2. Rajengro liil 15:19 - O Debleskro Lab 2024 (Sinte-Manouche)

¹⁹ Oun o baro ray pral o them Assour, – leskro lab his Poul – vas an o them. Oun o Menahem das les yek zero centnarya roup, te rikrell pes lo leha, oun te moukell lo les baro ray te ačell.

O Debleskro Drom 2021 (Sinte)

¹⁹ Un o baro rai pral o them Assur, – leskro lab his Pul – was an o them. Un o Menahem das les jek sero zentnarja rup, te rikrell pes lo leha, un te mukell lo les baro rai te atchell.

2. Rajengro liil 15:19 ပူးပေါင်းရင်းမြစ်များ

2. Rajengro liil 12:18

An ko tsiro djas o baro ray pral o them Syria, – leskro lab his Hasael – pash o foro Gat oun las les peske dren. Oun har lo doureder djas, te kourell lo pes o foreha Yerusalem,

2. Rajengro liil 14:5

Har les o them zoreles an peskro vast his, moukas lo kol pralstunen te marell, kay dan leskro dades moulo, ko baro rayes Yoash.

2. Rajengro liil 15:18

Oun yob kras, hoy glan o baro Debleskre yaka djoungeles his. Oun an peskro tselo djipen moukas lo gar ko čilačo drom, hoy o Yerobeam djas, koleskro dad o Nebat his. O Yerobeam anas o Israel o Debleskro dromestar tele oun kras te mangan le vavar deblen an.

2. Rajengro liil 15:20

Ko roup las o Menahem yaake khetne, te čivas lo i siyaan ap hako bravelo morsheste an o them Israel. Hakeno lendar hounte playsras i paash-sheel roupene love. Har o baro ray pral Assour kol love las, djas lo pale khere peskre lourdentsa, oun ačas gar an o them.

2. Rajengro liil 15:29

An ko tsiro, har o Peka ko baro ray pral o them Israel his, vas o Tiglat-Pileser, ko baro ray pral o them Assour, oun peras an o them Israel dren oun las peske kol forya Iyon, Abel-Bet-Maaka, Yanoa, Kedesh, Hazor, Gilead oun dran o them Galilea ko tselo them Naftali. Oun moukas kol menshen, kay kote djivenn, krik te anell an o them Assour.

2. Rajengro liil 16:8

Oun o Ahas las ko roup oun ko sonakay, hoy lo an o baro Debleskro kheer hatsas, oun hoy lo an peskro rayeskro kheer hatsas, oun bičras halauter o baro rayeske pral o them Assour, te lell lo les dran leskro vast kamles pash peste.

2. Rajengro liil 18:16

An ko tsiro phagas o Hiskiya ninna o sonakay tele i voudyendar an o baro Debleskro kheer, hoy moukas lo glan i tsiro pre te krell, oun das les o baro rayestar pral o them Assour.

Nehemia 9:32

Maro Devel, har baro hal tou, yaake zorelo, te daras mer toutar. Tou pandal tiro dji ap mende, oun rikreh tiro lab, hoy dal tout sovel. Kanna mangah tout, ma biste koy tseli bibarht, hoy pral mende vas, pral mare bare rayende oun mare pralstunende, pral i rashayende oun o Debleskre rakepangre, pral mare phourende oun men lauterende, an ko tselo tsiro, har van i bare raya dran o them Assour pral mende bis ap kava dives.

Debleskri gili 83:8

dran o Gebal, o Ammon, oun o Amalek, ninna i Filistarya oun kol menshe dran o foro Tirus.

Jesaja 9:1

Kol menshe, kay djivenn an i kali rat, dikenn i bari momeli. Kolenge, kay djivenn an i tamlo them, djal o kham pre.

Jeremia 17:5

O baro Devel penell: Praasedo vell ko morsh, kay moukell man, o baro Debles, oun rikrell pes ap i menshende, oun poučell lendar, te venn le ap leskri rig.

Jeremia 50:17

O Israel his har i nashedo bakro, hoy lan i leve palla. Ko ersto his o baro ray dran o them Assour, kova rhas les. Pal leste vas o baro ray pral o them Babilonia, o Neboukadnezar. Kova dandras ko mass tele, hoy ap leskre kokale ačas.

Ezekiel 23:5

Oun an ko tsiro, har his li miro, loubras i Ohola trouyel, oun nashas vavar morshenge palla. Lakre pirne his kourepangre dran o them Assour,

Hosea 10:6

Ava, ko terno gouroum vell an o them Assour anlo, oun kote vell lo o baro rayeste, o Yareb, dino. Havi ladj o Efrayimeske! Havi ladj vell ap i Israelitarya, kay patsan, te hi le yaake gosevo!

Hosea 5:13

Har dikas o Efrayim peskro nasslepen oun o Youda peskro doukepen, djas o Efrayim an o them Assour, oun poučas kote o baro rayestar, te vell lo leske ap i rig. Kova nay vell t'menge gar ap i rig, vitar gar nay krell lo t'maro doukepen sasto.