2. Rajengro liil 21:2 - O Debleskro Lab 2024 (Sinte-Manouche)

² Oun yob kras, hoy his čilačo glan o baro Debleskre yaka: ko emligo djoungelo koova, har kol vavar menshe kran, kolen o baro Devel glan o Israel vin tradas dran o them.

O Debleskro Drom 2021 (Sinte)

² Un job kras, hoi his tchilatcho glan o baro Debleskre jaka: ko emligo djungelo koowa, har kol wawar menshe kran, kolen o baro Dewel glan o Israel win tradas dran o them.

2. Rajengro liil 21:2 ပူးပေါင်းရင်းမြစ်များ

2. Rajengro liil 17:2

Oun yob kras, hoy glan o baro Debleskre yaka djoungeles his. Kokres yaake čilačo har kol bare raya an Israel, kay glan leste his, his lo gar.

2. Rajengro liil 21:11

O Manasse, ko baro ray pral o them Youda, kras baro čilačepen, hoy djoungleder hi har lauter, hoy i Amorarya kran, kay glan leste djivan. Oun yob anas ninna i menshen dran o them Youda ap i čilačo drom peskre tsele moule deblentsa.

2. Rajengro liil 21:16

Ninna moukas o Manasse boud menshen te marell, ap kolende kek doosh his. An o foro Yerusalem nashas lengro rat har pani. Koy pashel vas koy doosh, hoy lo ap o them Youda anas, har anas lo i menshen ap i čilačo drom, kay kran le, hoy gar mishto hi an o baro Debleskre yaka.

2. Rajengro liil 21:20

Oun o Amon kras, hoy čilačo hi glan o baro Debleskre yaka, yaake har leskro dad o Manasse les kras.

2. Rajengro liil 21:21

Oun djas ap o čilačo drom, har leskro dad, oun mangas i moule deblen an, har leskro dad kova ninna kras, oun vitsras pes glan lende tele.

2. Rajengro liil 21:7

Oun yob anas koy kashteni debletsa Ashera, hoy lestar kerdo vas, an o Debleskro kheer, kolestar o baro Devel ap o David penas oun leskro čaveste, o Salomo: “An kava kheer oun an o foro Yerusalem, hoy me mange vi-rodom dran o tselo Israel, kate kamau me, te mangenn le man an hako tsiro.

2. Rajengro liil 22:17

I menshe an Yerusalem moukan man oun anan vavar aseblenge firhen, te rhoyrenn le man halautereha, hoy le pengre vastentsa kran; doleske vell miri rholi har i yag ap kava foro, oun kek nay krell les vin.”

2. Rajengro liil 23:32

Oun yob kras, hoy čilačo hi glan o baro Debleskre yaka, yaake har leskre phoure kran.

2. Rajengro liil 24:9

Oun o Yoyakin kras, hoy djoungeles his an o baro Debleskre yaka, yaake har leskro dad ninna kras.

2. Familjakro liil 36:14

Ninna i tsele pralstoune an o them Youda oun i rashaya oun i menshe an o them kran pengri doosh gomme bareder pengro djipah: Yon djivan pal ko djoungelo koova, hoy i menshe an i vavar themma kran, oun kran o baro Debleskro kheer pale-čiddo, ko kheer, hoy yob vi-rodas, te djivell lo kote an o foro Yerusalem.

Sikepaskro 9:18

O gosvepen hi boudeder moldo har i zorelo rharo; oun yek dinelo koova krell boud lačo koova paash.

Jesaja 66:4

Doleske hi mange shoukar, te anap len an i bibarht. Oun anau kova pral lende, glan leste yon yaake darenna. Me dom ap lende gole, oun kek shounas oun kek rakras pale. Me dom len trad, oun kek das pre yak. Ava, yon kran kova, hoy an mire yaka čilačo hi, oun lenge his shoukar, te krenn le kova, hoy an mire yaka djoungelo hi.

Jeremia 15:4

I tsele menshe ap i phoub denn i vasta pral o shero khetne, te dikenn yon kova. Koya hi koy phagi koleske, hoy ko baro ray Manasse an Yerusalem kras. Leskro dad hi o Hiskiya, ko baro ray pral Youda.

Ezekiel 11:12

Oun t'mer dikenn oun hayvenn, te hom me o baro Devel. T'mer kran gar kova, hoy t'mendar kamom. Oun rikran gar ap mire čačepaskre laba. Na-a, t'mer djivan pal i čačepangre laba kol menshendar, kay an i themma troul t'mende djivenna.

Ezekiel 16:51

Tou hal boudeder har douy kope yaake čilačo har i Samaria. Tou kral boudeder djoungelo koova har i Sodom oun i Samaria kran. Te dikell yek ap toute, oun palle ap lende, hounte patsell lo, te hi kol douy lače forya.

Ezekiel 22:3

Pen: Kava penell o baro Devel, maro ray: T'mer, kay djivenn an o foro, maran boud menshen t'mendar oun kran t'menge rhorhene deblen, te van pale-čiddo o baro Debleske. T'maro tsiro hi koy!

5. Mose 12:31

Ma krenn sau kova t'maro baro Debleha! Kova lauter, hoy yon pengre deblenge kran, hi djoungelo oun čilačo glan o baro Debleskre yaka. Ninna pengre morsh čaven oun pengre čen rhačran le lenge an i yag.