2. Rajengro liil 20:3 - O Debleskro Lab 2024 (Sinte-Manouche)

³ “Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

O Debleskro Drom 2021 (Sinte)

³ “Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

2. Rajengro liil 20:3 ပူးပေါင်းရင်းမြစ်များ

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

1. Mose 5:22

Koy pal, har o Matusalem boldo vas, djivas o Henok 300 (triin-sheel) bersha o Debleha. Oun lestar van boud čave oun ča bolde.

1. Mose 5:24

Oun o Henok djivas o Debleha. Palle his yob bouder gar koy. O Devel las les krik.

1. Mose 8:1

O Devel bistras o Noah gar, vitar gar i firhen, kay pash leste an o panyeskro kheer his: kol divye firhe oun kolla, kay gar divye hi. Oun o Devel moukas i baro dourho pral i phoub te phourdell. Koy djas o pani tele.

1. Rajengro liil 11:4

Oun yaake vas, har o Salomo phouro vas, anan les leskre djouvya yaake dour, te nashas lo vavar deblenge pal. Yob rikras pes bouder gar kokres ap o baro Debleste, kay leskro Devel hi, har kova leskro dad, o David kras.

1. Rajengro liil 15:14

Ninna te ačenn kol boud moulne platse tardo, rikras pes o Asa ap o baro Debleste peskro tselo djiyeha, yaake rah har yob djivas.

1. Rajengro liil 2:4

Oun o baro Devel moukell peskro lab čačo te vell, hoy yob ap mande rakras, har lo penas: Te denn tire čave garda ap pengre dromma, te djivenn yon pengro tselo djipen glan mande, oun rikrenn ap mande pengro tselo djiyestar oun pengri tseli zoryah, palle hi an hako tsiro yek tire čavendar o baro ray pral Israel.

1. Rajengro liil 3:6

Kote penas o Salomo: “Baro lačepen kral tou miro dadeske, o Davideske, kay touke koy his, oun ap toute rikras, oun djivas an tiro čačepen peskro tselo djiyeha glan toute. Oun moukal tiro lačepen pral leste te vell, oun dal les i čavo. Kova hi kanna ap leskri beshepaskri beshdo pal leste.

1. Rajengro liil 8:23

oun penas: Baro Devel, tou o Devel pral o Israel, kek devel hi har tou pral an o bolepen, vitar gar tele ap i phoub. Tou rikreh tiro lab, hoy tire menshende dal, oun hal lenge lačes, kolenge, kay djivenn glan toute pengro tselo djiyeha.

1. Rajengro liil 8:61

Oun t'mer, ačenn t'maro tselo djiyeha pash maro baro Debleste, oun krenn, hoy yob t'mendar kamell, oun rikrenn leskre laba, har t'mer kava dives krenn.

1. Rajengro liil 9:4

Oun tou, te djiveh tou glan mande, har tiro dad, o David, glan mande djivas i djoudjo djiyeha oun kek rhorhepah, oun kreh halauter yaake, har me touke penom, oun mire laba rikreh, oun pal miro čačepen djiveh,

2. Rajengro liil 20:2

O Hiskiya rissras pes o mouyeha ap i massouri oun mangas o baro Debles oun penas:

2. Rajengro liil 20:4

O Yesaya his gomme ap i mashkralstouni platsa, kote rakras o baro Devel ap leste:

2. Familjakro liil 16:9

O baro Debleskre yaka dikenn an i tsele themma, te dell lo zoor kolenge, kay rikrenn pen pengro tselo djiyeha ap leste. Tou rikral tout dineles an kava koova. Doleske vell foun kava tsiro kourepen pral toute.”

Nehemia 13:14

Dik, hoy kay krom, miro Devel! Ma biste ko lačepen, hoy krom ap tiro kheer, te vell koy boudi an leste mishto kerdo.

Nehemia 13:22

Oun me penom ap i Levitarya, te krenn le pen djoudjo o Debleske. Palle te venn le pash o foreskre voudya oun denn koy yak, te vell o Debleskro dives dren rikedo. Ninna kava biste mange gar, miro Devel. Oun dik lačes ap mande an tiro baro kamlepen.

Nehemia 13:31

Oun penom ninna, koon ap havo tsiro o kasht hounte anell rhačepaske, oun krom, te vell o nevo djob oun i neve roukengre anlo. Biste kova mange gar, miro Devel, oun dik lačes ap mande!

Nehemia 5:19

Ma biste kova mange, miro Devel, hoy lauter kol menshenge krom!

