2. Rajengro liil 17:27 - O Debleskro Lab 2024 (Sinte-Manouche)

²⁷ O baro ray pral o them Assour penas: “Bičrenn yek rashayes pale pale koy, koles kotar krik lom; yob te djal kote oun djivell an ko them mashkral lende oun sikrell lenge, har te sharenn le ko debles ko themestar.”

O Debleskro Drom 2021 (Sinte)

²⁷ O baro rai pral o them Assur penas: “Bitchrenn jek rashajes pale pale koi, koles kotar krik lom; job te djal kote un djiwell an ko them mashkral lende un sikrell lenge, har te sharenn le ko debles ko themestar.”

2. Rajengro liil 17:27 ပူးပေါင်းရင်းမြစ်များ

1. Rajengro liil 12:31

O Yerobeam kras ninna moulne platse ap o pralstouno them, kay i moule debla an-mangedo venn, oun rodas rashayen vin, kay gar Levitarya his.

1. Rajengro liil 13:2

Oun yaake har o baro Devel leske penas, das o Debleskro morsh gole: “Rhačepaskri! Rhačepaskri! Shoun, hoy o baro Devel penell! I čavo vell boldo an o Davideskri familya. Leskro lab hi Yosia. Kova marell ap toute kol rashayen, kay rhačrenn soungepaskro koova ap toute i moule deblenge. Oun menshengre kokale venn rhačedo ap toute.”

2. Rajengro liil 17:26

Oun o baro rayeske pral o them Assour vas penlo: “Kolla menshe, kay tou moukal kate te vell, te djivenn le an i forya an o them Samaria, djinenn či pral ko debleste an kava them, oun har te sharenn le les. Doleske bičras lo leve pash lende. Oun kolla maran menshen lendar.”

2. Rajengro liil 17:28

Kote djas yek kol rashayendar, kay dran o them Samaria krik anlo vas, pale pale, oun djivas an o foro Betel oun sikras lenge, har te mangenn le o baro Debles an.

2. Familjakro liil 11:15

O Yerobeam rodas peske rashayen vin, kay boudran ap i moulne platse i bengenge oun kol moule deblenge, hoy vin dikan har terne groumya, hoy yob moukas te krell.

Esra 7:25

Oun tou Esra, čip o gosvepah, hoy tiro Devel tout dell, čačepangren oun rakepangren an i boudi dren, te rakrenn le o čačepen vin i tsele menshenge, kay vergel o panyestar Eufrat djivenna, halauterenge, kay i laba tiro Deblestar prindjrenn. Oun koon kal laba gar prindjrell, koleske sikrenn, hoy t'maro Devel lestar kamell!

Čačepangre 17:13

Oun o Mika penas: “Kanna hi man i rashay an miro kheer. Doleske krell o baro Devel, te djal mange mishto.”