2. Rajengro liil 17:23 - O Debleskro Lab 2024 (Sinte-Manouche)

²³ Kova djas yaake rah, bis te o baro Devel i Israelitaryen glan peste krik tradas, oun vas yaake har leskre boudepangre glan-vi penan, kolla, kay leskre rakepangre his. Yaake van i Israelitarya dran o them Israel pandles krik anlo an o them Assour. Kote hi le gomme kava dives.

O Debleskro Drom 2021 (Sinte)

²³ Kowa djas jaake rah, bis te o baro Dewel i Israelitarjen glan peste krik tradas, un was jaake har leskre budepangre glan-wi penan, kolla, kai leskre rakepangre his. Jaake wan i Israelitarja dran o them Israel pandles krik anlo an o them Assur. Kote hi le gomme kau diwes.

2. Rajengro liil 17:23 ပူးပေါင်းရင်းမြစ်များ

1. Rajengro liil 13:2

Oun yaake har o baro Devel leske penas, das o Debleskro morsh gole: “Rhačepaskri! Rhačepaskri! Shoun, hoy o baro Devel penell! I čavo vell boldo an o Davideskri familya. Leskro lab hi Yosia. Kova marell ap toute kol rashayen, kay rhačrenn soungepaskro koova ap toute i moule deblenge. Oun menshengre kokale venn rhačedo ap toute.”

1. Rajengro liil 14:16

Dran o čilačepen, hoy o Yerobeam kras, moukell o baro Devel i Israelitaryen. O Yerobeam djas o baro Debleskro dromestar tele, oun kras, te djan i Israelitarya ninna o baro Debleskro dromestar tele.”

1. Rajengro liil 9:7

palle tradau me i Israelitaryen vin dran lengro them, hoy me len dom. Oun ko kheer, hoy mange vin rodom, te vap kote an-mangedo, kolestar kamau či bouder te djinell. Oun i menshe an i tsele vavar themma rakrenn oun sanenn pral o Israel.

2. Rajengro liil 13:23

Oun o baro Devel his lačo ap i Israelende oun kras peskro dji lenge pre oun dikas kamles ap lende, yaake har yob peskro lab das o Abrahameste, o Isaakeste oun o Yakobeste. Oun yob das len gar an o merepen oun vitsras len gar pestar krik bis ap kava dives.

2. Rajengro liil 17:13

Oun o baro Devel das kol menshen an o them Israel oun an o them Youda trad, har moukas lo peskre rakepangre oun dikepangre lenge te penell: “Moukenn t'maro čilače dromma! Oun krenn hoy me penau! Oun djivenn pal miro čačepen! Oun djan t'maro tselo djiyeha ap miro drom, hoy sikrom t'mare phourende. Oun djivenn pal kol laba, hoy penan t'menge mire boudepangre, kay mire rakepangre hi.”

2. Rajengro liil 17:18

Kote vas o baro Devel rhoyedo pral i Israelitarya, oun čivas len krik glan leskre yaka, yaake kay ačan kokres menshe dran o kheer Youda pral.

2. Rajengro liil 17:20

Doleske vitsras o baro Devel kol tsele menshen Israel ap i rig, oun kras lengro djipen phares, oun das len an i vasta kol menshendar, kay lendar čoran, bis te his le dour lestar krik tradedo.

2. Rajengro liil 17:22

Yaake kran i Israelitarya ko tselo čilačo koova, hoy o Yerobeam kras, koleskro dad o Nebat his. Oun yon moukan gar tele te krenn le kova.

2. Rajengro liil 17:6

Oun har o Hoshea an o enyato bersh baro ray his, las o baro ray pral o them Assour o foro Samaria dren, oun anas i menshen dran Israel pandles krik an o them Assour, oun moukas len te djivell an o them Hala oun pash o lengsto pani Habor an o them Gosan, oun an i forya, kay i Medarya djivan.

