2. Rajengro liil 17:9 - O Debleskro Lab 2024 (Sinte-Manouche)

⁹ Oun i Israelitarya kran kova khatedes, hoy gar čačo his glan o baro Debleskre yaka, kay lengro Devel hi. Oun yon kran penge moulne platse an hake gaba oun forya, tikne oun save bare, kay zorele massurya troul lende hi.

O Debleskro Drom 2021 (Sinte)

⁹ Un i Israelitarja kran kowa khatedes, hoi gar tchatcho his glan o baro Debleskre jaka, kai lengro Dewel hi. Un jon kran penge mulne platse an hake gaba un forja, tikne un sawe bare, kai sorele massurja trul lende hi.

2. Rajengro liil 17:9 ပူးပေါင်းရင်းမြစ်များ

2. Rajengro liil 18:8

O Hiskiya kouras pes ninna i menshentsa dran o them Filistia oun las len palla bis pash Gaza oun ko them trouyel. Oun las i tikne gaba oun i zorele forya dren.

Hiob 31:27

Miro dji rissras pes gar čorrhanes pash lende, te vitsroms me lenge i vasteskri čoum koy!

Debleskri gili 78:58

Yon mangan i vavarengre deblen an. Oun rhoyran o Debles, har kran le penge rhorhene deblen.

Jesaja 29:15

Djungeles djal kolenge, kay kova, hoy le penge an pengre djia glan lan, glan o baro Debleste khatrenn, oun an o kalepen i ratsyatar pengro koova krenn, oun penenn: “Koon dikell men? Oun koon djinell, te hams mer kova?”

Ezekiel 20:28

Har me len an o them anom, kolestar man sovel dom, te dap les lende, mangan le vavar deblen an. Hako kopo, kay dikan le i tikni berga oder i baro rouk boud patyentsa, rhačran le firhen i rhorhene deblenge, oun kran man rhoyedo koleha, hoy le lenge anan. Yon rhačran soungepaskro koova lenge, oun čoran mool vin lenge.

Ezekiel 8:12

Oun o baro Devel penas ap mande: Tou mensho, dikal tou kava, hoy krenn i phoureder dran o kheer Israel čorrhanes – hakeno lendar glan peskri figura an lakri isema? Yon penenn penge: O baro Devel dikell men gar, oun djas peske dran kava them!

Hosea 12:11

Me rakrom ap mire rakepangre, oun sikrom lende boud kope, hoy vella. Dran lende moukom t'menge trad te dell.

5. Mose 13:6

Oun ko rakepaskro, ninna kova, koles kol sounya hi, yob hounte vell maredo. Yob kamas t'men t'maro baro Deblestar krik te anell, kolestar, kay anas t'men vin dran o them Egiptia oun las t'men vin dran o pandepen. Ko mensho kamas te djan t'mer tele o dromestar, hoy t'maro baro Devel penas, te hounte djan ap leste. Oun t'mer hounte vitsrenn vin o čilačepen, hoy mashkral t'mende hi.

5. Mose 27:15

“Praasedo vell kova, kay krell pes i sasterni figura, ninna i kashteni figura, te mangell lo lat čorrhanes an! Savi figura kerdi mensheskre vastentsa hi djoungeles glan o baro Debleskre yaka.” Oun i tsele menshe hounte penenn: Amen!

5. Mose 29:25

Oun yon mangan vavar deblen an, oun vitsran pen glan lende tele, save deblen, kolen yon gar prindjran oun kolendar yob lenge gar penas, te mangenn le len an.