2. Rajengro liil 19:15 - O Debleskro Lab 2024 (Sinte-Manouche)

¹⁵ oun mangas o baro Debles oun penas: “Baro Devel, kay hal o Israeleskro Devel, tou hal pral i bolepangre beshdo. Tou kokres hal o Devel pral i tsele themma ap kay phoub. Tou hal, kay kral o bolepen oun i phoub.

O Debleskro Drom 2021 (Sinte)

¹⁵ un mangas o baro Debles un penas: “Baro Dewel, kai hal o Israeleskro Dewel, tu hal pral i bolepangre beshdo. Tu kokres hal o Dewel pral i tsele themma ap kai phub. Tu hal, kai kral o bolepen un i phub.

2. Rajengro liil 19:15 ပူးပေါင်းရင်းမြစ်များ

1. Mose 1:1

Glan i rah rah tsiro kras o Devel o bolepen oun i phoub.

1. Mose 2:4

Kova hi ko liil, kay činlo hi, har o bolepen oun i phoub kerdo van.

1. Mose 32:28

Koy poučas lestar ko morsh: “Har khareh tou?” “Yakob”, penas yob.

1. Mose 33:20

Kote kras o Yakob i rhačepaskri o Debleske, te venn firhe leske rhačedo, oun das koy rhačepaskri ko lab O Devel hi o Israeleskro Devel.

1. Rajengro liil 18:39

Har i tsele menshe kova dikan, peran le ap pengre mouya oun dan gole: “O baro Devel, yob hi o Devel! O baro Devel, yob hi o Devel!”

1. Rajengro liil 8:23

oun penas: Baro Devel, tou o Devel pral o Israel, kek devel hi har tou pral an o bolepen, vitar gar tele ap i phoub. Tou rikreh tiro lab, hoy tire menshende dal, oun hal lenge lačes, kolenge, kay djivenn glan toute pengro tselo djiyeha.

2. Rajengro liil 19:19

Kanna, maro baro Devel, le men vin dran o vast o baro rayestar pral o them Assour, te nay dikenn oun hayvenn i menshe an i tsele themma ap kay phoub, kay tou, baro Devel, kokres o Devel hal.”

2. Rajengro liil 5:15

Oun yob djas pale pash ko Debleskro morsheste lauterentsa, kay pash leste hi, djas glan leste oun penas: “Kanna djinau me, kay hi kek Devel ap i tseli phoub, kokres an Israel. Kanna le čomone mandar, te parkrap man pash toute.”

1. Familjakro liil 13:6

Oun o David djas i tsele Israelentsa pral an o foro Baala. Kava hi i vavar lab o foreske Kiryat-Yearim, oun hi an o them Youda čiddo. Kote his o morhton tardo o baro Deblestar, kay beshdo hi pral i bolepangre, kay kharenna Keroubim, oun kay vell yob an-mangedo.

1. Familjakro liil 4:10

Oun o Yabez das gole ap o Israeleskro Debleste oun penas: Čip tiri barht ap mande, oun kre miro them bareder har lo kanna hi. Ab mantsa, oun rike tiro vast pral mande, te vell nay kek douk pral mande! Oun o Devel moukas te vell, hoy yob poučas peske lestar.

2. Familjakro liil 14:11

Oun o baro Devel das i Kousharya glan o Asa oun i menshende dran Youda yaake, kay yon nashan penge an i daar.

2. Familjakro liil 20:6

Oun yob penas: “Baro Devel, tou Devel mare phourendar, tou hal o Devel an o bolepen oun o ray pral i tsele raya oun lengre themma ap kay phoub. Oun an tiro vast hi i zoor oun o penepaske pral halauter, oun kote hi kek, kay nay vell zorleder har tou.

2. Familjakro liil 32:20

Oun o baro ray, o Hiskiya, oun o Debleskro rakepaskro, o Yesaya, koleskro dad o Amoz his, dan gole ap o baro Debleste an o bolepen, te vell lo lenge ap i rig.

