2. Rajengro liil 19:29 - O Debleskro Lab 2024 (Sinte-Manouche)

²⁹ Oun touke, Hiskiya, mou vell kova i sikepen: An kava bersh rhan t'mer, hoy pestar kokres bares vella, ninna an o vavar bersh. Oun an o triinto bersh nay čivenn pale djob an i phoub oun anenn djob dren, oun čivenn drakengre rouka an i phoub oun rhan t'menge i drake, hoy ap lende bares venna.

O Debleskro Drom 2021 (Sinte)

²⁹ Un tuke, Hiskija, mu well kowa i sikepen: An kau bersh chan tumer, hoi pestar kokres bares wella, ninna an o wawar bersh. Un an o triinto bersh nai tchiwenn pale djob an i phub un anenn djob dren, un tchiwenn drakengre ruka an i phub un chan tumenge i drake, hoi ap lende bares wenna.

2. Rajengro liil 19:29 ပူးပေါင်းရင်းမြစ်များ

2. Rajengro liil 19:21

Kava hi ko lab, hoy o baro Devel ap leste penell: Dik, har o foro Sion pral toute sal! An leskre yaka či-moldo hal. Har i terni čay o Yerusalem hi, oun kamell te djinell toutar či.

Debleskri gili 107:37

oun čivan djob an i phoub, ninna drakengre rouka, oun anan boud rhapen dren.

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

Jesaja 37:30

Oun touke, Hiskiya, mou vell kova i sikepen: An kava bersh rhan t'mer, hoy pestar kokres bares vella, ninna an o vavar bersh. Oun an o triinto bersh nay čivenn pale djob an i phoub oun anenn djob dren, oun čivenn drakengre rouka an i phoub, oun rhan t'menge i drake, hoy ap lende bares venna.

Hosea 1:7

I menshenge dran o kheer Youda krau miro dji pre. Me, o baro Devel, hom lengro Devel, oun vau lenge ap i rig. Kova krau gar o bogeha, o rhareha, oun o kourepaskro koova, vitar gar i grayentsa oun i kourepangre vourdyentsa.

3. Mose 25:6

Hakeno t'mendar nay lell khetne, hoy lo hatsell ap o them: t'mer oun t'mare boudepangre, morsha har djouvya, ninna kolla, kay boudrenn hako kopo yek dives pash t'mende, oun kolla, kay yek tsiro pash t'mende djivenn.

Louka 2:12

Oun ap kova dikenn t'mer, koon o ternepen hi: Yob hi pandlo an i pherne, oun kote dren čiddo, kay o rhapen i firhenge dren čiddo vella.”

1. Samuel 2:34

Me dau tout i sikepen: Tire douy čave, o Hofni oun o Pinhas, merenna ap yek dives. Te vell kova, dikeh, kay ko vavar koova ninna čačo hi.