2. Rajengro liil 20:12 - O Debleskro Lab 2024 (Sinte-Manouche)

¹² O baro ray pral o them Babilonia, o Merodak-Baladan, koleskro dad o Baladan hi, shounas, kay o Hiskiya nasselo his. Oun yob bičras leske i liil oun kouč koova.

O Debleskro Drom 2021 (Sinte)

¹² O baro rai pral o them Babilonia, o Merodach-Baladan, koleskro dad o Baladan hi, shunas, kai o Hiskija nasselo his. Un job bitchras leske i liil un kutch koowa.

2. Rajengro liil 20:12 ပူးပေါင်းရင်းမြစ်များ

1. Mose 10:10

An ko ersto tsiro vas yob o ray pral i forya Babel, Erek, Akkad oun Kalne an o them Shinar.

1. Mose 11:9

Doleske kharell ko foro Babel. Kote kras o baro Devel, kay yek i vavareskro rakepen bouder gar hayvella. Yaake kras yob, te ačan le koy bouder gar khetne oun hounte djan dran yek them an i vavar pral i tseli phoub.

2. Samuel 10:2

Koy penas o David: “Me kamau o čaveha o Nahashestar, o Hanoun, maal te vell, yaake har leskro dad miro maal his.” Oun o David bičras morshen koy, oun moukas leske lendar kamle laba te penell pral leskro dadeste, te vell leske gar bouder ropaske. Har kanna kolla, kay o David bičras, an ko them Ammon van,

2. Familjakro liil 32:25

Har o Hiskiya sasto vas, vas lo pre-phourdo oun das o baro Debleste ko lačepen gar pale, hoy kova ap leste kras. Doleske vas o baro Devel rhoyedo pral leste oun pral o them Youda oun pral o foro Yerusalem.

2. Familjakro liil 32:31

An ko tsiro, kay bičran i pralstoune dran o them Babilonia bičepangren pash o Hiskiya, te poučenn le lestar, hoy an o them djas, har o Devel savo baro koova kras, hoy kek vavar nay krella, kote moukas les o Devel kokres, te dikell lo, hoy an leskro dji hi, oun hoy krals lo.

Jesaja 13:1

Kava hi, hoy sikras o Devel o Yesayes pral o foro Babilon. O Yesaya hi o čavo o morshestar Amoz.

Jesaja 13:19

O Babilon his i shoukester foro mank i rayengre themma. Koleha sharenn pen i Kaldearya. O Devel krell kava foro paash, yaake har lo i forya Sodom oun Gomorra paash kras.

Jesaja 14:4

Palle givenn le kay sapaskri gili pral o baro rayeste pral Babilon: Har nay djal kova? Tou, kay menge i pharo djipen kral, val dino. Kekes nay doukreh bouder.