2. Rajengro liil 18:15 - O Debleskro Lab 2024 (Sinte-Manouche)

¹⁵ Yaake das leste o Hiskiya ko tselo roup, hoy hatsas pes an o baro Debleskro kheer oun an o baro rayeskro kheer.

O Debleskro Drom 2021 (Sinte)

¹⁵ Jaake das leste o Hiskija ko tselo rup, hoi hatsas pes an o baro Debleskro kheer un an o baro rajeskro kheer.

2. Rajengro liil 18:15 ပူးပေါင်းရင်းမြစ်များ

1. Rajengro liil 15:15

Oun ko roup oun sonakay oun ko vavar koova, hoy leskro dad o baro Debleske anas, oun hoy yob o baro Debleske anas, kova anas lo halauter an o baro Debleskro kheer.

2. Rajengro liil 12:18

An ko tsiro djas o baro ray pral o them Syria, – leskro lab his Hasael – pash o foro Gat oun las les peske dren. Oun har lo doureder djas, te kourell lo pes o foreha Yerusalem,

2. Rajengro liil 12:19

las o Yoash, ko baro ray pral o them Youda, ko tselo kouč koova, hoy dan leskre phoure, kol bare raya, o Yosafat, o Yoram oun o Ahasya, o baro Debleske, ninna kova, hoy yob kokres o Debleske das, oun ko tselo sonakay, hoy vas hatslo an o baro Debleskro kheer oun an o baro rayeskro kheer, oun bičras halauter pash o Hasael, ko baro rayeste pral o them Syria. Kote djas peske o Hasael o forestar Yerusalem krik.

2. Rajengro liil 16:8

Oun o Ahas las ko roup oun ko sonakay, hoy lo an o baro Debleskro kheer hatsas, oun hoy lo an peskro rayeskro kheer hatsas, oun bičras halauter o baro rayeske pral o them Assour, te lell lo les dran leskro vast kamles pash peste.

2. Rajengro liil 18:16

An ko tsiro phagas o Hiskiya ninna o sonakay tele i voudyendar an o baro Debleskro kheer, hoy moukas lo glan i tsiro pre te krell, oun das les o baro rayestar pral o them Assour.

2. Familjakro liil 16:2

Kote las o Asa roup oun sonakay dran o bravlepen an o baro Debleskro kheer oun an o baro rayeskro kheer, oun bičras bičepangre koleha an o foro Damaskus, pash o baro rayeste pral o them Syria – leskro lab his Ben-Hadad – oun moukas leske te penell:

Jesaja 39:2

Oun o Hiskiya his barhtelo pral i bičepangre, oun sikras lende peskro tselo bravlepen, roup, sonakay, soungepaskro koova, lačo djet, oun ko kheer, kay kol tsele kourepaskre koola dren hi, oun leskro tselo kouč koova. Či his an leskro kheer oun an leskro them, hoy lo lenge gar sikras.