2. Rajengro liil 12:17 - O Debleskro Lab 2024 (Sinte-Manouche)

¹⁷ Kol vavar love, hoy i menshe pashel dan, har anan le firhen o Debleske, te vell lengri doosh krik lino, oun te vell lauter pale mishto, kol love vas gar o baro Debleskro khereske lino. Kol love his i rashayenge kokres.

O Debleskro Drom 2021 (Sinte)

¹⁷ Kol wawar lowe, hoi i menshe pashel dan, har anan le viechen o Debleske, te well lengri doosh krik lino, un te well lauter pale mishto, kol lowe was gar o baro Debleskro khereske lino. Kol lowe his i rashajenge kokres.

2. Rajengro liil 12:17 ပူးပေါင်းရင်းမြစ်များ

1. Rajengro liil 15:18

Kote las o Asa ko tselo roup oun sonakay, hoy pral ačas o bravlepastar an o baro Debleskro kheer oun an o baro rayeskro kheer, oun bičras bičepangre koleha an o foro Damaskus, pash o Ben-Hadad, koleskro dad o Tabrimmon his, koleskro dad o Hesyon his. O Ben-Hadad his o baro ray pral o them Syria. Oun o Asa moukas leske te penell:

1. Rajengro liil 19:17

Palle vell yaake: Koon nay nashell peske glan o rharo, koleha o Hasael dell, koles marell o Yehou. Oun koon nay nashell peske glan o rharo, koleha o Yehou dell, koles marell o Elisa.

2. Rajengro liil 10:32

An ko tsiro, kay o Yehou baro ray his, činas o baro Devel kotya dran o Israeleskro them vin: O baro ray Hasael dran o them Syria las len ko them krik, hoy čačes o panyestar Yordan hi, bis pash o foro Aroer pash o pani Arnon. Kova his o them Gilead oun o them Bashan. Kote djivan i menshe dran i bare familye Gad, Ruben oun Manasse.

2. Rajengro liil 13:3

Oun ko tselo tsiro, har o Yoakaz baro ray his, vas o baro Debleskri rholi pale te pale pral i Israelende. Oun yob das len an o vast o baro rayestar Hasael oun leskro čavestar Ben-Hadad. O Hasael his o baro ray pral o them Syria.

2. Rajengro liil 16:8

Oun o Ahas las ko roup oun ko sonakay, hoy lo an o baro Debleskro kheer hatsas, oun hoy lo an peskro rayeskro kheer hatsas, oun bičras halauter o baro rayeske pral o them Assour, te lell lo les dran leskro vast kamles pash peste.

1. Familjakro liil 18:1

Pal kova kouras pes o David i Filistarentsa oun his zorleder har yon, oun las o foro Gat oun i gaba troul Gat dran lengro vast.

1. Familjakro liil 8:13

O Berya oun o Shema his i pralstoune pral pengre familye, kay an o foro Ayalon djivan. Yon tradan i menshen, kay djivan an o foro Gat, dran o foro vin.

Jeremia 42:15

Palle shounenn o baro Debleskro lab, t'mer kay ačan pral an o them Youda! Kova penell o baro Devel, ko ray pral o bolepen oun i phoub, kay o Israeleskro Devel hi: Te krenn t'men ap o drom, te djan an o them Egiptia, oun te djivenn kote,

Daniel 11:17

Oun yob kamell ninna o tselo them Egiptia an peskro vast te lell. Doleske rakrell lo pes o baro rayeha pral o them Egiptia tele, oun dell les peskri ča, te vell li leskri romni. Kova krell lo, te anell lo nay koleskro them an i bibarht. Kova djal leske gar, oun vell gar yaake har yob kamell.

3. Mose 7:7

Yaake har pash ko firho, hoy i doshake maredo vell, yaake hi ninna pash ko firho, hoy maredo vell, te vell o mensheskri doosh pale mishto kerdo. O firheskro mass hi ko rashayeske, kay o firheskro thulepen rhačrell, te vell pale lauter mishto mank ko mensheste oun o Debleste.

3. Mose 7:9

Oun o tselo rhapen dran djob, hoy an o bob peklo vas, an i piri keredo vas, oder an i sasterno čaro peklo vas, kova hi ko rashayeske, kay ko rhapen glan o baro Debleste anas.

Habakuk 1:9

Yon venna halauter, te kourenn le pen bari oun čilači zoryah. Kek lendar dikell pale. Yon lenn yaake boud pandle, te nay penell kek, kitse yon hi.

4. Mose 18:9

Touke hi kol tsele kotya, hoy venn gar pre-rhačedo kol tsele firhendar, hoy denn le mande, te vell lengri doosh krik lino oun te vell lauter pale mishto, ninna ko tselo rhapen, hoy denn le pashel. Kova halauter hi mange kouč, oun me dau les toute oun tire čavende.

Louka 9:51

Har ko tsiro kay his, te vell o Yezous maredo, kras pes lo ap o drom, te djal lo an o foro Yerusalem. Oun kek nay rikras les pale.

Louka 9:53

I menshe an ko gab shounan, kay kamell lo an o foro Yerusalem te djal. Doleske lan yon les gar pash pende pre.

1. Samuel 27:2

Yaake kras pes o David ap o drom peskre 600 (shob-sheel) morshentsa. Oun yon djan pash o baro rayeste pral o foro Gat. Leskro lab his Akish, koleskro dad his o Maok.