'men ap kova!

Jeremia 34:15

T'mer van pale ap miro drom, oun kran, hoy glan mire yaka mishto hi, oun moukan vin gole te dell, te venn kol boudepangre vin mouklo, kay hi Israelitarya. Oun t'mer dan t'men sovel, glan mande an ko kheer, kay mange kerdo vas, te krenn kova yaake.

Jeremia 34:8

Kava hi ko lab, hoy o baro Devel ap o Yeremia penas, pal ko tsiro, kay o baro ray Sedekya i menshentsa an o foro Yerusalem vin kras, te moukenn le i tsele ginle boudepangre vin,

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Jeremia 50:5

Yon poučenn pal o drom ap i berga Sion, kote kamenn le te djal: “Avenn, te kras men ap o drom pash o baro Debleste! Mer kamah pale leskre menshe te vell, oun yob te vell maro Devel! Kova te ačell yaake hako tsiro, mer kamah les gar te bistrell.”

5. Mose 10:12

Oun kanna Israel, shoun, hoy t'maro baro Devel kamell, te kress! Tou mangess les an, djas ap leskro drom an halauter hoy tou kreh. Tou kamess les o tselo djiyestar, oun vess leske koy tiri tseli zoryah.

5. Mose 11:13

Yaake shounenn ap kol laba, hoy t'menge kava dives penau, te kamenn t'maro baro Debles o tselo djiyestar oun venn leske koy t'mari tseli zoryah.

5. Mose 29:1

Oun o Mose moukas i tsele Israelitaryen gole te dell, oun penas ap lende: T'mer dikan halauter, hoy o baro Devel glan t'mare yaka kras an o them Egiptia, ap o Faraeste oun ap leskre bare morshende, oun ap o tselo them:

5. Mose 4:45

Har le dran o them Egiptia vin djan, penas lo lenge kol tsele laba, hoy lende sikran, har te djivenn le, oun hoy o Devel lendar kamella, oun leskre tsele čačepaskre laba.

5. Mose 6:1

Oun kava hi o lab, lauter, hoy t'maro baro Devel t'mendar kamella, oun leskre čačepaskre laba, hoy lo mande das, te penap len t'menge, te nay djivenn pal lende an o them, an kova t'mer kanna djan, te lenn les t'menge dren,

5. Mose 6:5

Tou kamess les tiro tselo djiyestar oun tiro tselo djipah oun tiri tseli zoryah.

5. Mose 8:19

Ma bistrenn t'maro baro Debles! Ma nashenn vavar deblen palla! Oun ma vitsrenn t'men glan lende tele, te mangenn len an! Te krenn kova, palle dau t'men kava dives miro lab pre, te venn t'mer yaake moulo dino,

Hebrearja 12:24

Kote hi ninna o Yezous, maro rakepaskro, kay kras menge o nevo drom, te djivas khetne o Debleha. Yob meras menge, oun leskro rat las mari doosh mendar. O Yezouseskro rat hi feteder har o Abeleskro rat. Har o Abel maredo vas, das leskro rat gole pal i phagi pral o Kayn. O Yezouseskro rat lell mari doosh mendar.

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.