2. Rajengro liil 19:6 - O Debleskro Lab 2024 (Sinte-Manouche)

⁶ moukas lo lenge te penell: “Penenn t'maro rayeske: Yaake rakras o baro Devel: Tou shounal kol laba, kolentsa man i bičepangre o baro rayestar dran o them Assour praasan. Ma traash glan kova, hoy yon penan!

O Debleskro Drom 2021 (Sinte)

⁶ mukas lo lenge te penell: “Penenn tumaro rajeske: Jaake rakras o baro Dewel: ‘Tu shunal kol laba, kolentsa man i bitchepangre o baro rajestar dran o them Assur praassan. Ma traash glan kowa, hoi jon penan!

2. Rajengro liil 19:6 ပူးပေါင်းရင်းမြစ်များ

2. Rajengro liil 18:17

Oun o baro ray pral o them Assour bičras peskre triin pralstoune morshen pash o Hiskiya: o Tartan, o Rabsaris oun o Rabshake. Kolla djan boud lourdentsa dran o foro Lakish pre an o foro Yerusalem. Oun har le koy van, ačan le pral tardo pash o panyeskro drom, kay nashell o pani an o foro Yerusalem. Kova hi pash koy platsa, kay i djouvya pengre koola thovenna.

2. Rajengro liil 18:30

Ma moukenn t'men dren te rakrell, te dikenn ap o baro Debleste! Te penell o Hiskiya t'menge: O baro Devel kourell pes menge oun tserdell men kote vin, oun kava foro vell gar dino an o vast o baro rayestar pral o them Assour, ma patsenn kova!

2. Rajengro liil 18:35

Kay hi yek devel mank i tsele debla an i vavar themma, kay peskro them dran mire vasta nay vin tserdell? Patsenn čačepah, te nay tserdell kokres o baro Devel o foro Yerusalem vin dran miro vast?”

2. Rajengro liil 19:22

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

2. Rajengro liil 19:5

Har shounas o Yesaya i laba kol bare morshendar, kolen o Hiskiya bičras,

2. Rajengro liil 6:16

O Elisa penas: “Ma traash! Ap mari rig hi boudeder lourde har ap lengri rig.”

2. Familjakro liil 20:15

Oun o Yaziel penas: “Shounenn mishto, menshale dran o them Youda oun dran o foro Yerusalem, oun tou, baro ray Yosafat! Kava penell o baro Devel t'menge: Ma darenn, oun denn gar tiknes palla glan kol boud lourdende, kolen t'mer dikenna! Kava kourepen hi gar t'maro kourepen, o Debleskro kourepen hi.

2. Familjakro liil 20:17

Gar t'mer hounte kourenn t'men kote. Ačenn glan lende tardo! Ačenn kote oun dikenn, har me, o baro Devel, t'men dran lengro vast vin lau. Me hom pash t'mende, t'mer menshe dran Youda oun Yerusalem. Ma darenn! Trashenn či! Taysar djan pash lende! O baro Devel hi t'mentsa.”

Debleskri gili 74:18

Kanna, baro Devel, mouk touke an o shero te vell, har praasenn tout kolla, kay hadan pen pral toute. Dik, har dinele menshe tiro lab an i čik tserdenna.

Debleskri gili 74:23

Ma biste gar koy bari gole kolendar, kay hadan pen pral toute! Shoun, har divyo yon hi! Lengri gole vell bareder oun bareder.

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

Jesaja 10:24

Doleske penell o baro Devel, ko ray pral o bolepen oun i phoub, ap peskre menshende, kay ap i berga Sion djivenn: Ma darenn i lourdendar dran o them Assour, ninna te denn le t'men pengre kashtentsa oun hadenn len pre, te denn le t'men trad, yaake har kova i Egiptarya ninna kran.

Jesaja 51:7

Shounenn, hoy penau, t'mer, kay prindjrenn o čačepen, t'mer menshe, kay kamenn miro drom te djal. Ma darenn glan ko praasepen, koleha i menshe t'men praasenn! Ma darenn glan lengro baro mouy!

Jeremia 42:9

oun penas ap lende: Kova penell o baro Devel, kay o Israeleskro Devel hi, pash koleste t'mer man bičran, te anap t'maro mangepen glan leste:

Ropaskre gilja 3:57

Har kharom tout golyah, val tou pash mande, oun penal: “Ma traash bouder gar!”

3. Mose 26:8

Panč t'mendar lenn i sheel lourdenge palla, oun i sheel t'mendar nashenn 10.000 (deesh-zerya) lourdenge palla, te denn le len moulo. Kolla, kay kamenn t'men te marell, venn t'mendar o rhareha moulo dino.

5. Mose 20:1

Te djan t'mer vin an o kourepen, te kourenn t'men kolentsa, kay kamenn t'men gar an o them, oun t'mer dikenn lengre graya oun kourepaskre vourdya oun lengre lourden, kay hi boud boudeder har t'mer, palle ma darenn lendar! T'maro baro Devel hi t'mentsa, kova kay t'men dran o them Egiptia vin anas.

Josua 11:6

Kote penas o baro Devel ap o Yosua: “Ma dare gar lendar! Taysar kava tsireske dan t'mer len halauter moulo. Oun kova krau me t'menge. Palle činenn lengre grayen an i herya yaake te nay nashenn le bouder gar! Oun lengre vourdya rhačrenn pre!”

Debleskro tsiro 13:6

Oun yob praasas o Debles, oun rakras djoungeles pral leskro lab oun leskro kheer. Ninna kolen, kay an o bolepen djivenna, praasas lo.