2. Rajengro liil 21:15 - O Debleskro Lab 2024 (Sinte-Manouche)

¹⁵ Mire menshe kran, hoy glan mande djoungeles hi, oun rhoyran man ko tselo tsiro, har lengre phoure dran o them Egiptia vin djan bis ap kava dives.

O Debleskro Drom 2021 (Sinte)

¹⁵ Mire menshe kran, hoi glan mande djungeles hi, un choiran man ko tselo tsiro, har lengre phure dran o them Egiptia win djan bis ap kau diwes.

2. Rajengro liil 21:15 ပူးပေါင်းရင်းမြစ်များ

2. Rajengro liil 21:14

Oun kolla, kay mire menshendar pral ačenna, bičrau mandar krik, oun dau len an o vast kolendar, kay čorenn o them vin oun lenn i menshen pandlo pentsa.

2. Rajengro liil 21:16

Ninna moukas o Manasse boud menshen te marell, ap kolende kek doosh his. An o foro Yerusalem nashas lengro rat har pani. Koy pashel vas koy doosh, hoy lo ap o them Youda anas, har anas lo i menshen ap i čilačo drom, kay kran le, hoy gar mishto hi an o baro Debleskre yaka.

Jesaja 24:5

I menshe ap i phoub moukan o Debleskro drom, oun rikran pen gar ap leskre laba, oun djivan gar yaake, har lo lentsa vin kras, oun hoy hako tsireske čačo hi. Yaake kran le i phoub pale-čiddo.

Jeremia 15:4

I tsele menshe ap i phoub denn i vasta pral o shero khetne, te dikenn yon kova. Koya hi koy phagi koleske, hoy ko baro ray Manasse an Yerusalem kras. Leskro dad hi o Hiskiya, ko baro ray pral Youda.

Jeremia 25:7

T'mer kaman gar ap mande te shounell, penell o baro Devel. T'mare deblentsa, hoy kran t'menge, rhoyran man yaake boud, te dap t'men t'mari phagi.

Ropaskre gilja 1:5

Kolla, kay kamenn o foreske čilačepen te krell, len hi kanna penepaske pral leste, oun lenge djal mishto. O baro Devel anas koy bibarht pral o foro te dell lo les i phagi leskri boud doshake. Oun kolla, kay lan o foro dren, lan i čaven pandles, oun tradan len glan pende vin dran o them.

Ezekiel 20:13

Ninna an o moulo tato them moukan pen i Israelitarya či mandar te penell. Yon djivan gar yaake, har lendar kamom. Oun ap mire čačepaskre laba dan le či. Oun mire čačepaskre laba hi kolla, kolentsa o mensho djido ačell, te rikrell lo pes ap lende. Oun yon kran boud koova ap o Debleskro dives, hoy hounte krans le gar, oun yaake vom gar sharedo. Kote kamom miri rholi pral lende vin te čorell, te hounte merans le lauter an o moulo tato them.

Ezekiel 20:21

Oun ninna lengre čave moukan pen či mandar te penell, oun kran gar hoy lendar kamom, oun djivan gar pal miro čačepen. Mire čačepaskre laba hi kolla, kolentsa i mensho djido ačell, te rikrell lo pes ap lende. Oun yon kran savo koova ap o Debleskro dives, hoy hounte krans le gar. Oun yaake vom gar sharedo. Kote kamom miri rholi pral lende vin te čorell. Kote an o moulo tato them kamom miri tseli rholi ap lende vin te moukell.

Ezekiel 20:30

Doleske pen ap i Israelitarya: Kava penell o baro Devel, maro ray: Kamenn t'mer har t'mare phoure te krell, kay mantsa phagan, oun djoungele figuren an-mangan? Oun doleske van le pale-čiddo. Kamenn t'men ninna pale-čiddo te krell?

Ezekiel 20:4

Ap mande penas lo: Tou mensho, rake pral lende o čačepen vin! Kre kova! Rike lenge ko djoungelo koova glan i yaka, hoy lengre phoure kran!

Ezekiel 23:3

Kolla van loubya an o them Egiptia, har le terne his. Kote moukan le pengre čoučya an te taprell.

Daniel 9:15

Maro ray oun Devel, tou sikral tiri zoor, har anal tire menshen vin dran o them Egiptia, oun kral tiro lab bares bis kava dives. Mer anam doosh ap mende. Mer kram čilačo koova.

5. Mose 31:27

Me djinau, har djan t'mer pal t'maro shero oun kamenn gar te shounell. Ninna kanna, kay gomme pash t'mende djivau, moukenn t'menge či o baro Deblestar te penell. Har vell kova, te hom moulo?”

5. Mose 31:29

Me djinau, pal miro merepen doukrenn t'mer o baro Debles, oun djan ko dromestar tele, hoy t'mende sikrom. T'mer krenn, hoy čilačo hi glan o baro Debleskre yaka, oun mangenn vavar deblen an, oun rhoyrenn les koleha. Doleske vell bari bibarht pral t'mende.”

5. Mose 9:21

Oun ko terno gouroum, hoy kran t'menge oun yaake o Deblestar tele peran, kay figura lom me oun vitsrom lat an i yag, dom lat paash oun dom lat an save tikne kotya, te ačas či har stauba pral. Oun koy stauba vitsrom an ko pani, hoy kote i berga tele nashell.