2. Rajengro liil 20:5 - O Debleskro Lab 2024 (Sinte-Manouche)

⁵ “Dja pale pale oun pen ap o Hiskiya, ko rayeste pral mire menshende: Kava penell o baro Devel, ko Devel tiro dadestar, o Davidestar: Me shounom tiro mangepen oun me dikom tire sva. Dik, me kamau tout sastes te krell – an o triinto dives nay djah tou pral an o baro Debleskro kheer.

O Debleskro Drom 2021 (Sinte)

⁵ “Dja pale pale un pen ap o Hiskija, ko rajeste pral mire menshende: ‘Kawa penell o baro Dewel, ko Dewel tiro dadestar, o Davidestar: Me shunom tiro mangepen un me dikom tire swa. Dik, me kamau tut sastes te krell – an o triinto diwes nai djah tu pral an o baro Debleskro kheer.

2. Rajengro liil 20:5 ပူးပေါင်းရင်းမြစ်များ

2. Samuel 5:2

Glan i rah tsiro har o Saul baro ray pral mende his, anal tou o Israel an o kourepen oun pale khere. Oun o baro Devel penas touke ninna: Tou dess yak ap mire menshende Israel, oun tou vess o ray pral o Israel.”

1. Rajengro liil 9:3

Oun o baro Devel penas leske: Me shounom, har man an-mangal, oun har mandar mangal, te dikap lačes ap toute. Yaake rodom kava kheer mange vin, hoy tou kral, te djivap kote hako tsiro. Me dau garda koy pre. Kote krau miro dji t'menge pre.

2. Rajengro liil 19:20

Kote bičras o Yesaya, koleskro dad o Amoz hi, yekes pash o Hiskiya, oun moukas leske te penell: Kava penell o baro Devel, kay o Israeleskro Devel hi: Hoy tou ap mande rakral pral o Sanherib, ko rayeste pral o them Assour, oun mandar mangal, kova shounom me.

2. Rajengro liil 20:4

O Yesaya his gomme ap i mashkralstouni platsa, kote rakras o baro Devel ap leste:

2. Rajengro liil 22:19

Oun kral tiro dji lenge pre. Oun kral tout tiknes glan o baro Debleste, har tou shounal, hoy me penom pral kava foro oun kol menshende, kay kate djivenna, te djal lenge yaake djoungeles, te ačell vavar menshenge o rakepen krik i trashatar. Oun kova, kay kamell te vell i bibarht pral i vavareste, penella: Touke te djal, har djas o foreske Yerusalem! Har tou kova shounal, kral tire koola paash, kay ap toute his, oun roval glan mande. Doleske shounom me tout ninna”, penell o baro Devel.

2. Familjakro liil 13:12

Dikenn, mentsa hi o Devel oun djal glan mende. Ninna leskre rashaya hi kate, te phourdenn le an i phourdepangre oun denn men o sikepen, te djas mer an o kourepen t'mentsa. T'mer Israelitarya, ma kourenn t'men o baro Debleha, kay o Devel t'mare phourendar hi! T'menge djal kova gar mishto vin!”

2. Familjakro liil 34:3

Har lo an o orhtato bersh baro ray his, oun gomme i terno morsh his, rodas lo ko Debles, koles leskro phouro dad, o David, an-mangas. Oun an o 12. (deesh-te-douyto) bersh kras lo pes ap i boudi, te vitsrell lo dran o them Youda oun dran o foro Yerusalem kol rhorhene deblen oun figuren krik. Koy pashel his ninna i figure, hoy i debletsa Ashera sikrenn.

Debleskri gili 107:20

oun rakras i lab, oun yon vas sasto. Oun yob las len vin dran o merepen.

Debleskri gili 119:26

Me penom touke lauter dran miro djipen, oun tou shounal man. Sike mande, hoy mandar kameh!

Debleskri gili 126:5

Koon ropah o djob an i phoub vitsrella, kova dell gole i barhtyatar ap ko dives, kay lell lo o djob dren.

Debleskri gili 147:3

Kolen, kay lengro dji phagedo hi, krell lo pale sasto, oun kolenge, kay doukedo hi, čivell lo i pandepen pre.

Debleskri gili 34:18

Te denn kolla ap leste gole, kay rikrenn ap leste, palle shounell len o baro Devel, oun lell len vin dran lengri tseli bibarht.

Debleskri gili 39:12

Tou te deh o menshes i phagi, te anas lo doosh ap peste, palle djal lo yaake paash har i ripen, hoy rhalo vell i kirmestar. Ava, o mensheskro djipen hi či bouder har i dourho.

Debleskri gili 56:8

Miro Devel, kameh len kek phagi te dell lengro čilačepaske? De kal menshen an tiri rholi khetne!

