2. Rajengro liil 16:9 - O Debleskro Lab 2024 (Sinte-Manouche)

⁹ Oun o baro ray pral o them Assour shounas ap leste oun djas pral pash o foro Damaskus oun las les dren. Oun moukas kol menshen, kay kote djivan, pandles krik te anell an o foro Kir, oun maras o baro rayes Rezin.

O Debleskro Drom 2021 (Sinte)

⁹ Un o baro rai pral o them Assur shunas ap leste un djas pral pash o foro Damaskus un las les dren. Un mukas kol menshen, kai kote djiwan, pandles krik te anell an o foro Kir, un maras o baro rajes Rezin.

2. Rajengro liil 16:9 ပူးပေါင်းရင်းမြစ်များ

2. Familjakro liil 16:4

Kote shounas o Ben-Hadad ap o baro rayeste Asa, bičras peskre lourden pengre pralstunentsa, te kourenn le pen i foryentsa an o them Israel. Oun yon lan kol forya Iyon, Dan oun Abel-Mayim dren, ninna i tsele forya, kay djobengre khera dren hi an o them Naftali.

2. Familjakro liil 28:21

Oun o Ahas las boud kouč koova dran o baro Debleskro kheer oun dran o baro rayeskro kheer oun dran i khera kol pralstunendar, oun das les o baro rayeste dran o them Assour. Ninna te kras lo kova, vas leske kava gar ap i rig.

2. Familjakro liil 28:5

Doleske das les leskro baro Devel an o vast o baro rayestar pral o them Syria. Kol Syrarya dan i lourden dran Youda khetne, oun lan boud lendar pandles, oun anan len an pengro foro Damaskus. Ninna i lourde dran Israel kouran pen i lourdentsa dran Youda, oun van i zorleder oun maran boud lendar.

Jesaja 10:9

Yek foro pal o vavar lom dren: Kalno oun Karkemish, Hamat oun Arpad, Samaria oun Damaskus.

Jesaja 17:1

Kate sikrell o Devel, hoy pral o foro Damaskus vella: I tsiro vell sik, kay o foro Damaskus bouder kek foro hi. Lestar ačell či har tele phagede barra.

Jesaja 22:6

I lourde dran o them Elam hidjrenn pengre gone i faylentsa, oun venn ap vourdya i grayentsa. Lourde dran o them Kir rikrenn pengre shilte an i vasta.

Jesaja 37:18

Čačo hi, baro Devel, kay stakran i raya pral o them Assour i tsele themma khetne.

Jesaja 7:16

Glan te vas ko tsiro, kay djinell lo kova, vell ko them mouklo čiddo, glan koleskre douy bare rayende tout savi bari daar hi.

Jesaja 9:10

O baro Devel kras kolen zoreles, kay kamenn i Israelenge čilačepen te krell, o Rezin oun kol vavaren, te djan le ap lende pre:

Jesaja 9:11

I Syrarya venna foun glan oun i Filistarya foun pal, te rhan le o Israel pre har i divyo firho, hoy peskro mouy dour pre krell. Oun pral kova lauter moukell o Debleskri bari rholi gar tele, oun leskro vast ačell pre hadedo, te dell lo len i phagi.

Amos 9:7

O baro Devel penell: T'mer Israelitarya han mange yaake har i menshe an o them Etiopia. T'men lom dran o them Egiptia vin, i Filistaryen lom dran o them Kreta vin, oun i Syrarya dran o them Kir. Hoy hi vavarčandes t'mentsa?