2. Rajengro liil 15:14 - O Debleskro Lab 2024 (Sinte-Manouche)

¹⁴ O Menahem, koleskro dad o Gadi his, djas pral dran Tirza oun vas an o foro Samaria oun das o Shalloumes moulo, koleskro dad o Yabesh his, oun vas baro ray pal leste.

O Debleskro Drom 2021 (Sinte)

¹⁴ O Menahem, koleskro dad o Gadi his, djas pral dran Tirza un was an o foro Samaria un das o Shallumes mulo, koleskro dad o Jabesh his, un was baro rai pal leste.

2. Rajengro liil 15:14 ပူးပေါင်းရင်းမြစ်များ

1. Rajengro liil 14:17

Palle kras pes o Yerobeameskri romni ap o drom, oun djas khere an o foro Tirza. Har vas yoy an o khereskro voudar dren, kote meras ko čavo.

1. Rajengro liil 15:21

Oun yaake vas, har o Baasha kova shounas, kote moukas lo tele te krell lo o foro Rama zorleder, oun djas palpale an peskro foro Tirza.

1. Rajengro liil 15:33

An o triinto bersh, har o Asa o baro ray pral Youda his, vas o Baasha, koleskro dad o Ahia his, o baro ray pral Israel. 24 (biish-te-star) bersha his lo baro ray, oun djivas an ko tsiro an o foro Tirza.

1. Rajengro liil 16:15

An o 27. (biish-te-eftato) bersh, har o Asa o baro ray pral Youda his, vas o Simri o baro ray pral Israel. Yob his kokres efta divessa baro ray, oun his an ko tsiro an o foro Tirza. An ko tsiro his Israelengre lourde tardo troul o foro Gibbeton oun pandan ko fores dren. Kava foro his i Filistarengro foro.

1. Rajengro liil 16:17

Oun o Omri khetne i tsele lourdentsa dran Israel, moukan o foro Gibbeton pal pende oun djan pre pash o foro Tirza oun pandan o foro dren.

2. Rajengro liil 15:10

O Shalloum, koleskro dad o Yabesh his, čivas pes vavarentsa khetne, oun das o Zakaries moulo oun vas baro ray pal leste.

2. Rajengro liil 15:15

Ko tselo vavar koova, hoy pral o Shalloum penepaske hi, oun har lo pes vavarentsa khetne čivas, te denn le o baro rayes moulo, kova hi činlo an i familyakro liil i bare rayendar pral o Israel.

2. Rajengro liil 15:17

Har o Asarya an o 39. (triyanda-te-enyato) bersh ko ray pral o them Youda his, vas o Menahem, koleskro dad o Gadi his, o baro ray pral o them Israel. Deesh bersha his lo baro ray oun djivas an kava tsiro an o foro Samaria.