2. Rajengro liil 2:14 - O Debleskro Lab 2024 (Sinte-Manouche)

¹⁴ oun las koy plaashka, das ap o pani oun penas: “Kay hi kanna o baro Devel, ko Devel, koleske o Eliya boudras?” Oun das ap o pani. Koy djas o pani ap douy rigya, oun o Elisa djas ap i vavar rig.

O Debleskro Drom 2021 (Sinte)

¹⁴ un las koi plaashka, das ap o pani un penas: “Kai hi kanna o baro Dewel, ko Dewel, koleske o Elija budras?” Un das ap o pani. Koi djas o pani ap dui rigja, un o Elisa djas ap i wawar rig.

2. Rajengro liil 2:14 ပူးပေါင်းရင်းမြစ်များ

2. Rajengro liil 2:13

oun hadas o Eliyeskri plaashka pre, hoy peras lestar tele, djas pale pale pash o Yordan,

2. Rajengro liil 4:29

O Elisa penas ap o Gehasi: “Čip tiro pereskri dori troul toute, oun le miro lengsto kasht an tiro vast, oun dja an Shounem! Te tapreh yekes ap o drom, ač gar tardo, te rakress leha! Oun te kamell yek touha te rakrell, le touke kek tsiro leske! Oun čip miro lengsto kasht ap ko čaveskro mouy!”

Debleskri gili 115:2

Hoske penenn i vavar menshe: “Kay hi lengro Devel?”

Debleskri gili 42:10

Me penau ap miro Debleste, kay hi mange har i zorelo kheer, kay nay khatrau man: Hoske bistral tou man? Hoske hounte rovap me? Kolla djan ap mande, kay mange o djipen phares krenna.

Debleskri gili 42:2

Har i vesheskri bouzyat bari troush hi pal shila pani, yaake nashell miro dji pal toute miro Devel.

2. Mose 14:22

Koy djan i tsele Israelitarya mashkral o baro pani ap i drom, hoy gar sapenes hi. Oun o pani his tardo ap i čači rig, ninna ap i servi rig lendar, har bare barra troul i foro tardo hi.

Jeremia 2:6

Oun poučan pen gar: Kay hi o baro Devel, kay anas men dran o them Egiptia vin, oun djas glan mende an o moulo tato them, an ko divyo oun trouk them, kay či har santa oun barra hi, kay kek drom hi, oun kek mensho djivell?

Joel 2:17

Penenn i rashayenge, kay boudrenn o baro Debleske, te rovenn le ap i platsa mank o Debleskro kheer oun leskri rhačepaskri, oun penenn: Baro Devel, kre tiro dji pre tire menshenge! Ma mouk i menshen dran vavar themma men te praasell oun sanell pral mende. Hoske te penenn le: Kay hi lengro Devel?

Markus 16:20

Oun yon djan, te penenn le i menshenge o lačo lab o Yezous Kristestar an hake gaba oun forya. Oun o ray Yezous his pash lende peskri zoryah, oun kras baro koova, kay nay krell kek mensho. Oun yaake dikan i menshe, kay leskro lab čačo hi.

Johanni 14:12

Čačepah, me penau t'menge: Koon ap mande patsella, krell ninna kova, hoy me krau. Oun yob krell bareder koova har me, kanna, kay djau me pash o dadeste.

Bičepangre 2:33

Oun o Devel kras les ray pral halauter, oun čivas o Debleskro Dourho ap leste, yaake har yob penas. Oun ko Debleskro Dourhes čivas o Yezous ninna ap mende. Kava shounenn oun dikenn t'mer kate.

Čačepangre 6:13

Oun o Gideon poučas lestar: “Mangau tout, miro ray! Te hi o baro Devel mentsa, hoske vas kay tseli bibarht ap mende? Oun kay hi ko tselo baro koova, hoy o baro Devel kras, kolestar menge mare phoure rakran oun penan: O baro Devel anas men dran o them Egiptia. Kanna moukas men o baro Devel oun das men an o vast kolendar dran o them Midian.”