2. Rajengro liil 11:18 - O Debleskro Lab 2024 (Sinte-Manouche)

¹⁸ Palle djan i tsele menshe dran o them Youda an o kheer ko deblestar Baal, oun kran kol tsele figure paash, hoy les sikran. Oun kol rhačepangre, kay firhen oun vavar koova leske rhačedo van, phagan le tele. Oun glan kol rhačepangre maran le leskro rashayes, o Mattan. Oun o rashay Yoyada bičras klisten, te denn le yak ap o baro Debleskro kheer.

O Debleskro Drom 2021 (Sinte)

¹⁸ Palle djan i tsele menshe dran o them Juda an o kheer ko deblestar Baal, un kran kol tsele figure paash, hoi les sikran. Un kol chatchepangre, kai viechen un wawar koowa leske chatchedo wan, phagan le tele. Un glan kol chatchepangre maran le leskro rashajes, o Mattan. Un o rashai Jojada bitchras klisten, te denn le jak ap o baro Debleskro kheer.

2. Rajengro liil 11:18 ပူးပေါင်းရင်းမြစ်များ

1. Rajengro liil 18:40

Oun o Eliya penas ap lende: “Taprenn kol rashayen o deblestar Baal! Kek te nashell peske!” Oun yon tapran len, oun o Eliya anas len tele pash o pani Kishon oun maras len kote.

2. Rajengro liil 10:21

Ninna bičras o Yehou bičepangre an o tselo them Israel, te shounell hakeno ko lab. Oun lauter, kay mangenn o debles Baal an, van khetne an Samaria. Kek ačas krik. Oun yon djan an o kheer o deblestar Baal, yaake kay o tselo kheer pherdo vas.

2. Rajengro liil 10:25

Har kolla pre rhačan, penas o Yehou ap kol klistende oun pralstoune lourdende: “Djan dren oun denn lauteren moulo! Moukenn kekes krik nashell!” Oun yon dan len o rhareha. Oun kol lourde, kay yak dan oun pralstoune lourde vitsran kolen vin, kay moulo hi, oun djan doureder dren an o kheer o deblestar Baal.

2. Rajengro liil 10:26

Oun lan kol figure vin, hoy i Ashera sikrenn, oun rhačran len pre.

2. Rajengro liil 10:27

Oun ko baro bar, hoy pre-čiddo vas o debleske Baal, koles dan le an kotya, ninna leskro tselo kheer. Bis kay dives hi koy platsa i platsa, kay djan i menshe ap i rig.

2. Rajengro liil 18:4

O Hiskiya kras kol moulne platse paash, kay le i moule deblen an-mangan. Yob moukas kol bare barra an kotya te phagell, hoy le lenge pre-čivan, oun moukas koy kashteni debletsa Ashera trouyel te dell. Oun yob das ko sasterno sap paash, hoy moukas o Mose te krell. Glan ko tsiro, kay o Hiskiya kova kras, rhačran i Israelitarya soungepaskro koova glan ko sap, oun dan leste ko lab Nehoushtan.

2. Rajengro liil 23:10

O Yosia kras ninna koy platsa pale-čiddo, hoy kharella Tofet, oun hi an i tala Hinnom čiddo. Kova kras lo, te nay rhačrell kek peskro čaves vitar gar peskri čay an i yag o rhorheno debleske Molok.

2. Rajengro liil 23:14

Yob phagas kol bare barra paash, hoy le pengre deblenge pre-čivan, oun das kol figure tele, hoy sikran i Ashera. Oun kote, kay le tardo his, vitsras lo menshengre kokale pre.

2. Rajengro liil 23:20

Oun moukas i tsele rashayen, kay i moule deblenge boudran, te marell ap lengre rhačepangre, oun rhačras menshengre kokale koy pre. Oun palle vas lo pale an o foro Yerusalem.

2. Familjakro liil 21:17

Oun yon djan khetne pre an o them Youda, oun lan halauter pentsa, hoy hatsan le an o kheer o baro rayestar, ninna leskre čave oun leskre romya. Oun yaake ačas leske kek čavo pral, kokres leskro terneder čavo, o Yoakaz.

2. Familjakro liil 34:4

Oun glan leskre yaka moukas lo i rhačepangre tele te phagell, kay firhen ko debleske rhačedo van, kay kharell Baal. Oun kol boba, hoy koy pral tardo his, oun kay soungepaskro koova rhačedo vas, moukas lo trouyel te dell. Oun i figure, hoy sikrenn i debletsa Ashera, oun kol vavar figure, hoy le pengre vastentsa kran, kolen phagas lo an kotya, oun das len yaake khetne, te ačas či har čik pral. Kay čik vitsras lo pral ko handako, kay kolla paskedo his, kay rhačran firhen oun vavar koova kol rhorhene deblenge.

2. Familjakro liil 34:7

Oun an o tselo them Israel phagas lo kol rhačepangre tele, ninna i figure, hoy i Ashera sikran. Oun i tsele vavar figure das lo an kotya oun kras len yaake tiknes, te his le har čik. Oun i boba, kay soungepaskro koova rhačedo vas, das lo trouyel. Pal kova djas lo pale an o foro Yerusalem.

2. Mose 32:20

Ko terno gouroum, hoy kran i Israelitarya penge, vitsras yob an i yag, te rhačrell lo. Oun das les tiknes, bis te stauba pral ačas. Koy stauba vitsras lo an o pani, oun das les i Israelitarya te piyell.

Jesaja 2:18

Oun kol tsele rhorhene deblentsa hi palle hako tsireske trouyel.

5. Mose 12:2

Te vas ko tsiro, kay lan t'mer ko them dren oun tradan kol vavar menshen vin, palle denn kol tsele platse paash, kay yon pengre deblen an-mangan, ap i bare oun tikne berge, ninna tel bare zenele rouka.

5. Mose 12:3

Vitsrenn kol pre-čidde barra trouyel, kay maran le oun rhačran le firhen pengro debleske. Phagenn kol bare barra paash, hoy le leske pre-čivan! Oun rhačrenn kol kashta, hoy sikrenn i debletsa Ashera. Oun denn lengre figuren an kotya! Či te ačell lendar pral.

5. Mose 13:10

Na-a, tou dess les moulo. Tou vess o ersto, kay lell i bar an peskro vast, te vitsress ap leste, oun pal toute i tsele vavar.

5. Mose 13:5

Leske djan palla! Rikrenn les t'menge glan i yaka pash halauter, hoy krenn! Lauter, hoy yob penas, krenn! Shounenn ap leste! Mangenn les an! Oun rikrenn t'men ap leste!

5. Mose 13:6

Oun ko rakepaskro, ninna kova, koles kol sounya hi, yob hounte vell maredo. Yob kamas t'men t'maro baro Deblestar krik te anell, kolestar, kay anas t'men vin dran o them Egiptia oun las t'men vin dran o pandepen. Ko mensho kamas te djan t'mer tele o dromestar, hoy t'maro baro Devel penas, te hounte djan ap leste. Oun t'mer hounte vitsrenn vin o čilačepen, hoy mashkral t'mende hi.

5. Mose 13:9

ma kre, hoy yob toutar kamell, oun shoun gar ap leste! Yob te khaytell tout gar! Tout vell kek dji leske! Ma khate leskri doosh!