2. Rajengro liil 17:5 - O Debleskro Lab 2024 (Sinte-Manouche)

⁵ Oun o baro ray pral o them Assour djas peskre lourdentsa an o tselo them ap i Israelitarya pre, oun vas ninna pash o foro Samaria, oun čivas peskre kourepangre kote triin bersha troul o foro.

O Debleskro Drom 2021 (Sinte)

⁵ Un o baro rai pral o them Assur djas peskre lurdentsa an o tselo them ap i Israelitarja pre, un was ninna pash o foro Samaria, un tchiwas peskre kurepangre kote triin bersha trul o foro.

2. Rajengro liil 17:5 ပူးပေါင်းရင်းမြစ်များ

2. Rajengro liil 17:4

Pal i tsiro bičras o Hoshea bičepangre pash o baro rayeste pral o them Egiptia, – leskro lab his So – te krell lo pes koleha khetne. Oun o Hoshea bičras bouder kek roup oun sonakay o baro rayeste pral o them Assour. Har kova kava koova shounas, moukas lo les te taprell oun vitsras les an o stilepen.

2. Rajengro liil 18:9

O Hiskiya his an o starto bersh o baro ray pral o them Youda, – ko his ko eftato bersh, kay o Hoshea o baro ray pral Israel his. Koleskro dad his o Ela. Koy djas o baro ray pral o them Assour, o Salmanassar, peskre lourdentsa pral an Israel oun čivas pes troul o foro Samaria oun pandas o fores dren.

2. Rajengro liil 6:24

Pal i tsiro las ko baro ray pral Syria – leskro lab his Ben-Hadad – peskre tsele lourden khetne, peras lentsa an o them Israel dren oun čivas pes troul o foro Samaria.