2. Rajengro liil 15:20 - O Debleskro Lab 2024 (Sinte-Manouche)

²⁰ Ko roup las o Menahem yaake khetne, te čivas lo i siyaan ap hako bravelo morsheste an o them Israel. Hakeno lendar hounte playsras i paash-sheel roupene love. Har o baro ray pral Assour kol love las, djas lo pale khere peskre lourdentsa, oun ačas gar an o them.

O Debleskro Drom 2021 (Sinte)

²⁰ Ko rup las o Menahem jaake khetne, te tchiwas lo i sijaan ap hako brawelo mursheste an o them Israel. Hakeno lendar hunte plaissras i paash-sheel rupene lowe. Har o baro rai pral Assur kol lowe las, djas lo pale khere peskre lurdentsa, un atchas gar an o them.

2. Rajengro liil 15:20 ပူးပေါင်းရင်းမြစ်များ

2. Samuel 19:32

Oun o Barsillay dran Gilead vas tele dran o gab Roglim pash o baro rayeste, te djal lo khetne leha ap i vavar rig o panyestar Yordan.

2. Rajengro liil 15:19

Oun o baro ray pral o them Assour, – leskro lab his Poul – vas an o them. Oun o Menahem das les yek zero centnarya roup, te rikrell pes lo leha, oun te moukell lo les baro ray te ačell.

2. Rajengro liil 15:21

Ko tselo vavar koova, hoy pral o Menahem penepaske hi, oun lauter, hoy lo kras, kova hi činlo an i familyakro liil i bare rayendar pral o them Israel.

2. Rajengro liil 15:29

An ko tsiro, har o Peka ko baro ray pral o them Israel his, vas o Tiglat-Pileser, ko baro ray pral o them Assour, oun peras an o them Israel dren oun las peske kol forya Iyon, Abel-Bet-Maaka, Yanoa, Kedesh, Hazor, Gilead oun dran o them Galilea ko tselo them Naftali. Oun moukas kol menshen, kay kote djivenn, krik te anell an o them Assour.

2. Rajengro liil 23:35

Oun o Yoyakim das o roup oun o sonakay o Faraeske. Doleske hounte čivas lo i siyaan ap o them, te nay anell lo kol love khetne, hoy o Farao kamella. Hakenestar dran o them las lo yaake boud roup oun sonakay dren, har koles bravlepen hi, te nay dell lo les o Farao Neko.

Hiob 1:3

Ninna his les boud firhe: 7.000 (efta-zerya) bakre oun 3.000 (triin-zerya) khamele, oun yek zerya groumya, kolendar hako kopo douy khetne boudran, oun 500 (panč-sheel) djouvelkane bourike. Oun les his boud boud boudepangre. Kek mensho his bravleder har o Hiob an ko them, hoy hi kote čiddo, kay o kham pral djal.

Ruth 2:1

Koy his i morsh, leskro lab his Boas. Kova his i menshendar i Naomyakro romestar Elimelek, oun his i an-diklo morsh.