2. Rajengro liil 12:16 - O Debleskro Lab 2024 (Sinte-Manouche)

¹⁶ Oun kol morshen, kay ko tselo roup dino vas, te denn le les i boudepangren, kolla hounte penan kekeske, har yon ko roup vin dan. Yon his morsha o labestar oun lenge vas patslo.

O Debleskro Drom 2021 (Sinte)

¹⁶ Un kol murshen, kai ko tselo rup dino was, te denn le les i budepangren, kolla hunte penan kekeske, har jon ko rup win dan. Jon his mursha o labestar un lenge was patslo.

2. Rajengro liil 12:16 ပူးပေါင်းရင်းမြစ်များ

Nehemia 13:13

Oun me rodom morshen vin, te venn le i pralstoune pral i rhapangre khera. Kolla his o rashay, o Shelemya, oun o činepaskro, kay lila činell, o Zadok, oun o Levitari, o Pedaya. Kolenge ap i rig his tardo o Hanan, koleskro dad o Zakour his, koleskro dad o Mattanya his. Kolla star his morsha o labestar. Kolenge vas penlo, te denn le ko rhapen ap pengre phralende.

Hosea 4:8

T'mer rashaya rhan ko mass, hoy denn i menshe o Debleste pengri doshake. Doleske han t'mer barhtelo pral i menshengri doosh.

3. Mose 4:24

Oun čivell peskro vast ap o firheskro shero oun marell les glan o baro Debleste, kote kay i firhe maredo venn, hoy o Debleske rhačedo venn. Yaake vell i firheha kerdo, hoy maredo vell, te vell i doosh krik lino.

3. Mose 4:29

Oun yob hounte čivell peskro vast ap o firheskro shero oun marell les kote kay i firhe maredo venn, hoy rhačedo venn o Debleske.

3. Mose 7:7

Yaake har pash ko firho, hoy i doshake maredo vell, yaake hi ninna pash ko firho, hoy maredo vell, te vell o mensheskri doosh pale mishto kerdo. O firheskro mass hi ko rashayeske, kay o firheskro thulepen rhačrell, te vell pale lauter mishto mank ko mensheste oun o Debleste.

4. Mose 18:19

Ko tselo koova, hoy i Israelitarya o baro Debleske anenna, dau me touke oun tire čavenge oun tire čenge. Oun t'menge hi kova hako tsireske. Ap ko lab dau me miro vast. Kek nay lell ko lab krik, hoy dom tout oun tire čavende, kay pal toute venna.