2. Rajengro liil 11:16 - O Debleskro Lab 2024 (Sinte-Manouche)

¹⁶ Oun yon tapran la oun anan la ko drom, kay i graya pash o baro rayeskro kheer nashenna. Oun kote vas li maredo.

O Debleskro Drom 2021 (Sinte)

¹⁶ Un jon tapran la un anan la ko drom, kai i graja pash o baro rajeskro kheer nashenna. Un kote was li maredo.

2. Rajengro liil 11:16 ပူးပေါင်းရင်းမြစ်များ

1. Mose 9:6

O Devel kras o menshes, yaake har yob hi. Doleske hounte vell kova moulo dino i menshestar, kay i menshes moulo das.

2. Rajengro liil 11:15

Oun o rashay o Yoyada kamas gar te vell li maredo an o baro Debleskro kheer. Doleske penas lo kol pralstoune lourdenge: “Anenn lat vin! Oun koon lake pal nashella, koles denn moulo o rhareha!”

2. Familjakro liil 23:15

Oun yon tapran lat oun anan lat pash o baro rayeskro kheer glan ko voudar, hoy kharell Grayengro Voudar. Oun kote vas li maredo.

Nehemia 3:28

Ko kotar massouri pral o Grayengro Voudar kran i rashaya neves, hakeno vergel peskro kheer.

Jeremia 31:40

Oun koy tseli tala, kay i moule paskedo hi, oun i yagakri čik vin čoredo vas, tele bis pash o pani Kidron, pral bis pash o grayengro voudar, hoy ap koy rig hi, kay o kham pre djal, koy tseli tala hi o baro Debleske. Oun ko foro vell bouder gar tele phagedo oun paash kerdo – an kek tsiro.

3. Mose 24:17

Koon i menshes moulo dell, hounte vell moulo dino.

Mateo 7:2

Te hi t'men i baro dji i vavarenge, hi o Debles ninna i baro dji t'menge. Hi t'men kek baro dji lenge, hi o Debles vitar gar i baro dji t'menge.

Jakobo 2:13

Ma bistrenn! Vell yek dives, kay rakrell o Devel o čačepen vin pral t'mende. Te hi yekes kek dji i vavareske, koleske hi o Debles vitar kek dji. Kones hi i dji i vavarenge, koles hounte vell kek daar ap ko dives, kay rakrell o Devel o čačepen pral i menshende vin.

Čačepangre 1:7

Koy penas o Adoni-Besek: “Efta-deesh bare rayenge moukom i pesse goushte lengre vastendar tele te dell oun ninna i bare goushte lengre pirendar. Oun yon hounte rhan, hoy miri rhapaskri tele peras. Oun yaake har me les lentsa krom, yaake das les man o Devel pale.” Oun yon anan les an o foro Yerusalem. Oun kote meras lo.