2. Rajengro liil 15:12 - O Debleskro Lab 2024 (Sinte-Manouche)

¹² Yaake vas čačo, hoy o baro Devel ap o Yehou penas: “Toutar venna bare raya pral o them Israel yaake rah bis te djivan star familye yek pal o vavar.” Oun yaake vas kova.

O Debleskro Drom 2021 (Sinte)

¹² Jaake was tchatcho, hoi o baro Dewel ap o Jehu penas: “Tutar wenna bare raja pral o them Israel jaake rah bis te djiwan star familje jek pal o wawar.” Un jaake was kowa.

2. Rajengro liil 15:12 ပူးပေါင်းရင်းမြစ်များ

2. Rajengro liil 10:10

Ap kova dikenn t'mer, kay lauter yaake vas, har o baro Devel pral o Ahabeskro kheer penas. O baro Devel kras kova, hoy yob moukas peskro boudepaskres o Eliya glan-vi te penell.”

2. Rajengro liil 10:30

O baro Devel penas ap o Yehou: “Kova, hoy kral ap o Ahabeskro kheer, his mishto an mire yaka. Tou kral ap leste, hoy man an miro dji his. Doleske venna dran tiri familya bare raya yaake rah, bis te star familye yek pal i vavar djivan.”

2. Rajengro liil 13:1

Har o Yoash, koleskro dad o Ahasya his, an o biish-te-triinto bersh o baro ray pral o them Youda his, vas o Yoakaz, koleskro dad o Yehou his, baro ray pral o them Israel. O Yoakaz his 17 (deesh-te-efta) bersha baro ray. An ko tsiro djivas lo an o foro Samaria.

2. Rajengro liil 13:10

Har o Yoash an o 37. (triyanda-te-eftato) bersh ko baro ray pral o them Youda his, vas o Yoash, koleskro dad o Yoakaz his, o baro ray pral Israel. Yob his 16 (deesh-te-shob) bersha baro ray oun djivas an ko tsiro an o foro Samaria.

2. Rajengro liil 13:13

Oun o Yoash meras oun vas paskedo an Samaria pash peskre phourende, kol bare rayende pral o them Israel. Oun o Yerobeam, vas baro ray pal leste.

2. Rajengro liil 14:29

Oun o Yerobeam meras, oun vas paskedo pash peskre phourende, kol bare rayende pral o them Israel. Oun leskro čavo, o Zakarie, vas baro ray pal leste.

2. Rajengro liil 15:11

Ko tselo vavar koova, hoy pral o Zakarie penepaske hi, kova hi činlo an i familyakro liil i bare rayendar pral o Israel.

Zakarie 1:6

Kol laba, hoy yon, mire boudepangre, t'mare phourenge penan, tapran len. Koy moukan le pengro čilačo drom, oun penan: Kova, hoy o baro Devel, ko ray pral o bolepen oun i phoub, mentsa kras, hi i phagi maro čilačo djipaske oun ko čilačo koova, hoy kram, yaake har penas lo.

4. Mose 23:19

O Devel hi gar i mensho, kay rhorhella, vitar gar i mensheskro čavo, koles khaytell, hoy yob kras. Penell yob čomone, hoy yob gar krella? Penell yob kova, kay rikrell yob gar?

Markus 13:31

O bolepen oun i phoub ačenna gar. Mire laba ačenna hako tsiro.

Johanni 10:35

Kolentsa, kay o Devel rakras, ap kolende penas yob debla. Oun kova, hoy an o Debleskro lab činlo hi, nay vell gar krik lino.

Johanni 19:24

Koy penan yon yek ap o vavareste: “Mer moukah ko ripen yaake, har kova hi. Mer khelah, koon les lella.” Yaake vas kova čačo, hoy an o Debleskro lab činlo hi: Hakeno las i kotar mire ripyendar. Oun koon miro telstouno ripen lella, khelan yon vin. Yaake kran i lourde.

Bičepangre 1:16

Mire phrala, kova, hoy an o Debleskro lab pral o Youdas činlo hi, hounte vas yaake. Glan rah tsiro penas o Debleskro Dourho o Davideske kova, hoy vella pral o Youdaseste. O Youdas sikras o drom kolende, kay tapran o Yezouses.

1. Samuel 3:19

Oun o Samuel vas bareder, oun o baro Devel his pash leste, oun kras te vas lauter čačo, hoy o Samuel i menshenge penas.