2. Rajengro liil 18:8 - O Debleskro Lab 2024 (Sinte-Manouche)

⁸ O Hiskiya kouras pes ninna i menshentsa dran o them Filistia oun las len palla bis pash Gaza oun ko them trouyel. Oun las i tikne gaba oun i zorele forya dren.

O Debleskro Drom 2021 (Sinte)

⁸ O Hiskija kuras pes ninna i menshentsa dran o them Filistia un las len palla bis pash Gaza un ko them trujel. Un las i tikne gaba un i sorele forja dren.

2. Rajengro liil 18:8 ပူးပေါင်းရင်းမြစ်များ

1. Rajengro liil 5:4

Oun les his penepaske pral i tsele themma, kay hi ap koy rig o panyestar Eufrat, kay o kham tele djal, o forestar Tifsa bis pash o foro Gaza. Yob his o baro ray pral i tsele raya kal themendar. Oun les his kek kourepen kol tsele thementsa, kay troul leste his.

2. Rajengro liil 17:9

Oun i Israelitarya kran kova khatedes, hoy gar čačo his glan o baro Debleskre yaka, kay lengro Devel hi. Oun yon kran penge moulne platse an hake gaba oun forya, tikne oun save bare, kay zorele massurya troul lende hi.

1. Familjakro liil 4:41

Oun an ko tsiro, kay o Hiskiya o baro ray pral Youda his, van kolla, kay o labeha pre činlo his, oun djan ap kol menshende Ham pre, kay kote an pengre plarhtene khera djivan, oun ninna pral i Meounarya, kay kote djivan. Oun yon maran len lauteren. Yaake djivenn yon kote bis ap kava dives. Kote his boud zenlepen lengre bakrenge oun bouzyenge.

2. Familjakro liil 26:10

Yob kras ninna turme an o moulo tato them oun hadas boud panyenge brounne vin; les his boud firhe an o pralstouno them oun an o telstouno them, ninna djobengre harhe oun molyengre harhe ap i berge oun ap i berga Karmel. Leske his i harhengri boudi ap o dji čiddo.

2. Familjakro liil 28:18

Ninna i Filistarya peran an i forya an o them Youda dren – an kol forya, kay hi an o bergetikro them oun an o moulo them Negev. Oun yon lan penge kal forya: Bet-Shemesh, Ayalon, Gederot oun Soko oun i tsele gaba koy trouyel, oun Timna oun i tsele gaba koy trouyel, oun Gimso oun i tsele gaba koy trouyel, oun yon djivan kote.

Jesaja 14:29

T'mer menshe an o them Filistia, ma avenn barhtelo, te vas o kasht, koleha dino van, kanna phagedo. Te merell i sap, vell i djoungleder sap pal leste. Oun lestar vell i vavar sap, hoy hi gomme djoungleder oun nay hadell pes har i čirklo.

Jesaja 5:2

Oun yob rissras koy phoub, oun las i tsele barra krik, oun čivas vi-rodede, lače drakengre rouka an koy phoub. Oun yob čivas i turmo pre tardo mashkral dren. Oun hadas i grouba vin, kay venn i drake vin stakedo, te vell o mool vin. Oun palle dikas lo ap ko tsiro, kay venn i drake bares, – lače drake, patsas lo. Har ko tsiro vas, van divye shoutle drake baro.

5. Mose 2:23

Oun an i gaba pash o Mashkralstouno Baro Pani djivan menshe, kay his kharedo Avarya. Pral lende van Filistarya dran Kreta, oun dan len moulo, oun lan lengro them bis pash o foro Gaza. Oun djivan palle kote.

Josua 15:47

ninna Ashdod oun Gaza oun lengre tikneder forya oun lengre gaba bis pash o Baro Pani oun tele bis pash koy tala, pal kolate o them Egiptia hi.