2. Rajengro liil 2:9 - O Debleskro Lab 2024 (Sinte-Manouche)

⁹ Oun har yon vergel van, penas o Eliya ap o Elisa: “Mang mandar, hoy krap touke, glan te vau toutar krik lino!” O Elisa penas: “De man douy kotya tiri Debleskri zoryatar.”

O Debleskro Drom 2021 (Sinte)

⁹ Un har jon wergel wan, penas o Elija ap o Elisa: “Mang mandar, hoi krap tuke, glan te wau tutar krik lino!” O Elisa penas: “De man dui kotja tiri Debleskri sorjatar.”

2. Rajengro liil 2:9 ပူးပေါင်းရင်းမြစ်များ

1. Rajengro liil 19:16

Oun o Yehou, koleskro dad o Nimshi hi, koleske makess ninna lačo djet ap o shero, te vell yob o ray pral o Israel. Oun o Elisa, koleskro dad o Shafat hi dran Abel-Mehola, koleske mak ninna lačo djet ap leskro shero, te vell yob i Debleskro rakepaskro pal toute!

1. Rajengro liil 3:9

Doleske mangau tout, de man i dji, hoy shounella, hoy tou peneh, te nay rakrap o čačepen vin pral i menshende, oun te hayvap, hoy mishto oun hoy gar mishto hi. Har nay dap hakeneste tire boud menshendar peskro čačepen, tou te deh kova mande gar?”

Debleskri gili 72:1

I gili o Salomestar. Mo Devel, de tiro čačepen o baro rayeste an o dji, te rakrell lo o čačepen yaake har tou o čačepen rakrals.

Debleskri gili 72:20

Kate herenn pre o Davideskre gilya, kolentsa yob o Debles an-mangas. O Davideskro dad his o Isay.

Zakarie 12:8

An ko tsiro rikrell o baro Devel peskre vasta pral i menshende an o foro Yerusalem. Oun i menshe kote sikrenn pen yaake zorelo, te hi i bango yaake zorelo har o David his. Oun i menshe dran o Davideskro kheer djan glan lende, har te djals o Debleskro bolepaskro glan lende.

Zakarie 9:12

T'mer pandle, avenn pale khere an ko zorelo foro, t'mer, kay djinenn: Mer ačah gar hako tsireske pandle. Kava dives penau t'menge: Me dau t'mende douy kope yaake boud lačepen har kol douka, hoy hounte lan ap t'mende.

4. Mose 11:17

Me kamau tele te vell, oun kote touha rakrell, oun lau i kotar ko dourhestar, hoy ap toute hi, oun čivau les ap lende, te nay krenn yon khetne touha kay phari boudi, hoy hi har i pharo koova ap tire phika. Tou hounte hidjress kova gar lauter kokres.

4. Mose 11:25

Koy vas o baro Devel tele an i folka oun rakras o Moseha, oun las i kotar ko dourhestar, hoy ap leste his, oun čivas les ap kol efta-deesh phoureder. Oun har o Debleskro dourho ap lende his, kharan le laba vin har kol Debleskre rakepangre. Yon kran kova kokres kava yek kopo.

Johanni 16:7

Patsenn man: Hi mishto t'menge, te djap mange. Te djau me gar, nay vell ko rakepaskro gar pash t'mende, kay vella ap t'mari rig. Me te djau mange, bičrau les pash t'mende.

Bičepangre 1:8

Ap t'mende vell o Debleskro Dourho oun dell t'men i bari zoor. Palle rakrenn t'mer mandar an o foro Yerusalem, oun an o tselo them Youdea, oun an o them Samaria, oun ap i tseli phoub.”

Bičepangre 8:17

Koy čivan o Petro oun o Yohanni i vasta ap lende, oun o Debleskro Dourho peras ap lende.

1. Korintarja 12:31

Mangenn o Deblestar, te čivell leskro Dourho kol zorya an t'mende, kay i patslenge i feteder hi. Oun kanna sikrau me t'men i drom, hoy pral hako vavar drom hi.

5. Mose 21:17

Na-a, yob hounte dell ko vavares douy kope yaake boud, yob hi o phoureder, ninna te his lo koy romyatar, kolat kamell lo gar. Yob vas glanstounes boldo oun leske hi o čačepen, te lell lo, hoy o phoureder lell.

5. Mose 34:9

Oun o Yosua, koleskro dad o Noun his, vas pherdo gosvepen. Kova vas, har čivas o Mose peskre vasta ap leste. Oun i Israelitarya shounan ap leste oun kran yaake har o baro Devel o Moseske penas, te hounte krenn le.

1. Timoteo 5:17

Kanna rakrau pral kolende, kay hi kol phoureder mank i patslende, oun krenn pengri boudi mishto. I patsle hounte dikenn pre ap lende oun shounenn ap lende. Ninna hounte denn le len love. Kova penau boudeder kolendar, kay penenn i menshenge o Debleskro lab, oun sikrenn lende o Debleskro drom.