Hiob 1:1

An o them Ous djivas i morsh, kova kharas Hiob. Yob his an o čačepen tardo, oun kek doosh his ap leste. Yob mangas o Debles an, oun rikras pes dour krik o čilačepastar.

Hiob 1:8

Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar.”

Hiob 16:20

Mire mala sanenn pral mande. Mire yaka hi pherde sva, har dikau me pre pash miro Debleste.

Hiob 4:6

Tou rikreh touke o Debles glan i yaka pash halauter, hoy kreh, oun djah o čačo drom. Doleske nay leh nevi zoor, oun patseh, te vell lauter pale mishto touke.

Debleskri gili 102:9

Hako dives sanenn kolla pral mande, kay kamenn mange čilačepen, oun praasenn man.

Debleskri gili 119:26

Me penom touke lauter dran miro djipen, oun tou shounal man. Sike mande, hoy mandar kameh!

Debleskri gili 119:49

Ma biste tiro lab, hoy dal tou man, tiro boudepaskres! Dikau ap tiro lab, te vell yaake har tou les penal.

Debleskri gili 145:18

O baro Devel hi gar dour hakenestar, kay dell les an-gole, hakeneske, kay dell les an-gole an o čačepen.

Debleskri gili 25:7

Biste miri doosh, hoy ap mande lom, har terno homs, oun miro čilačo koova! Kre mange tiro dji pre, miro baro Devel!

Debleskri gili 26:1

I gili o Davidestar. Baro Devel, de man miro čačepen! Kek doosh hi ap mande. Oun me patsau tout, mo baro Debles, oun perom gar toutar tele.

Debleskri gili 26:3

Tiro lačepen hi glan mire yaka, oun me djivau miro djipen an tiro čačepen.

Debleskri gili 32:2

Barhtelo hi ko mensho, koneske o baro Devel i doosh gar glan-rikrell, oun an koleste kek rhorhepen hi.

Debleskri gili 39:13

Baro Devel, shoun miro mangepen! Oun shoun, har dau ap toute gole! Dik mire sva oun rake mantsa! Me hom gar khere ap kay phoub, djivau har i vi-themari pash toute, yaake har ninna mire phoure djivan.

Debleskri gili 6:6

Te hom moulo, nay sharau me tout bouder gar. Pash i moulende parkrenn le pen gar pash toute.

Debleskri gili 6:7

Khino hom o ropastar. I tseli rat nashenn mire sva, oun miro čiben hi sapenes lendar.

Debleskri gili 89:47

Baro Devel, har rah kameh tout gomme te khatrell? Har rah moukeh tiri rholi te rhačrell har i yag?

Debleskri gili 89:50

Baro Devel, glan i rah tsiro dal tou men tiro lab, te čivess tiro lačepen ap mende. Hoske rikreh tou gar koy sovel, hoy dal o Davideste?

Jesaja 38:14

An miri gole hi kek zoor. Har i čirklengri gole shounell pes miri gole an, oun har te rovals i tauba. Mire yaka hi khino, yaake rah dikom ap toute pre. Miro ray, hom an o merepen! Ab tou ap miri rig!

Jesaja 63:11

Kote moukan le penge pale i phoure tsirya an o shero te djal, kol divessa, kay o Mose, djivas, oun poučan pendar: Kay hi o baro Devel, kay las peskre menshen vin dran o baro pani, khetne kolentsa, kay ap lende yak dan? Kay hi o baro Devel, kay ap lende peskro dourho čivas?

Jeremia 4:2

Te denn t'men sovel oun penenn: Me dau man sovel pash o djido Debleste … oun t'mer rhorhenn gar koy pashel, oun rikrenn t'maro lab, palle poučenn mandar i menshe an i vavar themma, te čivap miri barht ap lende, oun yon sharenn pen, kay prindjrenn yon man.

Amos 5:4

O baro Devel penell ap o kheer Israel: Rodenn man, palle djivenn!

Louka 1:6

O Zakari oun i Elisabet his lačo an o Debleskre yaka. Oun yon shounan ap o Debleste, oun kran lauter, hoy an o Debleskro lab činlo his.

Johanni 1:47

Har o Yezous dikas, kay o Natanael vas, penas yob: “Dikenn, koy vell i čačo Israelitari. Oun kek rhorhepen hi an leste.”

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Hebrearja 5:7

Har o Yezous ap i phoub djivas, kras lo lauter, hoy o Devel kamas. Doleske shounas les o Devel. An i daar mangas o Yezous o Debles i ropah oun bari golyah. Yob djinas, kova nay lell les dran o merepen vin.