2. Rajengro liil 17:4 - O Debleskro Lab 2024 (Sinte-Manouche)

⁴ Pal i tsiro bičras o Hoshea bičepangre pash o baro rayeste pral o them Egiptia, – leskro lab his So – te krell lo pes koleha khetne. Oun o Hoshea bičras bouder kek roup oun sonakay o baro rayeste pral o them Assour. Har kova kava koova shounas, moukas lo les te taprell oun vitsras les an o stilepen.

O Debleskro Drom 2021 (Sinte)

⁴ Pal i tsiro bitchras o Hoshea bitchepangre pash o baro rajeste pral o them Egiptia, – leskro lab his So – te krell lo pes koleha khetne. Un o Hoshea bitchras buder kek rup un sonakai o baro rajeste pral o them Assur. Har kowa kau koowa shunas, mukas lo les te taprell un witsras les an o stilepen.

2. Rajengro liil 17:4 ပူးပေါင်းရင်းမြစ်များ

2. Rajengro liil 17:3

Oun o baro ray pral o them Assour, o Salmanassar, vas peskre lourdentsa pral leste. Oun i Israelitarya van dino. Oun o Hoshea hounte das leske hako bersh roup oun sonakay.

2. Rajengro liil 17:5

Oun o baro ray pral o them Assour djas peskre lourdentsa an o tselo them ap i Israelitarya pre, oun vas ninna pash o foro Samaria, oun čivas peskre kourepangre kote triin bersha troul o foro.

2. Rajengro liil 18:21

Patseh, te vell o them Egiptia touke ap i rig? Kova vals, har te lals tou i shilftikro khass an o vast, te rikress tout zoreles ap leste. Ko shilftikro khass phagals oun dals tout an o vast čourye. Yaake hi o Farao, ko ray pral o them Egiptia lauterenge, kay leske patsenna.

2. Rajengro liil 24:1

An ko tsiro, har o Yoyakim o baro ray his, djas o baro ray dran o them Babilonia peskre lourdentsa pre ap o them Youda. Leskro lab his Neboukadnezar. Oun o Yoyakim hounte vitsras pes tel leste oun hounte playsras leske boud love. Pal triin bersha phagas lo leha oun kras bouder gar, hoy kova kamas.

2. Rajengro liil 24:20

Kova halauter kras o baro Debles yaake rhoyedo pral o foro Yerusalem oun o them Youda, te tradas lo len pestar krik. Oun o Sedekya phagas o baro rayeha pral o them Babilonia, oun kras bouder gar, hoy kova kamas.

2. Rajengro liil 25:7

Oun leskre morsh čaven maran le kote glan leskre yaka. Oun leske van i yaka vin dino. Oun yon pandan les sasterne shellentsa oun anan les an o them Babilonia.

2. Familjakro liil 32:11

O Hiskiya penell t'menge rhorhene laba, te penell lo t'menge: O baro Devel hi maro Devel, yob lell men vin dran o vast o baro rayestar pral o them Assour. Čačepah, yob moukell t'men i bokatar oun i troushatar te merell.

Hosea 10:4

I bare raya krenn boud laba, denn pen rhorhene sobya, oun krenn pen vavar thementsa khetne. Kova, hoy kharenn le čačepen, hi har ko čilačo zenlepen, hoy vell baro ap i harhetikri phoub oun anell o merepen.

Hosea 12:2

O Efrayim kamell o dourho dren te taprell, oun nashell o tato dourho palla, kay vell kotar, kay o kham pre djal. Oun hako dives krell lo boudeder rhorhepen oun randepen. Yon čivenn pen o themeha Assour khetne, oun anenn djet an o them Egiptia.

Hosea 13:10

Kay hi tiro baro ray, kova kay vell ap tiri rig an tire tsele forya? Kay hi tire čačepangre raya? T'mare phoure penan: Čip i ray oun pralstoune pral mende!

Hosea 8:10

Ninna te denn le love kol rayende pral i vavar themma, kamau len me khetne te lell, te dap len i phagi. An i tikno tsiro hounte djan le doukentsa tel o pharepen, hoy čivell o baro ray dran o them Assour ap lende.

5. Mose 28:36

O baro Devel tradell t'men oun ko rayes, koles t'mer pral t'mende čivan, pash i menshende an i vavar them, kay t'mer an kek tsiro djivan, vitar gar t'mare phoure. Oun kote mangenn t'mer oun barrengre deblen an.