2. Rajengro liil 2:23 - O Debleskro Lab 2024 (Sinte-Manouche)

²³ Oun yob djas pre an o pralstouno them pash Betel. Koy van tikne morsh čave dran ko foro, san pral leste oun dan ap leste gole: “Nango shero, am kay pral, nango shero am pral!”

O Debleskro Drom 2021 (Sinte)

²³ Un job djas pre an o pralstuno them pash Betel. Koi wan tikne mursh tchawe dran ko foro, san pral leste un dan ap leste gole: “Nango shero, am kai pral, nango shero am pral!”

2. Rajengro liil 2:23 ပူးပေါင်းရင်းမြစ်များ

1. Mose 21:9

Oun o Abrahameskro čavo Ismael, koleskri day i Hagar dran o them Egiptia his, kova sanas pral o Isaak. Oun i Sara dikas kova.

2. Rajengro liil 2:11

Oun har yon yaake djan oun khetne rakran, koy vas i yagakro vourdin i grayentsa dran yag oun djas mank lende. Oun i phourdepen hidjras o Eliya an o bolepen.

2. Rajengro liil 2:2

Oun o Eliya penas ap o Elisa: “Ač tou kay, o baro Devel bičras man an o foro Betel.” O Elisa penas: “Me dau man sovel pash o djido Debleste. Yaake har čačo hi, kay tou djiveh, me moukau tout gar kokres.” Oun har yon an Betel van,

2. Rajengro liil 2:22

Yaake vas ko pani djoudjo bis kava dives, yaake har o Elisa kova penas.

2. Familjakro liil 36:16

Yon sanan o Debleskre bičepangren vin. Oun leskre laba his lenge či moldo, oun yon rikran o Debleskre rakepangre dineleske. Doleske vas o baro Debleskri rholi yaake phares pral peskre menshende, te nay van le gar vin lino koy dran.

Hiob 19:18

Ninna i čavenge hom či moldo. Te kamau me pre te stell, sanenn le pral mande.

Hiob 30:1

Kanna sanenn le pral mande, kolla, kay terneder hi har me, kolengre dada an mire yaka gar doha moldo his, te denn le yak ap mire bakre khetne mire djouklentsa.

Debleskri gili 31:17

Dik lačes ap mande! Me hom tiro boudepaskro! Ab kamles mange oun tserde man dran lengre vasta vin!

Debleskri gili 31:18

Baro Devel, mouk man gar čičeske gole te dell ap toute! Kre, te ladjenn pen i čilače! Yon mou djan tele oun merenn! Palle nay rakrenn le bouder gar,

Debleskri gili 35:15

Hi vavarčandes lentsa. Har me perom, stan le i barhtyatar, oun čivan pen khetne, te djan le ap mande pre. Depangre van, kay prindjrom gar, oun dan man dava oun moukan gar tele.

Gosewe laba 20:11

An kova, hoy i tikno čavo krell, moukell pes te dikell, har yob vella: i morsh, kay djivell i djoudjo djipen oun djal o čačo drom oder gar.

Gosewe laba 22:15

Tikne čave krenn dinelo koova. Te rhan le dava, krenn le kova bouder gar.

Gosewe laba 22:6

Sike i tikno čaves peskro drom, palle djal yob gar kolestar krik, ninna te vell lo phouro.

Sikepaskro 11:10

Dja koleske dran o drom, hoy anell touke rholi oun douka. Ko tsiro, kay hal i čavo oun i terno morsh, hi sik trouyel.

Jesaja 1:4

T'menge djal djoungelo, t'mer čilače menshe, kay anan yaake boud doosh ap t'mende! T'mer han bede, čave, kay molenn či! T'mer moukan o baro Debles, kamenn či bouder te djinell o Israeleskro Deblestar, kay kokres o Devel hi, oun sikran leske t'maro doumo.

Jesaja 3:5

Oun an o them djal hakeno ap o vavareste oun dell les pral o kand: o terno o phoures, o či-moldo o an-dikles.

Jeremia 20:7

Baro Devel, tou rakral yaake rah ap mande dren bis te krom, hoy tou kamal. Tou hal zorleder har me. Kanna vom lenge sapaske, oun hakeno sal man vin.

Jeremia 20:8

Hako kopo, te rakrau, hoy tou mange penal, hounte dap gole: Marepen oun doukepen! Doleske san le pral mande hako dives oun taprenn pen ap o shero.

Jeremia 7:18

Kol čave rodenn kasht, kol dada krenn yag, i djouvya krenn merklia koy bolepaskri rayetsake. Oun kol vavar deblenge anenn yon pipaske, te rhoyrap me man koy pral.

Hosea 10:15

Yaake djal t'menge an o foro Betel ninna. Kova vell dran t'maro baro čilačepen! Te djal o kham pre ap ko dives, hi trouyel o baro rayeske dran Israel.

Hosea 10:5

I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Hosea 4:15

Israel, ninna te kameh tou tout trouyel te loubrell, kamau gar, te krenn i menshe an o them Youda sau koova har tou, oun anenn doosh ap pende. Ma djan an i forya Gilgal oun Bet-Aven, te mangenn kote i rhorhene deblen an! Oun ma denn t'men kote sovel oun penenn “Me dau man sovel pash o djido Debleste.”

3. Mose 13:40

Te perenn yekeske i balla ap o shero vin, palla oder glan, hi lo doleske gar pale-čiddo.

Amos 3:14

Ap ko dives, kay dau i Israelenge i phagi lengro čilačepaske, dau me i rhačepangre an Betel paash. Lengre shinga venn tele phagedo, oun perenn ap i phoub.

Amos 4:4

T'mer djan pash o Debleskro kheer an o foro Betel, oun hadenn t'men pral o Debleste! T'mer djan an o Debleskro kheer an o foro Gilgal, oun hadenn t'men ninna boudeder pral o Debleste! Krenn doureder yaake: Taysarla marenn firhen o Debleske, oun o vavar dives anenn leske o deshto kotar kolestar, hoy dren anan!

Amos 5:5

Ma djan an Betel, vitar gar an Gilgal! Ma krenn t'men ap o drom an Beersheba! Me penau t'menge: I menshe an Gilgal venn pandles krik anlo. O foro Betel, hoy kharell Debleskro kheer, vell i foro, kay i benga khere hi.

Amos 7:13

Kate an Betel mangell o baro ray o Debles an, kate hi leskro kheer. Doleske nay rakreh tou gar pale kate an o Debleskro lab.”

Galatarja 4:29

An ko phouro tsiro his yaake: Ko čavo, kay vas boldo, har i menshe kova kaman, kova las koles palla, kay vas boldo dran o Debleskri zoor. Kova hi kava dives ninna yaake.

Hebrearja 11:36

Vavar van praasedo, oun van i čoupniyah dino. Vavar van i sasterne shellentsa pandlo, oun an o stilepen vitsedo.