2. Rajengro liil 10:7 - O Debleskro Lab 2024 (Sinte-Manouche)

⁷ Har kanna ko liil pash kolende vas, lan yon o baro rayeskre efta-deesh čaven, maran len oun čivan lengre sherya an korbe oun bičran len pash o Yehou an Yesreel.

O Debleskro Drom 2021 (Sinte)

⁷ Har kanna ko liil pash kolende was, lan jon o baro rajeskre efta-deesh tchawen, maran len un tchiwan lengre sherja an korbe un bitchran len pash o Jehu an Jesreel.

2. Rajengro liil 10:7 ပူးပေါင်းရင်းမြစ်များ

1. Rajengro liil 21:19

Rake leha oun pen leske, hoy me, o baro Devel, leske penau: Hi kova gar doha, te maral i morshes? Hounte čoress tou kanna leskro kotar them? Me, o baro Devel, penau touke: Ap ko kotar phoub, kay i djoukle piyan o rat o morshestar Nabot, kote piyenn i djoukle tiro rat ninna.”

1. Rajengro liil 21:21

Doleske penell yob touke: Me anau bibarht pral toute. Oun moukau tout te marell oun tire morsh čaven, kay pal toute venna, i baren har i tiknen. Kek morsh, kay toutar vella, ačell djido an Israel.

2. Rajengro liil 10:6

Koy činas yob i douyto liil ap lende: “Te han t'mer ap miri rig oun shounenn ap mande, lenn kol sherya kol čavendar t'maro rayestar oun anenn len pash mande an Yesreel taysar an kava tsiro!” Kol efta-deesh čave o baro rayestar djivan pash kol an-dikle morshende an ko foro, kay tserdenn len baro.

2. Rajengro liil 10:8

Har ko bičepaskro pash leste vas oun leske penas “yon anan i sherya o baro rayeskre čavendar”, penas yob: “Čivenn len khetne ap douy platse glan o foreskro voudar, oun ačenn len kote bis taysar.”

2. Rajengro liil 10:9

O vavar dives taysarlakro djas yob vin glan o foreskro voudar oun penas ap kol tsele menshende, kay kote hi: “T'men hi kek doosh. Me krom, te hadenn pen i menshe ap miro rayeste, oun dom les moulo. Koon das kal tsele vavaren moulo?

2. Rajengro liil 11:1

Har o Ahasya moulo his, stas leskri day, i Atalya, pre, te marell li hakenes, kay o baro rayeha dran yek familya vas.

2. Familjakro liil 21:4

Oun har o Yoram o baro ray vas pal peskro dadeste, oun les boud penepaske his, kote maras lo peskre tsele phralen o rhareha, oun ninna i pralstunendar pral Israel.