2. Rajengro liil 14:9 - O Debleskro Lab 2024 (Sinte-Manouche)

⁹ Oun o Yoash, ko baro ray pral o them Israel, moukas o baro rayeske pral o them Youda, o Amazya, te penell: “O soubyengro bour an o Libanon bičras yekes pash o Cedertikro rouk, oun moukas leske te penell: De tiri čay miro čaveste, te romedinerell lo lat! Koy van divye firhe oun stakran o soubyengro bour tel pende.

O Debleskro Drom 2021 (Sinte)

⁹ Un o Joash, ko baro rai pral o them Israel, mukas o baro rajeske pral o them Juda, o Amazja, te penell: “O subjengro bur an o Libanon bitchras jekes pash o Zedertikro ruk, un mukas leske te penell: ‘De tiri tchai miro tchaweste, te romedinerell lo lat!’ Koi wan diwje vieche un stakran o subjengro bur tel pende.

2. Rajengro liil 14:9 ပူးပေါင်းရင်းမြစ်များ

2. Familjakro liil 25:18

Oun o Yoash, ko baro ray pral o them Israel, moukas o baro rayeske pral o them Youda, o Amazya, te penell: “O soubyengro bour an o Libanon bičras yekes pash o Cedertikro rouk, oun moukas leske te penell: De tiri čay miro čaveste, te romedinerell lo lat! Koy van divye firhe oun stakran o soubyengro bour tel pende.

2. Familjakro liil 33:11

Doleske moukas o baro Devel i pralstunen pengre lourdentsa dran o them Assour pral lende te vell; kolla tapran o Manasse i sasteha oun pandan les shellentsa dran lolo saster, oun anan les an o them Babilonia.

Hiob 31:18

Foun tiknes pre dom me ap lende yak, har te voms me lengro dad. Oun miro tselo djipen vom kol djouvyenge ap i rig, kolengro rom meras.

2. Mose 3:2

Oun kote moukas pes o baro Debleskro bolepaskro lestar te dikell, an i yag an i bourra. O Mose dikas, kay i bourra rhačan oun rhačran gar pre.

Gosewe laba 26:9

I soubyengro kasht an o vast kolestar, kay mato hi, yaake hi i gosevo lab an o mouy i dinelestar.

Kamlepaskri gili 2:2

Ava, har i lilya – i lilya mank i soubyengre bourra, yaake hi miri pirni mank i čende.

Jesaja 34:13

Oun an i rayengre khera djan i soubyengre bourra pre, oun ap i barrengre massourya vell soubyengro zenlepen baro. I divye djoukle djivenn kote, oun bare divye čirkle hi kote khere.

Hosea 9:6

Dran t'maro them, hoy paash kerdo hi, hounte djan t'menge krik. O them Egiptia lell t'men pash peste pre, oun an o foro Memfis venn t'mer paskedo. Kote, kay kanna t'maro kouč roup hi, vell soubyengro zenlepen baro, oun soubyengre bourra venn baro an t'mare khera.

1. Korintarja 12:15

Te penals i heri: “Me hom kek vast,” hi li palle kek kotar o menshestar? Na-a, i heri hi i kotar o menshestar.

1. Samuel 13:6

Har i Israelitarya dikan, har zorelo i Filistarya hi, tapras len i daar, oun yon khatran pen an i phoub, pal soubyengre bourra, mank bare barra, an grufte oun panyengre rhebya.