2. Rajengro liil 14:24 - O Debleskro Lab 2024 (Sinte-Manouche)

²⁴ Oun yob kras, hoy glan o baro Debleskre yaka djoungelo his, oun moukas gar ko čilačo drom, hoy o Yerobeam djas, koleskro dad o Nebat his. O Yerobeam anas o Israel o Debleskro dromestar tele oun kras te mangenn le vavar deblen an.

O Debleskro Drom 2021 (Sinte)

²⁴ Un job kras, hoi glan o baro Debleskre jaka djungelo his, un mukas gar ko tchilatcho drom, hoi o Jerobeam djas, koleskro dad o Nebat his. O Jerobeam anas o Israel o Debleskro dromestar tele un kras te mangenn le wawar deblen an.

2. Rajengro liil 14:24 ပူးပေါင်းရင်းမြစ်များ

1. Mose 38:7

Oun o Er his čilačo an o baro Debleskre yaka. Oun o baro Devel moukas les te merell.

1. Rajengro liil 14:16

Dran o čilačepen, hoy o Yerobeam kras, moukell o baro Devel i Israelitaryen. O Yerobeam djas o baro Debleskro dromestar tele, oun kras, te djan i Israelitarya ninna o baro Debleskro dromestar tele.”

1. Rajengro liil 21:25

Čačepah, kek his koy har o Ahab, kay bikras pes, te krell lo o čilačepen glan i yaka o baro Deblestar. Oun leskri romni, i Isebel, his koya, kay anas les ap kava čilačo drom.

2. Rajengro liil 13:11

Yob kras, hoy djoungeles his glan o baro Debleskre yaka, oun moukas gar ko čilačo drom, hoy o Yerobeam djas, koleskro dad o Nebat his. O Yerobeam anas o Israel o Debleskro dromestar tele oun kras te mangan le vavar deblen an. Oun o Yoash kras kova ninna.

2. Rajengro liil 13:2

Yob kras, hoy glan o baro Debleskre yaka djoungeles his yaake har o Yerobeam kras, koleskro dad o Nebat his. O Yerobeam anas o Israel o Debleskro dromestar tele, oun kras, te mangan le vavar deblen an. Oun o Yoakaz moukas len kova ninna te krell.

2. Rajengro liil 13:6

Ninna te dikan le, hoy o baro Devel lauter lenge kras, moukan le gar tele ko čilačo dromestar, kay o kheer Yerobeam len pre anas, oun mangan doureder i vavar deblen an. Ninna moukan le koy kashteni debletsa, i Ashera, an o foro Samaria tardo.

2. Rajengro liil 14:23

Har o Amazya, koleskro dad o Yoash his, an o deesh-te-pančto bersh o baro ray pral o them Youda his, vas o Yerobeam baro ray pral o them Israel. Leskro dad kharas ninna Yoash. O Yerobeam his 41 (star-deesh-te-yek) bersha baro ray oun djivas an ko tsiro an o foro Samaria.

2. Rajengro liil 14:25

O Yerobeam las kol themeskre kotya pale dren, hoy vavar lenge krik lan, yaake te vas o them Israel pale khetne, ko forestar Hamat bis pash o Londo Baro Pani. Yaake vas čačo, hoy penas o baro Devel, o Israeleskro Devel, ap peskro boudepaskro, o Yona, koleskro dad o Amitay his, dran o foro Gat-Hefer. Oun o Yona, ko Debleskro rakepaskro, penas kova i Israelenge doureder.

2. Rajengro liil 21:6

Oun yob moukas peskro čaves an i yag te djal oun shounas ap čirklengre golya oun vavar sikepen, oun rikras peske dravepangre oun save menshen, kay i moulen poučan. Yaake kras lo boud koova, hoy čilačo hi glan o baro Debleskre yaka, te rhoyrell lo les.

Debleskri gili 106:20

Yon moukan o raylo baro Debles, oun mangan i figura i groumyatar an, hoy khass rhal.

Amos 7:10

Oun o rashay o forestar Betel – leskro lab his Amazya – bičras morshen pash o Yerobeam, ko baro rayeste an Israel, oun moukas leske te penell: “O Amos krell i menshen divyo, te hadenn le pen pral toute. Leskro rakepen nay shounah mer bouder gar.

Amos 7:13

Kate an Betel mangell o baro ray o Debles an, kate hi leskro kheer. Doleske nay rakreh tou gar pale kate an o Debleskro lab.”

Amos 7:16

Kanna shoun tou o Debleskro lab! Tou kamal gar, te penap me i Israelenge kol laba, hoy o baro Devel pral lende penas. Tou kamal gar te rakrap pral o kheer Isaak.

Amos 7:9

I moulne platse, kay mangan o Isaakeskre menshe rhorhene deblen an, kal platse venna paash dino. Oun kol khera, kay sharan i Israelitarya o Debles, venn dino an kotya. Oun me vau miro rhareha pral o kheer Yerobeam.”

5. Mose 9:18

Oun me vitsrom man tele glan o baro Debleste, oun homs čiddo glan leste har koy ersto kopo 40 (star-deesh) divessa oun ratsya. Maro rhom kek, oun pani piyom gar. Oun mangom les t'menge, te dikell lo gar ap t'mari bari doosh, hoy t'mer ap t'mende lan, har savo djoungelo koova kran, oun les yaake rhoyedo kran.