2. Rajengro liil 12:19 - O Debleskro Lab 2024 (Sinte-Manouche)

¹⁹ las o Yoash, ko baro ray pral o them Youda, ko tselo kouč koova, hoy dan leskre phoure, kol bare raya, o Yosafat, o Yoram oun o Ahasya, o baro Debleske, ninna kova, hoy yob kokres o Debleske das, oun ko tselo sonakay, hoy vas hatslo an o baro Debleskro kheer oun an o baro rayeskro kheer, oun bičras halauter pash o Hasael, ko baro rayeste pral o them Syria. Kote djas peske o Hasael o forestar Yerusalem krik.

O Debleskro Drom 2021 (Sinte)

¹⁹ las o Joash, ko baro rai pral o them Juda, ko tselo kutch koowa, hoi dan leskre phure, kol bare raja, o Josafat, o Joram un o Ahasja, o baro Debleske, ninna kowa, hoi job kokres o Debleske das, un ko tselo sonakai, hoi was hatslo an o baro Debleskro kheer un an o baro rajeskro kheer, un bitchras halauter pash o Hasael, ko baro rajeste pral o them Syria. Kote djas peske o Hasael o forestar Jerusalem krik.

2. Rajengro liil 12:19 ပူးပေါင်းရင်းမြစ်များ

1. Rajengro liil 11:41

Ko tselo vavar koova, hoy pral o Salomo penepaske hi, oun halauter, hoy lo kras, oun leskro tselo gosvepen, kova hi činlo an i familyakro liil o Salomestar.

1. Rajengro liil 14:19

Ko tselo vavar koova, hoy pral o Yerobeam penepaske hi, leskro kourepen oun har lo baro ray his, kova hi činlo an i familyakro liil i bare rayendar pral o Israel.

1. Rajengro liil 14:29

Oun ko tselo vavar koova, hoy pral o Roboam penepaske hi, oun halauter, hoy yob kras, kova hi činlo an i familyakro liil i bare rayendar pral o them Youda.

1. Rajengro liil 15:18

Kote las o Asa ko tselo roup oun sonakay, hoy pral ačas o bravlepastar an o baro Debleskro kheer oun an o baro rayeskro kheer, oun bičras bičepangre koleha an o foro Damaskus, pash o Ben-Hadad, koleskro dad o Tabrimmon his, koleskro dad o Hesyon his. O Ben-Hadad his o baro ray pral o them Syria. Oun o Asa moukas leske te penell:

2. Rajengro liil 12:18

An ko tsiro djas o baro ray pral o them Syria, – leskro lab his Hasael – pash o foro Gat oun las les peske dren. Oun har lo doureder djas, te kourell lo pes o foreha Yerusalem,

2. Rajengro liil 12:20

Ko tselo vavar koova, hoy pral o Yoash penepaske hi, oun halauter, hoy lo kras, kova hi činlo an i familyakro liil i bare rayendar pral o them Youda.

2. Rajengro liil 16:8

Oun o Ahas las ko roup oun ko sonakay, hoy lo an o baro Debleskro kheer hatsas, oun hoy lo an peskro rayeskro kheer hatsas, oun bičras halauter o baro rayeske pral o them Assour, te lell lo les dran leskro vast kamles pash peste.

2. Rajengro liil 18:15

Yaake das leste o Hiskiya ko tselo roup, hoy hatsas pes an o baro Debleskro kheer oun an o baro rayeskro kheer.

2. Rajengro liil 18:16

An ko tsiro phagas o Hiskiya ninna o sonakay tele i voudyendar an o baro Debleskro kheer, hoy moukas lo glan i tsiro pre te krell, oun das les o baro rayestar pral o them Assour.

2. Rajengro liil 8:23

Ko tselo vavar koova, hoy pral o Yoram penepaske hi, oun lauter, hoy lo kras, kova hi činlo an i familyakro liil i bare rayendar pral o Youda.