2. Rajengro liil 14:25 - O Debleskro Lab 2024 (Sinte-Manouche)

²⁵ O Yerobeam las kol themeskre kotya pale dren, hoy vavar lenge krik lan, yaake te vas o them Israel pale khetne, ko forestar Hamat bis pash o Londo Baro Pani. Yaake vas čačo, hoy penas o baro Devel, o Israeleskro Devel, ap peskro boudepaskro, o Yona, koleskro dad o Amitay his, dran o foro Gat-Hefer. Oun o Yona, ko Debleskro rakepaskro, penas kova i Israelenge doureder.

O Debleskro Drom 2021 (Sinte)

²⁵ O Jerobeam las kol themeskre kotja pale dren, hoi wawar lenge krik lan, jaake te was o them Israel pale khetne, ko forestar Hamat bis pash o Londo Baro Pani. Jaake was tchatcho, hoi penas o baro Dewel, o Israeleskro Dewel, ap peskro budepaskro, o Jona, koleskro dad o Amitai his, dran o foro Gat-Hefer. Un o Jona, ko Debleskro rakepaskro, penas kowa i Israelenge dureder.

2. Rajengro liil 14:25 ပူးပေါင်းရင်းမြစ်များ

1. Mose 14:3

Kol panč raya kran vin, te rikrenn yon khetne oun van an i tala Siddim. Kova hi kanna o Londo Baro Pani.

1. Rajengro liil 8:65

Oun ap ko tsiro his kol bare divessa, kay djivenn i Israelitarya an patyengre khera. Oun o Salomo khetne kol tsele Israelentsa rikran kol bare divessa. His boud menshe kote khetne dran o tselo them, foun Lebo-Hamat bis pash koy tala mank Israel oun Egiptia. Efta divessa his le khetne glan maro baro Debleste, oun koy pal pale efta divessa. Kolla his khetne deesh-te-star divessa.

2. Rajengro liil 10:32

An ko tsiro, kay o Yehou baro ray his, činas o baro Devel kotya dran o Israeleskro them vin: O baro ray Hasael dran o them Syria las len ko them krik, hoy čačes o panyestar Yordan hi, bis pash o foro Aroer pash o pani Arnon. Kova his o them Gilead oun o them Bashan. Kote djivan i menshe dran i bare familye Gad, Ruben oun Manasse.

2. Rajengro liil 13:25

O Yoash las kol forya an o kourepen pale pale dran o vast o baro rayestar Ben-Hadad, koleskro dad o Hasael his, – kol forya, kay o Hasael an o kourepen o Yoasheskro dadestar Yoakaz krik las. Triin kope das les o Yoash oun las yaake kol Israeleskre forya pale pale.

2. Rajengro liil 13:5

Oun o baro Devel bičras i Israelenge yekes, kay len vin las dran i čilače vasta i menshendar dran o them Syria, te nay djivenn i Israelitarya pale an pengre khera, yaake har glan ko tsiro his.

2. Rajengro liil 14:24

Oun yob kras, hoy glan o baro Debleskre yaka djoungelo his, oun moukas gar ko čilačo drom, hoy o Yerobeam djas, koleskro dad o Nebat his. O Yerobeam anas o Israel o Debleskro dromestar tele oun kras te mangenn le vavar deblen an.

Ezekiel 11:10

T'mer venn o rhareha moulo dino. Kate an o them Israel dau t'men t'mari phagi. Oun t'mer dikenn oun hayvenn, te hom me o baro Devel.

Amos 6:14

“Doleske”, penell o baro Devel, ko ray pral o bolepen oun i phoub, “bičrau i natsyona, hoy djal ap t'mende, kay han dran o kheer Israel. Kolla menshe lenn t'maro them dren foun Lebo-Hamat bis pash o lengsto pani an o telstouno them.”

Jona 1:1

O baro Devel rakras o morsheha Yona, koleskro dad o Amitay his, oun penas:

4. Mose 13:21

Oun yon djan koy, oun dikan, har ko them hi an o moulo tato them Tsin oun doureder pre, o tselo drom bis pash o foro Rehob pash Lebo-Hamat.

Mateo 16:4

Har čilačo hi kol menshe, kay djivenn an kava tsiro! Yon moukan o Debles, oun kamenn i baro Debleskro koova te dikell. Oun o Devel sikrell len či vavar har kova, hoy i menshe ninna ap o Debleskro rakepaskro, o Yona, dikan. Oun o Yezous moukas len, oun djas peske.

5. Mose 3:17

Ap i rig, kay o kham tele djal, djal o them bis pash o lengsto pani Yordan, oun kote foun o pani Génésareth bis pash o Londo Baro Pani, oun bis tella pash i berga Pisga, kote kay o kham pre djal.

Josua 19:13

oun doureder kote, kay o kham pre djal, bis pash kol forya Gat-Hefer oun Et-Kazin, oun doureder bis pash o foro Rimmon oun doureder bis pash o foro Neah.