2. Rajengro liil 19:4 - O Debleskro Lab 2024 (Sinte-Manouche)

⁴ O baro ray pral o them Assour bičras peskro pralstounes, te praasell lo o djido Debles. Har kamoms, te shounell o baro Devel, tiro Devel, kol tsele laba, hoy ko morsh penas, oun dell les i phagi! Mange o Deblestar kol menshenge, kay pral ačan leskre menshendar, te rikrell lo peskro vast pral lende!”

O Debleskro Drom 2021 (Sinte)

⁴ O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!’”

2. Rajengro liil 19:4 ပူးပေါင်းရင်းမြစ်များ

1. Mose 22:14

O Abraham das koy platsa ko lab O baro Devel dikella. Yaake vell bis kay dives penlo: Ap koy berga, kay o baro Devel dikella.

2. Samuel 16:12

Nay vell, kay o baro Devel dikell miri bibarht, oun krell lačepen dran ko praasepen.”

2. Rajengro liil 18:13

O Hiskiya his an o 14. (deesh-te-starto) bersh baro ray pral o them Youda, koy djas o baro ray pral o them Assour, o Sanherib, an o them Youda oun las i tsele zorele forya peske dren. Kote bičras o Hiskiya morshen pash o baro rayeste pral o them Assour. Kova his an o foro Lakish, oun moukas leske te penell: “Me anom doosh pral mande. Dja mandar krik! Hoy tou mandar kameh, ko kamau te playsrell.” Kote mangas o Sanherib lestar triin-sheel centnarya roup oun triyanda centnarya sonakay.

2. Rajengro liil 19:16

Baro Devel, dik, hoy menge djala, oun shoun, har o Sanherib tout, o djido Debles, praasell.

2. Rajengro liil 19:22

Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

2. Rajengro liil 19:23

Tire bičepangren bičral, te praasenn le man, oun penal: “Pral ap i berge mire vourdyentsa djom, oun dour dren an o Libanon vom. I bare oun shoukar rouka trouyel dom, oun an o divyo veesh lengro khatepen hatsom.

2. Rajengro liil 19:3

Oun yon hounte penan leske: “Kava penell o Hiskiya: Kava dives hi i dives pherdi traash, phagi oun ladj. Hi yaake har penlo vell: O ternepen kamell ap kay phoub te vell, oun i dat hi kek zoor, te anell li les vin.

2. Rajengro liil 19:30

Oun kol menshe, kay pral ačan dran o kheer Youda, venna pale har i zorelo rouk, koleskre draba dour an i phoub djan oun ap koleskre kashta roukengre bares venna.

2. Rajengro liil 19:31

Ava, dran o foro Yerusalem venna pale menshe, kay kolendar venna, kay djido ačan. Oun ap i berga Sion djivenn kolla, kay vin lino van dran o merepen. Yob, o baro Devel, ko ray pral o bolepen oun i phoub, hi, kay kova krell.

2. Rajengro liil 19:5

Har shounas o Yesaya i laba kol bare morshendar, kolen o Hiskiya bičras,

2. Familjakro liil 32:20

Oun o baro ray, o Hiskiya, oun o Debleskro rakepaskro, o Yesaya, koleskro dad o Amoz his, dan gole ap o baro Debleste an o bolepen, te vell lo lenge ap i rig.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 50:21

Kova kral tou, oun me penom kek lab. Koy rikral tou man har yek, kay hi yaake har tou. Me sikrau tout koy doosh, hoy anal ap toute, oun anau touke tiro čilačo koova glan tire yaka.

Debleskri gili 74:18

Kanna, baro Devel, mouk touke an o shero te vell, har praasenn tout kolla, kay hadan pen pral toute. Dik, har dinele menshe tiro lab an i čik tserdenna.

Jesaja 1:9

Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.

Jesaja 10:6

Me bičrom len pash kol menshende, kay kamenn mandar či te djinell, oun ap kolende rhoyedo hom, te djan le ap lende pre, oun randenn len vin oun čorenn len vin, oun stakrenn len khetne har i čik ap o drom.

Jeremia 23:36

Ma penenn bouder: Man hi i lab o baro Deblestar, hoy phares ap mande čiddo hi. Kova, hoy hi phares čiddo ap i mensheste, vell i menshendar oun gar o baro Deblestar. Ma krenn savo koova i labentsa o djido Deblestar! Yob hi o ray pral o bolepen oun i phoub, oun maro Devel.

Jeremia 33:3

Khare man, palle kamau touha te rakrell, oun kamau touke baro koova te sikrell, hoy tou gar hayveh, oun kolestar či djinal.

Jeremia 42:9

oun penas ap lende: Kova penell o baro Devel, kay o Israeleskro Devel hi, pash koleste t'mer man bičran, te anap t'maro mangepen glan leste:

Ezekiel 36:37

Kava penell o baro Devel, maro ray: Ninna kova krau i menshenge dran o kheer Israel: Te mangenn le mandar, moukau lendar yaake boud te vell, har hi len bakre.

Remarja 11:5

Yaake djal ninna kanna an kava tsiro. Hi menshe koy, kay o Debleske pral ačan. Kolen rodas o Devel vin dran peskro kamlepen.

Remarja 9:27

Pral i Israelitarya rakras o Debleskro rakepaskro, o Yesaya, kol laba: Ninna te vans i Israelitarya yaake boud har i tikne barra pash o baro pani, kol boudendar ačella yek vast pherdo pral, oun vell dran o Debleskri rholi vin.

5. Mose 32:36

Čačepah o baro Devel dell peskre menshende lengro čačepen. Te dikell lo, har leskre boudepangre nashran pengri zoor, khaytenn le les. Te dikell lo, har kek ap lengri rig hi, krell yob peskro dji lenge pre.

Josua 14:12

Oun kanna de man kol berge, kolendar o baro Devel an ko dives rakras! Tou shounal an ko dives, te djivenn kol Anakarya koy an bare zorele forya. Te hi o baro Devel mantsa, palle nay tradap len vin, har o baro Devel kova penas.”

Josua 3:10

Ap kava dikenn, te hi o djido Devel mashkral t'mende, oun te tradell lo glan t'mende i Kanaanitarya vin, ninna i Hetarya, i Hivarya, i Perisarya, i Girgasharya, i Amorarya oun i Yebousarya.

1. Samuel 14:6

Oun o Yonatan penas ap ko terno morsheste, kay leskro kourepaskro koova hidjrell: “Ab, mer djas pash kol rhalende, kay koy vergel yak denn. Nay hi, te vell o baro Devel menge ap i rig. Te krell lo kova, hi yek, kitse mer ham, boud oder gar boud.”

1. Samuel 17:10

Oun ko Filistari penas: “Kava dives praasom i kourepangre dran o Israel, har lenge penom: Denn man yek morshes t'mendar, kay pes mantsa kourella!”

1. Samuel 17:26

Kote penas o David ap kol morshende, kay koy tardo his: “Hoy lell kova, kay ko morshes kote marella oun i ladj i Israelendar pale krik lella? Hoy patsell ko Filistari, koon yob hi? Yob hi gar činlo ap peskro mass, oun patsell, te nay praasell lo i lourden ko djido Deblestar!”

1. Samuel 17:45

O David penas: “Tou veh pash mande i rhareha, i lengsto čouryeha oun i vitsepaskro čouryeha. Me vau pash toute an o lab o baro Deblestar, ko rayestar pral o bolepen oun i phoub, kay o Devel pral i Israeleskre lourdende hi, kones tou praasal.