Nehemia 9:6

Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.

Debleskri gili 102:25

Me penom: Mo Devel, le man gar krik ap o paash drom miro djipastar! Tiro djipen herell gar pre, an kek tsiro.

Debleskri gili 102:26

Tou kral i phoub glan rah tsirya, oun tire vasta kran o bolepen.

Debleskri gili 146:6

Yob hi o Devel, kay o bolepen oun i phoub kras, oun o baro pani, oun kova, hoy dren hi. Yob hi kova, kay hako tsiro peskro lab rikrell,

Debleskri gili 33:9

Yob te rakrell, palle vell, hoy yob penas, yaake har lo kova penas, yaake hi kova koy tardo.

Debleskri gili 80:1

I gili o rayeske pral i gipangre, te givell pash o bashepen ap i shob-doryengri bashepaskri. Kay gili kras o Asaf.

Debleskri gili 80:2

Shoun ap mende, tou, kay deh yak ap i Israelende. Har i bakrengro yak dell ap peskre bakre, deh tou yak ap o Yosefeskre čavende. Tou, kay hal beshdo pral i keroubim, ab, oun sike tout

Debleskri gili 99:1

O baro Devel hi o baro ray. Yob hi beshdo pral i Keroubim. Lestar darella i phoub, oun hake themma trissenna.

2. Mose 25:22

Kote kamau pash toute te vell. Mashkral kol douy bolepangre, hoy ap o morhton hi, kay i deesh laba dren hi, kotar rakrau touha oun penau touke lauter, hoy i Israelitarya hounte krenn.

Jesaja 37:14

I bičepangre dan ko liil o Hiskiya. Har yob les draveras, djas lo pral an o baro Debleskro kheer oun čivas ko liil glan o baro Debleste ap i phoub,

Jesaja 41:17

Kolla, kay čorvele hi, oun kolen gar doha hi djipaske, rodenn pal pani, oun dell kek. Oun len hi bari troush. Me, o baro Devel, shounau ap lende, me, o Israeleskro Devel, moukau len gar.

Jesaja 43:10

O baro Devel penell: Mire menshe, t'mer han kolla, kay djinenn, hoy me krom; oun t'mer han kolla, kay mange vi-rodom, te venn mange koy. Kanna djinenn t'mer oun patsenn oun hayvenn, te hom me o čačo Devel. Glan mande vas kek vavar devel, oun pal mande vell vitar kek vavar devel.

Jesaja 44:6

O baro Devel, ko ray pral o Israel, kay ginas les vin dran i čilače vasta, – yob, kay hi o ray pral o bolepen oun i phoub, penell: Me hom o glanstouno oun me hom o palstouno, oun dell kek vavar debles har man kokres.

Jesaja 44:8

Ma darenn, mire menshe! Ma trashenn! Moukom me kova t'men gar te shounell oun penom les t'menge gar glan i rah tsiro? Oun t'mer shounan oun dikan les. Dell i vavar debles har man kokres? Dell i vavar zorelo debles, koles gar prindjrau?

Jesaja 45:22

T'mer menshe ap i tseli phoub, avenn pash mande! Oun me lau t'men dran o čilačepen vin. Me hom o Devel oun dell kek vavar har man!

Jeremia 32:17

Baro Devel, miro ray, tou kral o bolepen oun i phoub dran tiri bari zoor oun tiro zorelo vasteha. Oun či hi koy, hoy nay kreh gar.

1. Samuel 4:4

Oun yon bičran morshen an Shilo, oun moukan ko morhton pash pende te anell, an koleste i deesh laba hi o baro Deblestar, kay hi o ray pral o bolepen oun i phoub, oun hi beshdo pral i bolepangre. Oun kol douy čave o Elyestar, o Hofni oun o Pinhas djan o morhtoneha.