Debleskri gili 56:9

Dik, har boud divessa hom me ap o naashepen! Le mire sva an i čaro khetne! Pash toute hi le lauter pre-činlo an i liil.

Debleskri gili 6:10

Ava, o baro Devel shounas miri gole. Miro mangepen las lo an.

Debleskri gili 65:2

Tou, Devel, kay djiveh ap i berga Sion, tou hal moldo, te sharas tout, oun rikras mare sobya, hoy touke dam.

Debleskri gili 65:3

Tou shouneh, hoy toutar mangah. Doleske venn i tsele menshe pash toute.

2. Mose 15:26

Oun yob penas: “Te shouneh tou ap mande, tiro baro Debleste, oun kreh, hoy me penau, lauter, hoy an mire yaka čačo hi, oun rikreh tout ap mire laba oun kreh, hoy me toutar kamau, palle čivau me kek nasslepen ap toute, hoy čivom ap i Egiptarya. Me hom o baro Devel, kay tout sasto krell.”

2. Mose 3:7

Oun o baro Devel penas: “Me dikom har djoungelo mire menshenge djala an o them Egiptia. Me shounom lengri gole, har dan i pralstoune rhale len dava. Me prindjrau lengre douka.

2. Mose 3:9

Me shounom i Israelengri gole oun dikom, hoy i Egiptarya ap lende krenna. Yon phagenn len, fothe denn le len dava.

Jesaja 19:22

Oun pal kova, kay das o baro Devel i Egiptaryen, krell lo len sasto. Oun yon venn pale pash leste. Oun yob moukell pes lendar te mangell oun krell len sasto.

Jesaja 38:22

Oun o Hiskiya penas ap o Yesaya: “Hoy hi ko sikepen, kay me nay pral djau an o baro Debleskro kheer?”

Jesaja 38:5

Dja pash o Hiskiya, oun pen leske: “Kava penell o baro Devel, ko Devel tiro dadestar, o Davidestar: Me shounom tiro mangepen, oun me dikom tire sva. Shoun, me kamau pash tiro djipen gomme 15 (deesh-te-panč) bersha pashel te čivell.

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

Mateo 22:32

Me hom o Abrahameskro Devel oun o Isaakeskro Devel oun o Yakobeskro Devel. Oun me penau t'menge: Yob hi gar o Devel kolenge, kay moulo hi. Na-a, yob hi o Devel i djidenge.”

Louka 1:13

Koy penas o bolepaskro ap leste: “Ma traash, Zakari! O Devel shounas tout, har tou mangal lestar, te vell t'men i ternepen. Tiri romni Elisabet lella i morsh čaves. Oun koles dess tou ko lab Yohanni.

Louka 18:10

“Douy morsha djan an o Debleskro baro kheer, te mangenn le o Debles an. Ko yek hi i Farisari, ko vavar hi yek kolendar, kay lenn love i biboldendar i Remaryenge dren.

Johanni 5:14

Pal i tsiro tapras o Yezous ko morshes pale an o Debleskro baro kheer. “Tou hal kanna sasto,” penas lo ap leste, “kre kek čilačo koova bouder, te vell gar boudeder ap toute har ko nasslepen!”

5. Mose 32:39

Dikenn kanna dren, te hom me kokres o Devel, dell kek vavar Devel har man! Me marau oun me krau djido, me doukrau oun me krau sasto, oun dell kek, kay yekes dran miro vast nay vin lell.

Hebrearja 2:10

O Devel kamas, te venn boud menshe peskre čave, oun lenn leskro raylepen. Doleske hounte las peskro čavo douka oun merepen ap peste, te nay anell lo len ap ko drom, kay lenn le o Debleskro djipen. Yaake his kova mishto glan o Debleskre yaka, kay lauter kras, oun koleske lauter kerdo vas.

Debleskro tsiro 7:17

O terno bakro, hoy mashkral o Debleskro beshepaskro hi, kova dell yak ap lende, har i bakrengro ray ap peskre bakre yak della, oun anell len pash o pani, hoy o djipen della. Oun o Devel khossell hake sva ap lengre yaka tele.

1. Samuel 10:1

Oun o Samuel las o khoro, kay o kouč djet dren hi, oun čoras les pral o Sauleskro shero. Oun yob čoumras les oun penas: “Ko djet sikrella, te čivas tout o baro Devel pral peskre menshende, te vess lengro ray.

1. Samuel 9:16

“Taysar kava tsireske bičrau me i morshes dran o them Benyamin pash toute. Koles less tou oun makess les o kouč djeteha, te vell lo ray pral mire menshende, i Israelitarya. Kova lell len vin dran o vast i Filistarendar. Me dikom har phares yon o djipen mire menshendar kran. Oun lengri gole vas glan mande.”