2. Rajengro liil 17:8 - O Debleskro Lab 2024 (Sinte-Manouche)

⁸ oun kran har pengre bare raya ninna kran, oun djivan pal i laba kol vavar menshendar, kolen o baro Devel glan lende vin tradas.

O Debleskro Drom 2021 (Sinte)

⁸ un kran har pengre bare raja ninna kran, un djiwan pal i laba kol wawar menshendar, kolen o baro Dewel glan lende win tradas.

2. Rajengro liil 17:8 ပူးပေါင်းရင်းမြစ်များ

1. Rajengro liil 12:28

Oun o ray Yerobeam djinas pash peste, hoy nay krell lo, oun moukas douy sonakangre terne groumyen te krell, oun penas ap i menshende: “T'mer Israelitarya, hi doha, kay djan t'mer yaake rah an Yerusalem, te mangenn o Debles an. Kate hi t'mare debla, kolla anan t'men dran o them Egiptia!”

1. Rajengro liil 21:26

Leskro djoungleder koova his, te nashas lo i moule deblenge palla, yaake har kran kova i Amorarya, kolen tradas o baro Devel glan i Israelitaryen krik.

2. Rajengro liil 16:10

Oun o baro ray Ahas djas an o foro Damaskus, te dikell lo kote o baro rayes dran o them Assour, o Tiglat-Pileser. Oun har lo koy sasterni rhačepaskri dikas, kay an o foro Damaskus tardo hi, kote bičras o baro ray Ahas peskre bičepangre pash o rashay Ouriya oun moukas leske te sikrell, har koy rhačepaskri vin dikell oun har baro koya hi oun har li kerdo vas.

2. Rajengro liil 16:3

Na-a, yob djas ap kol dromma, kay kol bare raya dran o them Israel ninna djan. Ninna moukas lo peskro čaves an i yag te rhačrell, yaake har kova kol menshe kran, kay o baro Debles gar prindjrenn oun savo djoungelo koova krenn. Kolen tradas o baro Devel glan i Israelitarya dran o them vin, te nay djivenn i Israelitarya koy dren.

2. Rajengro liil 17:19

Ninna kolla dran Youda rikran pen gar ap i laba lengro baro Deblestar, na-a, yon djivan yaake har kol vavar dran Israel ninna djivan.

2. Rajengro liil 17:40

Yon kaman gar ap leste te shounell, oun djivan yaake har lengre phoure djivan.

2. Rajengro liil 21:2

Oun yob kras, hoy his čilačo glan o baro Debleskre yaka: ko emligo djoungelo koova, har kol vavar menshe kran, kolen o baro Devel glan o Israel vin tradas dran o them.

Debleskri gili 106:35

Na-a, yon romedineran pen kolentsa, kay o Debles gar prindjrenn, oun kran sau koova har yon kran,

2. Mose 23:24

Ma mangenn lengre deblen an! Ma anenn firhen, te rhačrenn len lenge! Ma krenn yaake har kolla, kay an ko them djivenna! Denn lengre tsele deblen paash, oun phagenn kol bare barra, hoy yon lenge pre-čivan!

Jeremia 10:2

Kova penell o baro Devel: Ma djan i dromma, hoy i menshe an vavar themma djana! Yon darenn glan o sikepen, hoy krenn i momlia ap o bolepen. T'mer hounte darenn kova gar.

Ezekiel 5:6

I menshe an Yerusalem moukan pen či mandar te penell, oun shounan gar ap mande. Yon van čilačeder har kol themma, kay troul lende hi. Mire čačepaskre laba vitsran le pal pende, oun djivan gar yaake har lendar kamom.

Hosea 5:11

O Efrayim las pes glan, te nashell lo i rhorhene deblenge palla. Doleske vell lo kanna tele rikedo. Oun leskro čačepen vell i pirentsa stakedo.

3. Mose 18:3

Ma djivenn yaake har i Egiptarya, an kolengro them djivan, vitar gar har kolla an o them Kanaan, kote kay t'men anau. Ma djivenn pal lengro koova.

3. Mose 26:1

Ma krenn t'men rhorhene deblen, vitar kek figure oun pre-čiddo barra, oder barra an kolende i shero dino hi, te mangenn len an! Me, o baro Devel, hom t'maro Devel.

Micha 6:16

Ko čilačo koova, hoy kol raya, o Omri oun o Ahab, t'menge glan kran, kova kran t'mer ninna. Oun hoy yon penan, kova kran t'mer ninna. Doleske krau me dran t'maro foro i moulo foro. Oun pral t'mende, kay kote djivenn, san i vavar menshe. Bari ladj vell pral t'mende.

5. Mose 18:9

Te venn t'mer an o them, hoy t'maro baro Devel t'men dell, palle krenn gar ko djoungelo pale-čiddo koova, hoy krenn i menshe, kay kote djivenn.