2. Rajengro liil 21:14

Oun kolla, kay mire menshendar pral ačenna, bičrau mandar krik, oun dau len an o vast kolendar, kay čorenn o them vin oun lenn i menshen pandlo pentsa.

2. Rajengro liil 23:27

Oun o baro Devel penas: “Me kamau ninna i menshen dran o them Youda mandar krik te čivell, yaake har me kolen dran o them Israel mandar krik čivom. Oun kamau kava foro pale te čivell, kava foro Yerusalem, hoy me mange vi-rodom, oun ko kheer, kolestar me penom: Kamoms te mangenn le man kote an.”

2. Rajengro liil 24:3

Čačepah koy bibarht vas yaake pral i menshende an o them Youda, har o baro Devel penas, te čivell lo len pestar krik ko boud čilačepaske, hoy o Manasse kras. Kova anas i menshen o Debleskro dromestar tele,

2. Rajengro liil 25:21

Oun o baro ray pral o them Babilonia moukas len temerl te dell an o foro Ribla an ko kotar them, hoy kharell Hamat. Yaake van i menshe dran o them Youda krik anlo dran pengro them.

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

Debleskri gili 51:13

Ma trade man toutar krik! Ma le tiro dourho mandar krik!

Jesaja 7:8

O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

Jeremia 52:3

Kova halauter kras o baro Debles yaake rhoyedo pral i menshende an o foro Yerusalem oun an o them Youda, te tradas lo len pestar krik. Oun o Sedekya phagas o baro rayeha pral o them Babilonia, oun kras bouder gar, hoy kova kamas.

Jeremia 7:15

Oun me tradau t'men mandar krik, har me t'mare phralen krik tradom, oun kol tsele menshen dran Efrayim.

Hosea 12:3

Ninna i menshenge an o them Youda rikrell o baro Devel lengro čilačo koova glan i yaka. Yob dell o Yakobes peskri phagi koleske, hoy lo kras, oun har lo djivas.

Amos 5:27

an ko tsiro, kay anau t'men pandles an i them, hoy hi čiddo pal o foro Damaskus. Me, o baro Devel, ko ray pral o bolepen oun i phoub, penau kova.

Micha 1:5

Kova halauter vell dran o čilačepen, hoy o Yakobeskre čave kran. O kheer Israel djas peskro Debleskro dromestar tele. Koon anas i Israelitarya yaake dour, te moukan le pengro Debleskro drom? Kova his o foro Samaria! Koon anas o kheer Youda yaake dour, te mangan le vavar deblen an? Kova his o foro Yerusalem!

Micha 1:6

Doleske krell o baro Devel, te vell o foro Samaria khetne dino bis ap i telstoune barra. Lestar ačell či pral har barra. Kolen vitsrell lo an i tala. Kote kay o foro tardo his, venn drakengre rouka an i phoub čiddo.

Micha 2:5

An ko tsiro, kay lenn o baro Debleskre menshe pengro them pale, lenn t'mer kek kotar.

5. Mose 32:20

Oun yob penas peske: Me rikrau man pale lendar, kamau te dikell, har lentsa doureder djal, kolentsa, kay pal pengro shero djan, oun či bouder mandar kamenn te djinell.

Josua 23:13

palle djinenn, palle tradell o baro Devel gar bouder kal vavar menshen glan t'mende vin dran o them. Oun yon venn t'menge har dorya oun netse, an kolende t'mer tapedo venn, oun har čoupnia ap t'mare dume, oun doukrenn t'men har i kasht an o yak. Kova djal yaake dour, bis te kek t'mendar bouder an kava lačo them hi, hoy t'maro baro Devel t'men das.

Čačepangre 18:30

Oun i Danarya čivan penge koy figura dran kasht oun roup pre. Oun lengro rashay his o Yonatan. Koleskro phouro dad his o Moseskro čavo, o Gershon. O Yonatan oun leskre čave his lengre rashaya bis ap ko dives kay le pandlo krik lino van.