2. Rajengro liil 2:12 - O Debleskro Lab 2024 (Sinte-Manouche)

¹² O Elisa dikas kova oun das gole: “Miro dad, miro dad, tou baro kourepaskro i Israelenge!” Oun dikas les gar bouder. Koy tapras yob peskre koola oun phagas len an douy kotya,

O Debleskro Drom 2021 (Sinte)

¹² O Elisa dikas kowa un das gole: “Miro dad, miro dad, tu baro kurepaskro i Israelenge!” Un dikas les gar buder. Koi tapras job peskre koola un phagas len an dui kotja,

2. Rajengro liil 2:12 ပူးပေါင်းရင်းမြစ်များ

1. Mose 37:34

Oun o Yakob kras peskre ripya paash i doukatar. Oun čivas i gono troul peste oun rovas i rah tsiro pral peskro čaveste.

1. Mose 5:24

Oun o Henok djivas o Debleha. Palle his yob bouder gar koy. O Devel las les krik.

2. Rajengro liil 13:14

Har o Elisa an i nasslepen čiddo his, ap kova lo ninna hounte meras, vas o Yoash, ko baro ray pral o them Israel, pash leste tele, oun rovas glan leste oun penas: “Miro dad, miro dad! Tou baro kourepaskro i Israelenge!”

2. Rajengro liil 2:13

oun hadas o Eliyeskri plaashka pre, hoy peras lestar tele, djas pale pale pash o Yordan,

2. Rajengro liil 5:13

Koy djan leskre boudepangre pash leste, rakran leha oun penan: “Maro ray, te penals ko Debleskro rakepaskro, te kress čomone, hoy pharo hi, krals tou kova gar? Kanna mangas lo toutar i tikno koova, har penas lo: Dja an ko pani oun thob tout, oun tou veh sasto. Hoske kameh kova gar te krell?”

2. Rajengro liil 6:21

Oun har ko baro ray pral Israel len dikas, penas yob ap o Elisa: “Tata, krap me len moulo? Kameh, te dap len moulo?”

Hiob 22:30

Ninna koles, kay doosh ap peste hi, lell lo dran o merepen vin, dran kova, kay tou kek čilačepen kreh.

Gosewe laba 11:11

O Debleskre menshe anenn o Debleskri barht pral o foro. Oun o foro vell zorelo. Dran o mouy i čilačendar vell sau rakepen, hoy phagell o foro tele.

Gosewe laba 30:4

Koon djas pre an o bolepen oun pale tele? Koon las o phourdepen an peskre vasta? Koon pandas i tsele panya an i baya? Koon penas, har dour i phoub te djal? Har kharell lo? Har kharell leskro čavo? Djineh tou kova?

Sikepaskro 7:19

Leskro gosvepen krell o goseves zorleder har deesh zorele pralstoune, kay an o foro garda denna.

Jesaja 37:15

oun mangas o baro Debles oun penas:

Jesaja 37:21

Kote bičras o Yesaya, koleskro dad o Amoz hi, yekes pash o Hiskiya, oun moukas leske te penell: Kava penell o baro Devel, kay o Israeleskro Devel hi: Hoy tou ap mande rakral pral o Sanherib, ko rayeste pral o them Assour, oun mandar mangal, kova shounom me.

Jesaja 37:4

O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

Markus 16:19

Har o ray Yezous yaake lentsa rakras, vas lo pral an o bolepen hadedo, oun beshas pes ap o Debleskri čači rig.

Louka 2:15

Oun palle djan i tsele Debleskre bolepangre pale an o bolepen. Oun i bakrengre penan yek ap o vavareste: “Avenn, djas an o foro Betlehem, te dikas, hoy o Devel menge penas!”

Louka 24:51

Oun har yob yaake rakras, djas lo lendar oun vas pral an o bolepen hadedo.

Johanni 3:13

Me, o Mensheskro Čavo kokres, nay penau, hoy an o bolepen hi. Me vom dran o bolepen.

Bičepangre 1:9

Har yob kova penas, vas yob glan lengre yaka an o bolepen hadedo, oun i folka las les pre.

Bičepangre 27:24

Kova penas ap mande: Ma traash, Paulo! Tou hounte vess glan o baro rayeste an o foro Rom anlo. O Devel shounas tout: Kek ap kava shiffo merella.

Bičepangre 8:2

Oun morsha, hoy ap o Debleskro drom djan, paskran o Stefanes oun rovan boud pral leskro merepen.

2. Korintarja 5:2

Kate ap kay phoub hi menge ropaske, oun mer kamah o tselo djiyestar, te las ko nevo bolepaskro troupo ap mende.

2. Korintarja 5:4

Yaake rah, har djivah ap kay phoub, hi menge ropaske oun men hi douka. Mer kamah ko phouro troupo gar tele te čivell, kamah boudeder ko nevo troupo an-rivell, hoy bouder gar merella.

Efesarja 4:8

Doleske hi an o Debleskro lab činlo: Har yob pre an o bolepen djas, las lo kolen peha, kay leskro van, oun das len i boudi o Debleske te krell.

Debleskro tsiro 11:12

Oun kol douy shounan i zorelo rakepen dran o bolepen, hoy ap lende penas: “Avenn kate pre!” Oun yon djan an o bolepen pre. Oun lauter kolla, hoy rhoyedo ap lende his, dikan kova.

Čačepangre 17:10

Koy penas o Mika ap leste: “Ač pash mande, oun ab miro rashay oun pen mange, hoy o Devel mandar kamell. Oun me dau tout koleske an o bersh deesh roupene love, ninna kova, hoy an-ripaske tout hounte vell, oun rhapen oun pipen.”