2. Rajengro liil 15:8 - O Debleskro Lab 2024 (Sinte-Manouche)

⁸ Har his o Asarya an o 38. (triyanda-te-orhtato) bersh o baro ray pral o them Youda, vas o Zakarie, koleskro dad o Yerobeam his, baro ray pral o them Israel. Shob čonna his lo baro ray oun djivas an ko tsiro an o foro Samaria.

O Debleskro Drom 2021 (Sinte)

⁸ Har his o Asarja an o 38. (trijanda-te-ochtato) bersh o baro rai pral o them Juda, was o Secharja, koleskro dad o Jerobeam his, baro rai pral o them Israel. Shob tchonna his lo baro rai un djiwas an ko tsiro an o foro Samaria.

2. Rajengro liil 15:8 ပူးပေါင်းရင်းမြစ်များ

2. Rajengro liil 10:30

O baro Devel penas ap o Yehou: “Kova, hoy kral ap o Ahabeskro kheer, his mishto an mire yaka. Tou kral ap leste, hoy man an miro dji his. Doleske venna dran tiri familya bare raya yaake rah, bis te star familye yek pal i vavar djivan.”

2. Rajengro liil 14:21

Oun i tsele menshe dran o them Youda lan leskro čavo, o Asarya, oun kran les baro ray, har his lo 16 (deesh-te-shob) bersha phouro.

2. Rajengro liil 14:29

Oun o Yerobeam meras, oun vas paskedo pash peskre phourende, kol bare rayende pral o them Israel. Oun leskro čavo, o Zakarie, vas baro ray pal leste.

2. Rajengro liil 15:1

Har o Yerobeam an o 27. (biish-te-eftato) bersh baro ray pral o them Israel his, vas o Asarya baro ray pral o them Youda. Leskro dad his o Amazya.

2. Rajengro liil 15:13

O Shalloum, koleskro dad o Yabesh his, vas baro ray pral Israel, har o Usiya an o 39. (triyanda-te-enyato) bersh baro ray pral o them Youda his. Oun o Shalloum his yek čon baro ray an o foro Samaria.

2. Rajengro liil 15:17

Har o Asarya an o 39. (triyanda-te-enyato) bersh ko ray pral o them Youda his, vas o Menahem, koleskro dad o Gadi his, o baro ray pral o them Israel. Deesh bersha his lo baro ray oun djivas an kava tsiro an o foro Samaria.

2. Rajengro liil 15:23

Har o Asarya an o 15. (deesh-te-pančto) bersh o baro ray pral o them Youda his, vas o Pekaya, baro ray pral o them Israel. Leskro dad his o Menahem. Oun o Pekaya his douy bersha baro ray an o foro Samaria.

2. Rajengro liil 15:7

Oun o Asarya meras oun vas paskedo pash peskre phourende an o Davideskro foro. Oun leskro čavo, o Yotam, vas baro ray pal leste.

2. Rajengro liil 15:9

Oun yob kras, hoy djoungeles his glan o baro Debleskre yaka, yaake har leskre phoure kova ninna kran. Oun moukas gar ko čilačo drom, hoy o Yerobeam djas, koleskro dad o Nebat his. O Yerobeam anas o Israel o Debleskro dromestar tele oun kras te mangenn le vavar deblen an.

Gosewe laba 28:2

Te hi boud čilačepen an o them, venn ninna boud raya pre. Te vell savo morsh o ray, kay djinell boud oun hayvell lauter mishto, palle hi o čačepen i rah tsiro an o them.

Hosea 1:4

Oun o baro Devel penas ap leste: De les ko lab Yesreel! An i tikno tsiro anau ap o rayeskro kheer koy doosh pale, hoy o baro ray, o Yehou, ap peste anas, har maras lo boud mire menshendar an i tala Yesreel. Oun krau, te hi o themes Israel bouder kek ray.

Amos 7:9

I moulne platse, kay mangan o Isaakeskre menshe rhorhene deblen an, kal platse venna paash dino. Oun kol khera, kay sharan i Israelitarya o Debles, venn dino an kotya. Oun me vau miro rhareha pral o kheer Yerobeam.”